MalayalamNewsableKannadaKannadaPrabhaTeluguTamilBanglaHindiMarathiMyNation
Add Preferred SourceGoogle-icon
  • Facebook
  • Twitter
  • whatsapp
  • YT video
  • insta
  • தற்போதைய செய்தி
  • தமிழ்நாடு
  • சினிமா
  • ஆட்டோ
  • வர்த்தகம்
  • விளையாட்டு
  • லைஃப்ஸ்டைல்
  • ஜோதிடம்
  • இந்தியா
  • Home
  • Sports
  • Sports Cricket
  • CSK-வின் மெய்யழகன்... எம்.எஸ்.தோனியின் அசர வைக்கும் ஐபிஎல் சாதனைகள் ஒரு பார்வை

CSK-வின் மெய்யழகன்... எம்.எஸ்.தோனியின் அசர வைக்கும் ஐபிஎல் சாதனைகள் ஒரு பார்வை

MS Dhoni's IPL Records : ஐபிஎல் தொடரில் சென்னை சூப்பர் கிங்ஸ் அணிக்காக விளையாடி வந்த எம்.எஸ்.தோனி தற்போது அதிலிருந்து ஓய்வு பெற்றுள்ளார். அவருக்கு சிஎஸ்கேவில் புதிய பொறுப்பு வழங்கப்பட்டு உள்ளது.

3 Min read
Author : Ganesh A
Published : Nov 17 2026, 04:22 PM IST
Share this Photo Gallery
  • FB
  • TW
  • Linkdin
  • Whatsapp
  • GNFollow Us
16
MS Dhoni's IPL Records
Image Credit : X/@CricCrazyJohns

MS Dhoni's IPL Records

ஐபிஎல் தொடரின் தொடக்கக் காலமான 2008-ம் ஆண்டு முதலே சென்னை சூப்பர் கிங்ஸ் (சிஎஸ்கே) அணியுடன் பயணித்து வருபவர் முன்னாள் கேப்டன் மகேந்திர சிங் தோனி. தற்போது அவருக்கு அணியில் புதிய பொறுப்பு வழங்கப்பட்டுள்ளது. செவ்வாய்க்கிழமை அன்று தோனியை அணியின் ஆலோசகராக நியமித்துள்ளதாக சிஎஸ்கே நிர்வாகம் அறிவித்துள்ளது. நீண்ட காலமாக அணியின் வெற்றிகளுக்கு முக்கியக் காரணமாக இருந்து வரும் தோனிக்கு வழங்கப்பட்டுள்ள இந்தப் புதிய பொறுப்பு, ரசிகர்களிடையே கவனம் பெற்றுள்ளது.

ஐபிஎல் வரலாற்றில் மிகச் சிறந்த கேப்டன்களில் ஒருவராகத் திகழும் தோனி, தனது தலைமையில் சிஎஸ்கே அணிக்கு ஐந்து முறை சாம்பியன் பட்டத்தைப் பெற்றுத் தந்துள்ளார். மேலும், 10 முறை இறுதிப்போட்டி வரை அணியை அழைத்துச் சென்ற பெருமையும் அவருக்கு உண்டு. ஐபிஎல் போட்டிகளில் இதுவரை 5,400-க்கும் அதிகமான ரன்களைக் குவித்துள்ள அவர், விக்கெட் கீப்பிங்கிலும் பல்வேறு சாதனைகளைப் படைத்துள்ளார். அந்த வகையில், ஐபிஎல் வரலாற்றில் தோனி படைத்துள்ள முக்கியமான சாதனைகள் மற்றும் மைல்கற்கள் குறித்து விரிவாகப் பார்க்கலாம்.

ஏசியாநெட் தமிழ்-ஐ உங்கள் முதன்மைத் தேர்வாக்குங்கள்googlePreferred
26
5 முறை ஐபிஎல் சாம்பியன் பட்டம்!
Image Credit : X/@RitikSriva75

5 முறை ஐபிஎல் சாம்பியன் பட்டம்!

சிஎஸ்கே அணியை ஐந்து முறை ஐபிஎல் சாம்பியனாக்கிய கேப்டன் என்ற பெருமை தோனிக்கு உண்டு. 2010, 2011, 2018, 2021 மற்றும் 2023 ஆகிய ஆண்டுகளில் அவரது தலைமையில் சென்னை அணி கோப்பையை வென்றுள்ளது.

2010-ம் ஆண்டு முதல்முறையாக ஐபிஎல் கோப்பையைத் தன்வசப்படுத்திய சிஎஸ்கே, அடுத்த ஆண்டே அதாவது 2011-ல் மீண்டும் சாம்பியன் பட்டத்தை வென்று தனது ஆதிக்கத்தை நிரூபித்தது. இதையடுத்து, இரண்டு ஆண்டுகள் தடைக்குப் பிறகு 2018-ல் மீண்டும் களமிறங்கிய சென்னை அணி, தோனியின் தலைமையில் கோப்பையை வென்று பிரம்மாண்டமாகத் திரும்பியது.

தொடர்ந்து 2021 மற்றும் 2023-ம் ஆண்டுகளிலும் சாம்பியன் பட்டத்தை வென்றதன் மூலம், தோனியின் தலைமையில் சிஎஸ்கே பெற்ற கோப்பைகளின் எண்ணிக்கை ஐந்தாக உயர்ந்தது. ஐபிஎல் தொடரில் கேப்டனாக அதிக முறை கோப்பையை வென்ற சாதனையை தோனி, மும்பை இந்தியன்ஸ் அணிக்கு ஐந்து முறை சாம்பியன் பட்டத்தைப் பெற்றுத் தந்த ரோஹித் சர்மாவுடன் பகிர்ந்து கொண்டுள்ளார்.

36
10 முறை இறுதிப்போட்டிக்கு அழைத்துச் சென்ற கேப்டன்!
Image Credit : Instagram/chennaiipl

10 முறை இறுதிப்போட்டிக்கு அழைத்துச் சென்ற கேப்டன்!

தோனியின் கேப்டன்சி என்றாலே முதலில் நினைவுக்கு வருவது அவரது தொடர்ச்சியான வெற்றிகள்தான். அவரது தலைமையில் சிஎஸ்கே அணி 10 முறை ஐபிஎல் இறுதிப்போட்டிக்கு முன்னேறியுள்ளது. இதன் மூலம் ஐபிஎல் வரலாற்றில் மிகவும் வெற்றிகரமான அணிகளில் ஒன்றாக சென்னை சூப்பர் கிங்ஸ் உருவெடுத்தது.

அதுமட்டுமின்றி, தோனி கேப்டனாக இருந்த காலகட்டத்தில் 12 சீசன்களில் சிஎஸ்கே அணி பிளே ஆஃப் சுற்றுக்குத் தகுதி பெற்றுள்ளது. சென்னை அணிக்காக மொத்தம் 235 ஐபிஎல் போட்டிகளில் கேப்டனாகச் செயல்பட்டுள்ள தோனி, அதில் 143 போட்டிகளில் வெற்றியையும், 90 போட்டிகளில் தோல்வியையும் சந்தித்துள்ளார். இரண்டு போட்டிகள் முடிவில்லாமல் நிறைவடைந்தன.

ஒட்டுமொத்த ஐபிஎல் தொடரைப் பொறுத்தவரை, 226 போட்டிகளில் கேப்டனாகப் பொறுப்பேற்று 133 வெற்றிகள், 91 தோல்விகள் மற்றும் இரண்டு முடிவில்லாத போட்டிகளைப் பதிவு செய்துள்ளார்.

46
5,439 ரன்கள்... அதிரடி பேட்டிங்கிலும் அசத்தல்!
Image Credit : X/@mufaddal_vohra

5,439 ரன்கள்... அதிரடி பேட்டிங்கிலும் அசத்தல்!

கேப்டன்சி மட்டுமின்றி பேட்டிங்கிலும் தோனி பல சாதனைகளைத் தன்வசம் வைத்துள்ளார். ஐபிஎல் போட்டிகளில் இதுவரை 5,439 ரன்களைக் குவித்துள்ள அவர், அதிகபட்சமாக ஆட்டமிழக்காமல் 84 ரன்கள் எடுத்துள்ளார்.

38.30 என்ற பேட்டிங் சராசரியையும், 138.20 என்ற ஸ்ட்ரைக் ரேட்டையும் கொண்டுள்ளார். இவரது ஐபிஎல் ரன்களில் 24 அரைசதங்கள், 375 பவுண்டரிகள் மற்றும் 264 சிக்ஸர்கள் அடங்கும். இதன் மூலம் ஐபிஎல் வரலாற்றில் அதிக ரன்கள் எடுத்த வீரர்களின் பட்டியலிலும் முக்கிய இடத்தைப் பிடித்துள்ளார்.

தோனியின் சிறந்த ஐபிஎல் சீசனாக 2013-ம் ஆண்டு அமைந்தது. அந்த சீசனில் மட்டும் அவர் 461 ரன்களைக் குவித்தார். அதேபோல், 2018-ம் ஆண்டு சென்னை அணி மீண்டும் களமிறங்கி கோப்பையை வென்றபோது, தோனி 455 ரன்களை 75.83 என்ற சிறப்பான சராசரியில் எடுத்திருந்தார்.

2019-ம் ஆண்டு சீசனிலும் தனது அதிரடியைத் தொடர்ந்த தோனி, 416 ரன்களைக் குவித்தார். குறிப்பாக, அந்த சீசனில் அவரது பேட்டிங் சராசரி 83.20 ஆக இருந்தது. குறைந்தது 10 இன்னிங்ஸ்களில் விளையாடிய சீசன்களை ஒப்பிடும்போது, இதுவே அவரது அதிகபட்ச சீசன் சராசரியாகும்.

56
விக்கெட் கீப்பிங்கில் முறியடிக்க முடியாத சாதனைகள்!
Image Credit : ANI

விக்கெட் கீப்பிங்கில் முறியடிக்க முடியாத சாதனைகள்!

பேட்டிங் மற்றும் கேப்டன்சி என இரண்டிலும் சாதித்த தோனியின் மற்றொரு முக்கியமான அடையாளம் அவரது விக்கெட் கீப்பிங் திறமை. விக்கெட்டுக்குப் பின்னால் நின்று அவர் நிகழ்த்திய சாதனைகளும் ஏராளம்.

ஐபிஎல் வரலாற்றில் விக்கெட் கீப்பராக அதிக கேட்ச்களைப் பிடித்த வீரர் என்ற சாதனையை தோனி தன்வசம் வைத்துள்ளார். இதுவரை 158 கேட்ச்களைப் பிடித்துள்ளார். அதேபோல், 47 ஸ்டம்பிங்குகளைச் செய்து அதிக ஸ்டம்பிங் செய்த விக்கெட் கீப்பர் என்ற சாதனையையும் படைத்துள்ளார்.

இரண்டையும் சேர்த்துப் பார்த்தால், கேட்ச் மற்றும் ஸ்டம்பிங் மூலம் மட்டும் 205 விக்கெட்டுகளை வீழ்த்துவதற்கு அவர் பங்களித்துள்ளார். 18 ஐபிஎல் சீசன்களாகத் தொடர்ந்து விளையாடி வரும் தோனியின் அனுபவத்தையும், விக்கெட் கீப்பிங் திறமையையும் இந்தப் புள்ளிவிவரங்கள் வெளிப்படுத்துகின்றன.

66
கேப்டன் பொறுப்பிலிருந்து புதிய அவதாரம் வரை!
Image Credit : ANI

கேப்டன் பொறுப்பிலிருந்து புதிய அவதாரம் வரை!

2024-ம் ஆண்டு ஐபிஎல் தொடருக்கு முன்னதாக சிஎஸ்கே அணியின் கேப்டன் பொறுப்பை ருதுராஜ் கெய்க்வாடிடம் ஒப்படைத்தார் தோனி. இதன் மூலம் நீண்ட காலமாகத் தொடர்ந்த அவரது கேப்டன் பயணம் முடிவுக்கு வந்தது. இருப்பினும், 2025-ம் ஆண்டு சீசனில் காயம் காரணமாக ருதுராஜ் கெய்க்வாட் தொடரிலிருந்து விலகியதால், மீண்டும் சிஎஸ்கே அணியின் கேப்டன் பொறுப்பை ஏற்றார் தோனி.

இந்நிலையில், தற்போது அணியின் ஆலோசகராகப் புதிய பொறுப்பை ஏற்றுள்ளார். 2008-ம் ஆண்டு ஐபிஎல் தொடங்கியதிலிருந்து சென்னை அணியின் அடையாளமாக இருந்து வரும் தோனியின் பயணத்தில் இது மற்றொரு முக்கியமான அத்தியாயமாக அமைந்துள்ளது.

கேப்டனாக ஐந்து கோப்பைகள், 10 இறுதிப்போட்டிகள், ஆயிரக்கணக்கான ரன்கள், விக்கெட் கீப்பிங்கில் பல சாதனைகள் என ஐபிஎல் வரலாற்றில் தனக்கென ஒரு தனி இடத்தை உருவாக்கியுள்ளார் தோனி. இனி புதிய பொறுப்பில் அவர் சிஎஸ்கே அணிக்கு எப்படிப் பங்களிக்கப் போகிறார் என்பதே ரசிகர்களின் எதிர்பார்ப்பாக உள்ளது

About the Author

GA
Ganesh A
இவர் பொறியியல் பட்டதாரி. செய்தி எழுதுவதில் 7 ஆண்டுகளுக்கும் மேலான அனுபவம் உள்ளவர். இவர் கடந்த 3 ஆண்டுகளாக ஏசியாநெட் நியூஸ் தமிழில் சப்-எடிட்டராக பணியாற்றி வருகிறார். டிஜிட்டல் மீடியா பற்றி நன்கு அறிந்தவர் மற்றும் அதில் அனுபவமும் பெற்றவர். சினிமா மற்றும் பொழுதுபோக்கு செய்திகளை எழுதுவதில் ஆர்வம் கொண்டவர்.
சிஎஸ்கே
எம். எஸ். தோனி
எம். எஸ். தோனி ஐபிஎல் ஓய்வு
சென்னை சூப்பர் கிங்ஸ்
 
2nd TEST • PAK vs SL 2026
Live
PAKPAK
(28.0 ov)92/1
SLSL
98
Day 1 - Session 3
Schedule ›
3rd ODI • AUS vs ENG 2026
AUSAUS
Wed, 18 Nov, 2026
ENGENG
09:00 am
Match yet to begin.
Schedule ›
2nd ODI • AUS vs ENG 2026
Result
AUSAUS
220
ENGENG
355/6
ENG beat AUS by 135 runs
Schedule ›
5th ODI • NZ vs IND 2026
Result
NZNZ
187
INDIND
209
IND beat NZ by 22 runs
Schedule ›
1st ODI • AUS vs ENG 2026
Result
AUSAUS
132/3
ENGENG
131
AUS won by 7 wickets
Schedule ›
4th ODI • NZ vs IND 2026
Result
NZNZ
333
INDIND
89
NZ beat IND by 244 runs
Schedule ›
3rd ODI • NZ vs IND 2026
abandoned
NZNZ
-
INDIND
-
Match abandoned
Schedule ›
1st TEST • PAK vs SL 2026
Result
PAKPAK
434 & 284/8
SLSL
446
Match drawn
Schedule ›
15th T20 • WBBLT20
Result
SS-WSS-W
162/2
ST-WST-W
158
Sydney Sixers Women Won by 9 runs (D/L) method
Schedule ›
Latest Videos
Recommended Stories
Recommended image1
CSK Without Dhoni: IPL ஓய்வை அறிவித்தார் மகேந்திர சிங் தோனி..
Recommended image2
IPL 2027: ஆர்சிபி அணியிலிருந்து வெளியேறப்போகும் 4 வீரர்கள்? உத்தேசப் பட்டியல் இதோ!
Recommended image3
Jay Shah: சர்வதேச கிரிக்கெட்டை ஆட்டிப்படைக்கும் இந்தியா..! மீண்டும் ICC தலைவரான ஜெய்ஷா..
Related Stories
Recommended image1
MS Dhoni in CSK: சென்னை அணியின் பயிற்சியாளராகும் MSD..! CSKவில் மாஸ் கம்பேக் கொடுக்கும் தோனி..!
Recommended image2
CSK Without Dhoni: IPL ஓய்வை அறிவித்தார் மகேந்திர சிங் தோனி..
Asianet
Follow us on
  • Facebook
  • Twitter
  • whatsapp
  • YT video
  • insta
  • Download on Android
  • Download on IOS
  • About Website
  • Terms of Use
  • Privacy Policy
  • CSAM Policy
  • Complaint Redressal - Website
  • Compliance Report Digital
  • Investors
© Copyright 2026 Asianxt Digital Technologies Private Limited (Formerly known as Asianet News Media & Entertainment Private Limited) | All Rights Reserved