திருப்பதி செல்லும் பக்தர்களுக்கு குட்நியூஸ்! இனி 2 மணி நேரத்தில் சாமி தரிசனம்!

திருமலை திருப்பதி தேவஸ்தானம் (டிடிடி) குழு, திருமலை கோயில் நிர்வாகம் மற்றும் அதன் வசதிகளை மேம்படுத்துவதற்கு பல முக்கிய முடிவுகளை எடுத்துள்ளது. குறிப்பாக ஸ்ரீவாரி தரிசனம் குறித்து சாமானியர்களுக்கு நல்ல செய்தியை அறிவித்துள்ளது. எனவே தற்போது திருப்பதி ஏழுமலையானை தரிசிக்க இப்போது மணிக்கணக்கில் வரிசையில் நிற்க வேண்டிய அவசியமில்லை.

திருமலையில் அரசியல் விவாதங்களுக்குத் தடை, விருந்தினர் இல்லங்களுக்கு அந்தப் பெயர்களுக்கு இல்லை

திருமலை கோயில் வளாகத்தில் அரசியல் விவாதங்களுக்குத் தடை விதித்து டிடிடி வாரியம் முக்கிய முடிவை எடுத்துள்ளது. கோயில் ஆன்மீகத்தில் கவனம் செலுத்த வேண்டும், அரசியல் செல்வாக்கு இல்லாமல் இருக்க வேண்டும் என்று திருப்பதி தேவஸ்தான நிர்வாகம் விரும்புகிறது. அரசியல் விஷயங்களுக்குத் தடை தொடரும் என்று தெரிவிக்கப்பட்டுள்ளது. 

மேலும், விருந்தினர் இல்லங்களுக்கு தனிப்பட்ட பெயர்கள் இருக்கக்கூடாது என்றும் முடிவு செய்யப்பட்டுள்ளது. திருமலையில் உள்ள விருந்தினர் இல்லங்களுக்கு தனிப்பட்ட, அரசியல் பெயர்களை வைக்கக்கூடாது என்று தேவஸ்தான நிர்வாகம் முடிவு செய்துள்ளது. இந்த விதி கோயில் வளாகத்தின் பாரம்பரிய, ஆன்மீக சூழ்நிலையைப் பாதுகாக்கும் நோக்கத்தோடு உள்ளது.

இரண்டு மூன்று மணி நேரத்தில் ஸ்ரீவாரி சர்வ தரிசனம்

திருமலை திருப்பதி தேவஸ்தானம் (டிடிடி) ஆளுகைக் குழு கூட்டத்தில் எடுக்கப்பட்ட முக்கிய முடிவுகளில் தரிசனங்களும் ஒன்று. இனிமேல், பக்தர்களுக்கு விரைவில் ஸ்ரீவாரி தரிசனம் கிடைக்க தேவையான ஏற்பாடுகளைச் செய்ய உள்ளதாக டிடிடி தெரிவித்துள்ளது. 

நீண்ட காத்திருப்பு நேரம் குறித்த அதிகரித்து வரும் கவலைகளுக்கு மத்தியில், சர்வ தரிசன டிக்கெட்டுகளைக் கொண்ட பக்தர்கள் 2-3 மணி நேரத்திற்குள் தரிசனம் (ஸ்ரீவாரி தரிசனம்) கிடைக்கும் வகையில் ஏற்பாடுகள் செய்வதாக அறிவித்துள்ளது. சர்வ தரிசனம் உட்பட அனைத்து தரிசனங்களின் நேரத்தையும் குறைக்க தொழில்நுட்ப உதவியைப் பெற உள்ளதாகவும் முடிவு செய்யப்பட்டுள்ளது. இதன் மூலம், ஸ்ரீவாரி தரிசனத்திற்காக சாமானியர்கள் உட்பட அனைவரும் காத்திருக்கும் நேரத்தைக் குறைத்து, யாத்ரீகர்களுக்கு சிறந்த அனுபவத்தை வழங்க உதவும்.

சாமானிய பக்தர்களுக்கு விரைவாகவே ஏழுமலையானை தரிசிக்க தேவையான செயற்கை நுண்ணறிவு தொழில்நுட்பத்தைப் பயன்படுத்த முடிவு செய்யப்பட்டுள்ளது. செயற்கை நுண்ணறிவு தொழில்நுட்பத்தின் மூலம் மெய்நிகர் வரிசைகளை அமைத்து.. வெறும் இரண்டு மூன்று மணி நேரத்தில் திருமலை ஸ்ரீனிவாசரை தரிசிக்க தேவையான வகையில் நடவடிக்கை எடுப்பதாக டிடிடி அதிகாரி சியாமள ராவ் தெரிவித்தார்.

சாரதா பீடம் குத்தகை ரத்து-இந்து அல்லாதவர்களின் சேவைகளுக்கு முற்றுப்புள்ளி

விசாகப்பட்டினத்தில் உள்ள சாரதா பீடத்தின் குத்தகை ஒப்பந்தத்தை ரத்து செய்ய டிடிடி வாரியம் முடிவு செய்துள்ளது. கூடுதலாக, சாரதா பீட கட்டிடத்தை நேரடியாக நிர்வகிக்க டிடிடி முழு கட்டுப்பாட்டை எடுக்க விரும்புவதாகத் தெரிவிக்கப்பட்டுள்ளது. 

இந்து அல்லாத ஊழியர்களின் சேவைகளை முடிவுக்குக் கொண்டுவரவும் தேவஸ்தான் போர்டு முடிவு செய்துள்ளது. கோயிலில் பணிபுரியும் இந்து அல்லாத மதங்களைச் சேர்ந்த ஊழியர்களின் சேவைகளை நிறுத்துவதாக டிடிடி அறிவித்துள்ளது. இந்த முடிவு, கோயில் ஊழியர்கள் அமைப்பின் மதம் மற்றும் ஆன்மீக விழுமியங்களுக்கு ஏற்ப செயல்படுவதை உறுதி செய்ய எடுக்கப்பட்டது. வாரியம் எடுத்த முடிவுகள் திருமலையின் புனிதத்தன்மையைப் பேணுவதற்கும், செயல்திறனை மேம்படுத்துவதற்கும், ஒட்டுமொத்த பக்தர்களின் அனுபவத்தை மேம்படுத்துவதற்கும் நோக்கமாகக் கொண்டவை என்று சம்பந்தப்பட்ட வட்டாரங்கள் தெரிவிக்கின்றன..