குட் நியூஸ்; 2025 ஐபிஎல் தொடரில் தோனி கன்பார்ம்? சிஎஸ்கேயில் நடக்கும் மாற்றம் என்ன தெரியுமா?

2025 ஐபிஎல் போட்டிகளில் மட்டுமல்ல, மேலும் சில சீசன்களுக்கு சிஎஸ்கே அணிக்காக தோனி விளையாடுவார்:

MS Dhoni Play IPL 2025: ஐபிஎல் 2025 வீரர் தக்கவைப்பு மற்றும் ஏலத்திற்கு முன்பு மகேந்திர சிங் தோனி ஒரு பெரிய செய்தியை அறிவித்தார். ஒரு மென்பொருள் பிராண்டின் விளம்பர நிகழ்வில் தோனி கூறினார், ‘எனது விளையாட்டு வாழ்க்கையின் கடைசி சில ஆண்டுகளில், நான் கிரிக்கெட்டை ரசிக்க விரும்புகிறேன்.’

ஐபிஎல் போட்டிகளில் விளையாடும்போது மட்டும் கிரிக்கெட்டை ரசிப்பது கடினம், என்கிறார் தோனி:

மகேந்திர சிங் கூறினார், ‘ஒருவர் கிரிக்கெட் போன்ற தொழில்முறை விளையாட்டை விளையாடும்போது, விளையாட்டாக மட்டும் ரசிப்பது கடினம். நான் அதைத்தான் செய்ய விரும்புகிறேன். அது எளிதல்ல. உணர்ச்சிவசப்படுகிறேன், பொறுப்பும் இருக்கிறது. நான் அடுத்த சில ஆண்டுகள் விளையாட்டை ரசிக்க விரும்புகிறேன்.’

ஐபிஎல் போட்டிகளுக்காக வருடத்திற்கு 2 மாதங்கள் ஒதுக்குவது கடினம் அல்ல, என்கிறார் தோனி:

சர்வதேச கிரிக்கெட்டில் இருந்து ஓய்வு பெற்ற பிறகு, ஐபிஎல் போட்டிகளில் மட்டுமே விளையாடி வருகிறார் மகேந்திர சிங் தோனி. இது குறித்து அவர் கூறினார், ‘இரண்டரை மாதங்கள் ஐபிஎல் போட்டிகளில் விளையாட, 9 மாதங்கள் உடற்தகுதியுடன் இருக்க வேண்டும். சரியான திட்டமிடல் வேண்டும். அதே நேரத்தில், ஓய்வும் எடுக்க முடியும்.’

2025 ஐபிஎல் ஏலத்திற்கு முன்பே தோனியை சிஎஸ் கே தக்கவைக்கலாம்

ஐபிஎல்லின் புதிய விதிமுறைகளின்படி, 5 ஆண்டுகள் தேசிய அணிக்காக விளையாடாத மகேந்திர சிங் தோனியை 4 கோடி ரூபாய்க்கு சென்னை சூப்பர் கிங்ஸ் தக்கவைக்க முடியும். அதுதான் நடக்கப் போகிறது.

தோனி மீண்டும் ஐபிஎல் போட்டிகளில் விளையாடுவார் என்ற செய்தியால் உற்சாகத்தில் சிஎஸ் கே ரசிகர்கள்:

சென்னை சூப்பர் கிங்ஸ் ரசிகர்கள், தோனி மேலும் சில ஆண்டுகள் ஐபிஎல் போட்டிகளில் விளையாட வேண்டும் என்று விரும்புகிறார்கள். இந்த ஜாம்பவான் அதற்கான சமிக்ஞையை கொடுத்துள்ளார்.

அடுத்த சில நாட்களில் தோனியை தக்கவைப்பதாக சிஎஸ்கே அறிவிக்கலாம்:

ஐபிஎல் நிர்வாகக் குழு, அக்டோபர் 31 ஆம் தேதிக்குள் 10 அணிகளும் தக்கவைக்கப்பட்ட வீரர்களின் பட்டியலை அறிவிக்க வேண்டும் என்று தெரிவித்துள்ளது. அதன் பிறகு, நவம்பர் நான்காவது வாரத்தில் ஏலம் நடைபெறும்.

ஐபிஎல் போட்டிகளில் இருந்து ஓய்வு பெறுவதற்கு முன், மீண்டும் சிஎஸ் கேவை சாம்பியன் பண்ண விரும்புகிறார் தோனி:

கடந்த சீசனில் இருந்து சென்னை சூப்பர் கிங்ஸ் அணியின் கேப்டனாக இல்லை மகேந்திர சிங் தோனி. ஆனால், அவர் சாதாரண வீரராக சிறப்பாக செயல்பட்டு, மீண்டும் அணியை சாம்பியன் பண்ண விரும்புகிறார்.