Aadi Velli: செல்வம் பெருக ஆடி வெள்ளியில் செய்ய வேண்டிய பூஜைகள், பரிகாரங்கள்!
ஆடி மாதம் அம்மனுக்கு உரிய மாதம். இந்த மாதத்தில் வரும் ஒவ்வொரு வெள்ளிக்கிழமையும் ரொம்பவே விசேஷம். வீடுகளில் பூஜைகள், பரிகாரங்கள் செய்து அம்மனை வழிபட்டால் செல்வம் பெருகும் என்பது நம்பிக்கை. ஆடி வெள்ளி அன்று என்னென்ன செய்யலாம் எனப் பார்க்கலாம்.
வீட்டுக்கு வரும் அம்மன்
ஆடி மாதத்தில் வரும் செவ்வாய் மற்றும் வெள்ளிக்கிழமைகள் அம்மன் வழிபாட்டிற்கு மிகவும் சிறப்பான நாட்களாகக் கருதப்படுகின்றன. இந்த நாட்களில் துர்கை, மாரியம்மன், காளியம்மன், அங்காளம்மன் போன்ற சக்தி தேவிகளை பக்தியுடன் வழிபட்டால் குடும்பத்தில் அமைதி, ஆரோக்கியம் மற்றும் செல்வ வளம் பெருகும் என்று நம்பப்படுகிறது. பெண்கள் விரதம் இருந்து எலுமிச்சை தீபம் ஏற்றி, குங்குமம், மஞ்சள், பூக்கள் சமர்ப்பித்து அர்ச்சனை செய்வது வழக்கம். குறிப்பாக திருமணத் தடை நீங்கவும், குழந்தைப்பேறு கிடைக்கவும், தொழில் மற்றும் பொருளாதார முன்னேற்றம் ஏற்படவும் அம்மனின் அருள் கிடைக்கும் என பக்தர்கள் நம்புகின்றனர். ஆடி மாத செவ்வாய், வெள்ளிக்கிழமைகளில் கோவில்களுக்கு சென்று தரிசனம் செய்வதும், அன்னதானம் அல்லது தானம் செய்வதும் மிகவும் புண்ணியமானதாகக் கருதப்படுகிறது.
விறக்கேற்று விளக்கேற்று வெள்ளிக்கிழமை
ஆடி வெள்ளிக்கிழமைகளில் அதிகாலை மற்றும் மாலை நேரங்களில் வீட்டில் விளக்கேற்றி அம்மனை வழிபடுவது மிகவும் மங்களகரமானதாகக் கருதப்படுகிறது. அம்மன் படத்திற்கு மலர்கள் சமர்ப்பித்து, குங்குமம் மற்றும் மஞ்சள் வைத்து பூஜை செய்து, அம்மன் மந்திரங்கள் அல்லது "ஓம் சக்தி" என்ற திருநாமத்தை பக்தியுடன் ஜபித்தாலும் சிறந்த பலன் கிடைக்கும் என்று நம்பப்படுகிறது. மேலும், ஆடி மாதத்தில் அனுசரிக்கப்படும் வரலட்சுமி விரதம் பெண்களுக்கு மிகவும் முக்கியமான விரதங்களில் ஒன்றாகும். இந்த விரதத்தை முறையாகக் கடைப்பிடித்து மகாலட்சுமியை வழிபட்டால் குடும்பத்தில் செல்வ வளம், ஆரோக்கியம் மற்றும் ஐஸ்வர்யம் பெருகும் என்பது ஐதீகம். அன்றைய தினம் அன்னதானம், ஏழை எளியோருக்கு உதவி, தான தருமங்கள் போன்ற நற்செயல்களைச் செய்வது கூடுதல் புண்ணியத்தையும் இறையருளையும் பெற்றுத் தரும் என்று பக்தர்கள் நம்புகின்றனர்.
இனி நல்லது மட்டுமே நடக்கும்
ஆடி வெள்ளிக்கிழமைகளில் சுமங்கலிப் பெண்களை வீட்டிற்கு அழைத்து மரியாதையுடன் வரவேற்று, பூ, பழம், தேங்காய், மஞ்சள், குங்குமம், மஞ்சள் கயிறு, ஜாக்கெட் துணி போன்ற மங்களப் பொருட்களை வழங்குவது சிறப்பான வழக்கமாக உள்ளது. இதை பக்தியுடனும் மனமாரவும் செய்வதால் குடும்பத்தில் மங்களம் நிலைத்து, குலம் தழைக்கும் என்றும், மாங்கல்ய பலம் அதிகரிக்கும் என்றும் நம்பப்படுகிறது. மேலும், திருமணத் தடை நீங்கவும், தம்பதியரின் ஒற்றுமை மேம்படவும், குடும்பத்தில் மகிழ்ச்சி மற்றும் செழிப்பு பெருகவும் அம்மனின் அருள் கிடைக்கும் என்பது பக்தர்களின் நம்பிக்கையாகும். முன்னோர்கள் கூறிய இந்த மரபை கடைப்பிடிப்பதன் மூலம் வாழ்வில் சுபிட்சம் அதிகரித்து, நினைத்த நல்ல காரியங்கள் அனைத்தும் நிறைவேறும் என்று பலரும் நம்புகின்றனர்.
