- Home
- Spiritual
- Spiritual: எல்லா பிரச்சினைகளையும் போக்கும் தேங்காய் வழிபாடு.! பணத்தை குவிக்கும் பரிகாரம் இதுதான்.! ஒரே நாளில் உடனே பலன்.!
Spiritual: எல்லா பிரச்சினைகளையும் போக்கும் தேங்காய் வழிபாடு.! பணத்தை குவிக்கும் பரிகாரம் இதுதான்.! ஒரே நாளில் உடனே பலன்.!
தேங்காய் 'சத்வ குணத்தின்' அடையாளமாக ஆன்மிகத்தில் கருதப்படுகிறது. ஜாதக தோஷங்கள், திருஷ்டி, நோய்கள் மற்றும் தொழில் தடைகளை நீக்க தேங்காயைக் கொண்டு செய்யப்படும் சக்திவாய்ந்த பரிகாரங்களையும், அதன் ஆன்மிக விளக்கங்களையும் இந்த கட்டுரை விரிவாக விளக்குகிறது.
தேங்காய் 'சத்வ குணத்தின்' அடையாளம்
தேங்காய் என்பது ஆன்மிக ரீதியாகவும், மருத்துவ ரீதியாகவும் தமிழர்களின் வாழ்வில் பிரிக்க முடியாத ஒரு அங்கமாகும். "தென்னையை பெத்தால் இளநீர், பிள்ளையை பெத்தால் கண்ணீர்" என்ற பழமொழிக்கு ஏற்ப, தன்னை வளர்த்தவர்களுக்கு வாரி வழங்கும் வள்ளலாக தென்னை மரம் திகழ்கிறது. குறிப்பாக ஆன்மிகத்தில், தேங்காய் 'சத்வ குணத்தின்' அடையாளமாகக் கருதப்படுகிறது. ஆன்மிக ரீதியாக தேங்காய் கொண்டு செய்யப்படும் சக்திவாய்ந்த பரிகாரங்கள் மற்றும் அதன் நன்மைகள் குறித்த விரிவான விளக்கங்கள் இதோ:
கிரக தோஷங்களும் சிதறுகாய் வழிபாடும்
ஜாதகத்தில் ராகு-கேது தோஷம் உள்ளவர்கள், குறிப்பாக கால சர்ப்ப தோஷத்தால் பாதிக்கப்படுபவர்கள், ஞாயிறு பிற்பகலிலோ அல்லது திங்கள் முற்பகலிலோ முச்சந்தி விநாயகருக்கு சிதறுகாய் உடைப்பது மிகுந்த பலன் தரும். இது தடைகளை உடைத்து காரிய வெற்றியைத் தரும். அதேபோல், வெளிநாடு செல்வதில் தடை உள்ளவர்கள் ரோகிணி, அஸ்தம், திருவோணம் போன்ற சந்திரனுக்குரிய நட்சத்திர நாட்களில் விநாயகருக்கு சிதறுகாய் இட்டால் தடைகள் நீங்கி வெளிநாட்டு யோகம் கிட்டும்.
திருஷ்டி மற்றும் மாந்தீரீக பாதிப்புகள் நீங்க
பில்லி, சூன்யம் போன்ற தீய சக்திகளால் பாதிக்கப்பட்டவர்களுக்கும், வீட்டில் எதிர்மறை ஆற்றல் அதிகம் இருப்பதாக உணருபவர்களுக்கும் தேங்காய் ஒரு சிறந்த பாதுகாப்பு அரண்.
- மாந்தீரீக பாதிப்பு: பாதிக்கப்பட்ட நபருக்கு அந்திப் பொழுதில் தேங்காய் உடைத்து அதன் வாசனையை நுகரச் செய்வது சித்தர்கள் கூறும் முறையாகும்.
- வாசல் காப்பு: நவமி திதியில் பறிக்கப்பட்ட தேங்காய்க்கு மஞ்சள் பூசி, அதன் முக்கண்களிலும் திலகமிட்டு வாசலில் கட்டினால் எப்பேர்ப்பட்ட கண் திருஷ்டியும் அண்டாது.
- எதிர்மறை ஆற்றல்: முள்ளம்பன்றி முள் போன்ற பொருட்களைக் கொண்டு செய்யப்படும் தீய வினைகளை முறியடிக்க, நன்கு விளைந்த தேங்காயை உடைத்து வாசல் அருகே வைத்தால், அது தீய சக்திகளை உறிஞ்சிக் கொள்ளும்.
நோய்கள் மற்றும் உடல் ஆரோக்கியம்
தேங்காய் பாலில் உள்ள சத்துக்கள் தாய்ப்பாலுக்கு இணையானது எனப்படுகிறது. குழந்தைகளுக்கு தேங்காய் பால் கொடுப்பது உடல் பலத்தையும், ஞாபக சக்தியையும் அதிகரிக்கும்.
பாபா பரிகாரம்: தீராத நோயால் வாடுபவர்கள் 11 மட்டை தேங்காய்களை எடுத்துக்கொண்டு பாபா கோவிலுக்குச் சென்று, 10 தேங்காய்களை 'துனி' (அக்னி) முன்பு வைத்துவிட்டு, மீதி ஒன்றில் இனிப்பு செய்து பிரசாதமாக வழங்கினால் நோயின் கடுமை குறையும் என்பது நம்பிக்கை.
ஜாதகம் இல்லாதவர்களுக்கான பரிகாரம்
தங்கள் ஜாதகம் தெரியாதவர்கள் அல்லது ஜாதக ரீதியாகத் துன்பப்படுபவர்கள், ஒரு மட்டை தேங்காயின் மேல் ஓட்டையிட்டு, அதனுள் பேரிச்சம்பழம், கரும்புச் சர்க்கரை, முந்திரி ஆகியவற்றை நிரப்பி அரச மரத்தடியில் புதைக்க வேண்டும். இது கர்ம வினைகளைக் குறைத்து அமைதியைத் தரும்.
தொழில் மற்றும் வியாபார விருத்தி
வியாபாரத்தில் லாபம் பெறவும், பணப்புழக்கம் அதிகரிக்கவும் ஒரு சிறப்பான தாந்த்ரீக முறை உண்டு. திங்கட்கிழமை காலையில்:
- மஞ்சள் பூசிய தேங்காய், வெள்ளி பிள்ளையார் சிலை (அல்லது டாலர்).
- சிவப்பு துணியில் ஒரு ரூபாய் நாணயம், அட்சதை (மஞ்சள் அரிசி), குங்குமப்பூ.
ஒரு வெள்ளைத்தாளில் உங்கள் விருப்பங்களை "நடந்துவிட்டது" என்ற நேர்மறையான எண்ணத்துடன் (Present Tense) எழுதி, அந்தத் தாளையும் சேர்த்து சிவப்பு துணியில் முடிச்சாகக் கட்டி கல்லாப் பெட்டியிலோ அல்லது வாசலின் உட்புறமோ கட்டி வைத்தால் லட்சுமி கடாட்சம் பெருகும்.
ஆன்மிக விளக்கம்
சாஸ்திரங்களின்படி, மரத்தின் உச்சியில் விளையும் பொருட்களை 'கந்தமூலம்' என்பர். இவை சத்வ குணத்தை (அமைதி மற்றும் தூய்மை) தூண்டக்கூடியவை. மனிதனின் அகங்காரத்தை உடைப்பதன் அடையாளமே தேங்காய் உடைப்பதாகும். ஓடு போன்ற கடினமான அகங்காரத்தை உடைத்தால், உள்ளே இருக்கும் வெள்ளை உள்ளம் (தேங்காய் பருப்பு) போன்ற தூய்மையான குணமும், இனிமையான நீரும் வெளிப்படும்.
செய்யக்கூடிய காரியங்கள் ஜெயிக்கும்
தினமும் வீட்டில் ஒரு தேங்காய் உடைத்து பூஜை செய்வது பிணிகளை நீக்கி, வீட்டில் மங்கலத்தை நிலைபெறச் செய்யும். நாம் செய்யக்கூடிய காரியங்கள் "தேங்காமல்" (தடையின்றி) நடைபெற வழிவகுப்பதாலேயே இதற்கு தேங்காய் என்று பெயர் வந்தது.
