ஐபிஎல் தான் முக்கியம்.. ஆஸ்திரேலிய அணியிலிருந்து ஒதுங்கிய பெருந்தலைகள்..!
வெஸ்ட் இண்டீஸ் மற்றும் வங்கதேச அணிகளுக்கு எதிரான டி20 மற்றும் ஒருநாள் தொடர்களுக்கான ஆஸ்திரேலிய அணியில் முக்கியமான வீரர்கள் ஐபிஎல்லில் ஆடுவதற்காக ஒதுங்கியுள்ளனர். அந்த தொடர்களுக்கான ஆஸ்திரேலிய அணி அறிவிக்கப்பட்டுள்ளது.
ஆஸ்திரேலிய அணி வெஸ்ட் இண்டீஸ் மற்றும் வங்கதேசத்தில் சுற்றுப்பயணம் செய்து மொத்தமாக 10 டி20 மற்றும் 3 ஒருநாள் போட்டிகள் கொண்ட தொடர்களில் ஆடவுள்ளது. வெஸ்ட் இண்டீஸுக்கு எதிராக 5 டி20 மற்றும் 3 ஒருநாள் தொடரிலும், வங்கதேசத்துக்கு எதிராக 5 டி20 போட்டிகள் கொண்ட தொடரிலும் ஆஸ்திரேலிய அணி ஆடுகிறது.
இந்த தொடர்களுக்கான ஆஸி., அணி அறிவிக்கப்பட்டுள்ளது. ஐபிஎல் எஞ்சிய போட்டிகளில் ஆடுவதற்காக பாட் கம்மின்ஸ், க்ளென் மேக்ஸ்வெல், டேவிட் வார்னர், ஸ்டீவ் ஸ்மித், மார்கஸ் ஸ்டோய்னிஸ், ஜெய் ரிச்சர்ட்ஸன், கேன் ரிச்சர்ட்ஸன் ஆகிய வீரர்கள் ஆஸ்திரேலிய அணியிலிருந்து ஒதுங்கியுள்ளனர்.
ஆரோன் ஃபின்ச் தலைமையிலான ஆஸ்திரேலிய அணியில் ஆண்ட்ரூ டை, மிட்செல் மார்ஷ், மேத்யூ வேட், மிட்செல் ஸ்டார்க், ஆகிய சீனியர் வீரர்கல் இடம்பெற்றுள்ளனர். ஐபிஎல்லில் ஆடுவதற்காக முக்கியமான வீரர்கள் விலகியதால் இளம் வீரர்களுக்கு வாய்ப்பு கிடைத்துள்ளது.
ஆஸ்திரேலிய அணி:
ஆரோன் ஃபின்ச்(கேப்டன்), அஷ்டன் அகர், வெஸ் அகர், ஜேசன் பெஹ்ரெண்டார்ஃப், அலெக்ஸ் கேரி, டேனியல் கிறிஸ்டியன், ஜோஷ் ஹேசில்வுட், மோய்ஸஸ் ஹென்ரிக்ஸ், மிட்செல் மார்ஷ், பென் மெக்டெர்மாட், ரிலே மெரிடித், ஜோஷ் ஃபிலிப், மிட்செல் ஸ்டார்க், மிட்செல் ஸ்வெப்சன், அஷ்டன் டர்னர், ஆண்ட்ரூ டை, மேத்யூ வேட், ஆடம் ஸாம்பா.