Jay Shah Cricket Journey: ஜெய் ஷாவின் கிரிக்கெட் பயணம்: மாவட்ட அளவில் இருந்து ஐசிசி தலைவர் வரை!

பிசிசிஐ செயலாளரான ஜெய் ஷா தற்போது ஐசிசியின் புதிய தலைவராக போட்டியின்றி தேர்வாகியுள்ளார். வரும் டிசம்பர் 1 ஆம் தேதி முதல் ஐசிசி தலைவர் பொறுப்பை ஏற்க இருக்கிறார். மாவட்ட அளவில் இருந்து உலக கிரிக்கெட்டை ஆளும் நிலைக்கு உயர்ந்துள்ளார் இந்திய கிரிக்கெட் கட்டுப்பாட்டு வாரிய செயலாளர் (பிசிசிஐ) ஜெய் ஷா. 

பிசிசிஐ செயலாளர் ஜெய் ஷா இப்போது உலக கிரிக்கெட்டின் தலைவராக மாறியுள்ளார். ஐசிசி தலைவர் பதவிக்கான தேர்தலில் போட்டியின்றி வெற்றி பெற்றார். ஐசிசி-யின் புதிய தலைவராக பொறுப்பேற்க உள்ளார். ஐசிசி தலைவர் கிரெக் பர்க்லி ஏற்கனவே இரண்டு முறை தொடர்ந்து ஐசிசி தலைவராக பணியாற்றியுள்ளார்.

இருப்பினும், மூன்றாவது முறையாக மனு தாக்கல் செய்ய வேண்டாம் என்று அவர் முடிவு செய்தார். இதனால் இந்த பதவி காலியானது. நவம்பர் 30ஆம் தேதியுடன் பர்க்லேயின் பதவிக்காலம் முடிவடைகிறது. தற்போது புதிதாக தேர்ந்தெடுக்கப்பட்டுள்ள ஜெய் ஷா டிசம்பர் 1ஆம் தேதி பொறுப்பேற்க உள்ளார்.

35 வயதில் சர்வதேச கிரிக்கெட் கவுன்சில் (ஐசிசி) தலைவராக ஜெய் ஷா போட்டியின்றி தேர்ந்தெடுக்கப்பட்டார். இதன் மூலம் இந்த பதவியை அலங்கரித்த இளம் வயது நபர் என்ற பெருமையைப் பெற்றுள்ளார். 2009 ஆம் ஆண்டு மத்திய கிரிக்கெட் வாரியம் அகமதாபாத் (சிபிசிஏ) உடன் மாவட்ட அளவில் பணியாற்றத் தொடங்கியபோது கிரிக்கெட் நிர்வாகத்தில் அதிகாரப்பூர்வமாக நுழைந்தார்.

அதன்பிறகு குஜராத் கிரிக்கெட் சங்கத்தில் (ஜிசிஏ) நிர்வாகியாக மாநில அளவில் இணைந்தார். இறுதியாக 2013 ஆம் ஆண்டு அதன் கூட்டுச் செயலாளரானார். ஜிசிஏவில் அவர் வகித்த பதவிக் காலத்தில் வீரர்கள் சிறப்பாக செயல்படுவதை உறுதி செய்யும் வகையில் குறிப்பிட்ட வயதுடைய பயிற்சி முறையை நிறுவுதல், குஜராத் 2016-17 ஆம் ஆண்டில் ரஞ்சி கோப்பையை வெல்ல உதவியது போன்றவை ஷாவிற்கு மேலும் அங்கீகாரத்தைப் பெற்றுத் தந்தது.

இந்திய கிரிக்கெட் அணியில் உள்ள பல்வேறு நிலைகளில் உள்ள வீரர்களுடன் வலுவான உறவை ஏற்படுத்திக் கொள்ள ஜெய் ஷாவுக்கு முடிந்தது. ஐசிசிக்குச் செல்வதற்கு முன்பு நம்பகமான மூத்த வீரர்களிடம் கருத்துக் கேட்ட அவரது முன்னோடிகளைப் போலல்லாமல், கேப்டன் ரோகித் சர்மா, நட்சத்திர பேட்ஸ்மேன் விராட் கோலி, பந்துவீச்சு ஸ்பியர்ஹெட் ஜஸ்பிரித் பும்ரா, ஹர்திக் பாண்ட்யா உள்ளிட்ட இளம் வீரர்கள் வரை அனைத்து தரப்பினருடனும் தொடர்பில் இருந்தார்.

இந்த ஆண்டு தொடக்கத்தில் மேற்கிந்திய தீவுகளில் நடந்த டி20 உலகக் கோப்பையை வெல்ல ஷாவும் முக்கிய பங்கு வகித்ததாக ரோகித் குறிப்பிட்டது குறிப்பிடத்தக்கது. குறிப்பாக 2020-2021 ஆம் ஆண்டில் கோவிட்-19 தொற்றுநோய் காலத்தில் ஐபிஎல் போட்டிகளை வெற்றிகரமாக நடத்தி முடித்ததில் ஷாவின் பங்கு அளப்பரியது.

ஐபிஎல் போட்டிகளின் போது பயோ-பபுள் அமைப்புகளை உருவாக்கி, அந்த பாதுகாப்பு வளையங்களில் மருத்துவக் குழுக்களுடன் இணைந்து நேர்மறை நிகழ்வுகளைக் கையாண்டு, தொடர்களை வெற்றிகரமாக நிறைவு செய்தார். அதேபோல், மகளிர் பிரீமியர் லீக்கை (WPL) தொடங்குவது ஜெய் ஷாவின் மிகப்பெரிய சாதனையாகும். பெண் கிரிக்கெட் வீரர்களுக்கு நல்ல அங்கீகாரத்தை அளிப்பதோடு, அவர்களுக்கு நிதி ரீதியாகவும் அதிக உதவிகளை வழங்கியுள்ளது.

அதேபோல், ஜெய் ஷாவின் காலத்தில் இந்த ஆண்டு 10-டெஸ்ட் போட்டிகள் கொண்ட தொடருடன் இந்திய மகளிர் கிரிக்கெட் அணிக்கு ஆண்களுக்கு நிகரான போட்டி கட்டணத்தை வழங்குவதில் ஜெய் ஷா முக்கிய பங்கு வகித்தார். ரோகித், கோலி, பும்ரா போன்ற நட்சத்திர வீரர்கள் கேட்டுக் கொண்டபோது அவர்களுக்குத் தேவையான ஓய்வை வழங்குவதிலும் ஷா காட்டிய சாதுர்யம் பாராட்டுக்குரியது.