#AUSvsIND இதெல்லாம் கொஞ்சம்கூட சரியில்ல.. கிரிக்கெட் ஆஸி.,யிடம் அதிருப்தியை தெரிவித்த பிசிசிஐ..!

இந்திய அணி நிர்வாகம் இதுகுறித்த அதிருப்தியை வெளிப்படுத்தியதையடுத்து, விதிகளை பின்பற்ற முடியவில்லை என்றால், இந்திய அணி பிரிஸ்பேனுக்கு வரவே தேவையில்லை என்று குயின்ஸ்லாந்து எம்பிக்கள் ரோஸ் பேட்ஸ் மற்றும் டிம் மாண்டர் பேசியது இந்திய அணி நிர்வாகத்தை மேலும் அதிருப்தியடைய செய்தது. இதற்கிடையே, பிரிஸ்பேன் டெஸ்ட் குறித்த எந்த அதிகாரப்பூர்வமான கருத்தும் பிசிசிஐயிடமிருந்து வரவில்லை என்று கிரிக்கெட் ஆஸ்திரேலியா தெரிவித்திருந்தது.

இந்நிலையில், பிரிஸ்பேன் கொரோனா பாதுகாப்பு நெறிமுறைகள் மற்றும் கூடுதல் குவாரண்டின் குறித்த அதிருப்தியை கிரிக்கெட் ஆஸ்திரேலியாவுக்கு அதிகாரப்பூர்வமாக கடிதம் மூலம் பிசிசிஐ தெரியப்படுத்தியிருப்பதாக ஆஸ்திரேலிய ஊடகம் தெரிவித்துள்ளது. பிசிசிஐ அதிகாரப்பூர்வமாக அதிருப்தியை வெளிப்படுத்தியிருப்பதால், கிரிக்கெட் ஆஸ்திரேலியா இந்த விவகாரத்தில் விரைவில் நடவடிக்கை எடுக்கும் என்று எதிர்பார்க்கலாம். ஆஸ்திரேலியா விதிகள் குறித்து கடுமை காட்டும் பட்சத்தில், இந்திய அணி கடைசி டெஸ்ட்டில் ஆட திட்டவட்டமாக மறுத்துவிடும் என்றே எதிர்பார்க்கப்படுகிறது.