பந்துவீச்சில் மிரட்டிய இந்தியா! சூர்யாவின் அதிரடிக்கு கிடைத்த முதல் பரிசு! அமெரிக்காவை காலி செய்த சிராஜ் அண்ட் அர்ஷ்தீப் காம்போ!

India vs USA T20 World Cup Match Report and Highlights : இந்திய அணியின் சிறப்பான பவுலிங்கின் காரணமாக அமெரிக்கா 132 ரன்கள் எடுத்து 29 ரன்கள் வித்தியாசத்தில் தோல்வியை தழுவியது.

Image Credit : Getty

இந்தியா vs அமெரிக்கா வெற்றி செய்திகள், India vs USA match winner Tamil

டி20 உலகக்கோப்பை தொடரின் முதல் போட்டியில் இந்தியா தடுமாற்றத்துடன் தொடங்கியது. 71 ரன்களுக்கு 6 விக்கெட்டுகளை இழந்து தடுமாறிய நிலையில், கேப்டன் சூர்யகுமார் யாதவின் அதிரடியால் இந்தியா 20 ஓவர்களில் 9 விக்கெட்டுகளாஇ இழந்து 161 ரன்கள் குவித்தது. டாஸ் வென்ற அமெரிக்கா முதலில் பந்துவீச்சைத் தேர்வு செய்த பிறகு, இந்தியா 77 ரன்களுக்குள் ஆறு விக்கெட்டுகளை இழந்தது. 

Image Credit : ANI

இந்திய அணி பந்துவீச்சு அபாரம், India bowling performance vs USA

ஆனால், கேப்டன் சூர்யகுமார் (84* ரன்கள், 49 பந்துகளில், 10 பவுண்டரிகள், நான்கு சிக்ஸர்கள்) அணியை 20 ஓவர்களில் 161/9 என்ற ஸ்கோருக்கு அழைத்துச் சென்றார். இலக்கைத் துரத்திய அமெரிக்கா 13 ரன்களுக்கு மூன்று விக்கெட்டுகளை இழந்தது. ஆனால், மிலிந்த் குமார் (34) மற்றும் சஞ்சய் கிருஷ்ணமூர்த்தி (37) ஆகியோர் 58 ரன்கள் பார்ட்னர்ஷிப் அமைத்தனர். அதன்பிறகு, இந்தியா சீரான இடைவெளியில் விக்கெட்டுகளை வீழ்த்தி, அமெரிக்காவின் வரலாற்று வெற்றியைத் தடுத்தது.

Image Credit : Getty

முகமது சிராஜ் விக்கெட்டுகள், Mohammed Siraj wickets vs USA

162 ரன்கள் எடுத்தால் வெற்றி என்ற இலக்குடன் களமிறங்கிய அமெரிக்காவுக்கு ஆரம்பமே அதிர்ச்சியாக இருந்தது. இரண்டாவது ஓவரில், முகமது சிராஜ் முதல் விக்கெட்டை வீழ்த்தினார். ஆண்ட்ரிஸ் கௌஸை (9 பந்துகளில் 6 ரன்கள்) திலக் வர்மாவிடம் கேட்ச் கொடுத்து வெளியேற்றினார். அர்ஷ்தீப் சிங்கும் தனது பங்கிற்கு, அமெரிக்க கேப்டன் மோனங்க் படேலை இரண்டு பந்துகளில் டக் அவுட் ஆக்கினார். சிராஜ் மீண்டும் சாய் தேஜா முக்கமல்லாவை வெறும் இரண்டு ரன்களில் வெளியேற்ற, அமெரிக்கா 3.2 ஓவர்களில் 13/3 எனத் தடுமாறியது.

Image Credit : Getty

அமெரிக்காவை வீழ்த்திய இந்தியா, India beats USA T20 World Cup

சஞ்சய் கிருஷ்ணமூர்த்தி மற்றும் மிலிந்த் குமார் ஜோடி அமெரிக்காவுக்காக பார்ட்னர்ஷிப் அமைத்தது. பவர்பிளே முடிவில் அமெரிக்கா 31/3 என இருந்தது. பாதி ஆட்டத்தின்போது, அமெரிக்கா 49/3 என்ற நிலையில் இருந்தது. மிலிந்த் (28*) மற்றும் சஞ்சய் (10*) களத்தில் இருந்தனர். 10.1 ஓவர்களில் மிலிந்த் அடித்த பவுண்டரி மூலம் அமெரிக்கா 50 ரன்களைக் கடந்தது. சஞ்சயும் அதிரடி காட்ட, ஹர்திக் பாண்டியா ஓவரில் ஒரு சிக்ஸரையும், வருண் சக்கரவர்த்தி ஓவரில் ஒரு பவுண்டரியையும் விளாசினார்.

Image Credit : Getty

அர்ஷ்தீப் சிங் டெத் ஓவர் ஸ்பெல், Arshdeep Singh death over bowling

58 ரன்கள் பார்ட்னர்ஷிப்பை வருண் சக்கரவர்த்தி உடைத்தார். இஷான் கிஷனின் ஸ்டம்பிங் உதவியுடன் மிலிந்த் குமார் 34 ரன்களில் ஆட்டமிழந்தார். அப்போது அமெரிக்கா 12 ஓவர்களில் 71/4 என இருந்தது. 15 ஓவர்கள் முடிவில், அமெரிக்கா 98/4 என்ற நிலையில் இருந்தது. சஞ்சய் (37*) மற்றும் ஷுபம் ரஞ்சனே (14*) களத்தில் இருந்தனர். அக்சர் படேல் வீசிய 16வது ஓவர் இந்தியாவுக்குப் புத்துயிர் அளித்தது. அவர் சஞ்சய் (31 பந்துகளில் 37 ரன்கள்) மற்றும் ஹர்மீத் சிங் (0) ஆகியோரை அடுத்தடுத்த பந்துகளில் வெளியேற்றினார். அமெரிக்கா 15.3 ஓவர்களில் 98/6 எனத் தடுமாறியது. 15.5 ஓவர்களில் அமெரிக்கா 100 ரன்களை எட்டியது.

Image Credit : Getty

குறைந்த ரன்களை தற்காத்த இந்தியா, India defending low score in T20

வான்கடே மைதானத்தில் ஒரு அணி 161 ரன்கள் எடுத்து வெற்றி பெறுவது அவ்வளவு எளிதான காரியமல்ல. வான்கடேயில் நடந்த 10 டி20 போட்டிகளில் 161 ரன்களே வெற்றிகரமாக பாதுகாக்கப்பட்ட குறைந்த ஸ்கோராகும். இதற்கு முன்னதாக 162 ரன்களே அதிகபட்ச ஸ்கோராக இருந்துள்ளது.