Bananas : வாழைப்பழத்துடன் இந்த 4 உணவுகளை ஒருபோதும் சாப்பிடாதீங்க.. அது விஷயத்திற்கு சமம்!

வாழைப்பழம் ஆரோக்கியத்திற்கு நல்லது. ஆனால், நீங்கள் அதை சில உணவுகளுடன் சேர்த்து சாப்பிட்டால் அது உங்கள் ஆரோக்கியத்திற்கு மோசமான தீங்கை விளைவிக்கும்.

banana health benefits

வாழைப்பழம் உடல் ஆரோக்கியத்திற்கு ரொம்பவே நல்லது. ஏனெனில், இதில் உடலுக்கு தேவையான அனைத்து ஊட்டச்சத்துக்களும் நிறைந்துள்ளன. இதனால் தான் வாழைப்பழம் ஒரு முழுமையான உணவாக கருதப்படுகிறது. 

வாழைப்பழம் பொட்டாசியம், நார்ச்சத்து மற்றும் வைட்டமின் பி6 ஆகியவற்றின் சிறந்த மூலமாக. இது தவிர, வாழைப்பழம் சாப்பிடுவதால் உடலுக்கு கார்போஹைட்ரேட் கிடைப்பதுடன், உடல் சுறுசுறுப்பாகவும் இருக்கும். ஆனால், வாழைப்பழத்தை சரியான முறையில், சரியானவற்றுடன் சாப்பிட்டால் மட்டுமே இந்த அனைத்து நன்மைகளும் கிடைக்கும்.

மேலும் வாழைப்பழத்தின் தவறான கலவை ஆரோக்கியத்திற்கு நன்மைக்கு பதிலாக தீங்குதான் விளைவிக்கும். எனவே, வாழைப்பழத்துடன் எந்தெந்த உணவுகளை சாப்பிடக்கூடாது என்பதை இந்த கட்டுரையில் தெரிந்துகொள்ளலாம்.

banana and milk

பெரும்பாலானோர், காலை உணவாக பால் மற்றும் வாழைப்பழம் சாப்பிட விரும்புவார்கள். ஏனெனில், இவற்றை சாப்பிட்டால், வயிறு நிரம்பி இருக்கும் என்றும், விரைவில் பசியும் எடுக்காது. ஆனால், வாழைப்பழத்தை ஒருபோதும் பாலுடன் சாப்பிடக் கூடாது என்பது உங்களுக்கு தெரியுமா? ஏனெனில், இது வயிறு தொடர்பான பிரச்சனைகளை உண்டாக்கும்.

banana and citrus fruits

திராட்சை, ஆரஞ்சு மற்றும் எலுமிச்சை போன்ற புளிப்பு பழங்களுடன் வாழைப்பழத்தை ஒருபோதும் சாப்பிடக்கூடாது. ஏனெனில், இது செரிமான அமைப்பில் எதிர்மறையான விளைவை ஏற்படுத்தும்.

இதையும் படிங்க:  Benefits of Red Banana : செவ்வாழை.. 48 நாட்கள் தொடர்ந்து சாப்பிடுங்க அட்டகாசமான நன்மைகள் கிடைக்கும்!

banana and honey

வாழைப்பழத்தை ஒருபோதும் தேன் உடன் கலந்து சாப்பிடக்கூடாது. ஏனெனில், இது உடலில் வெப்பத்தை உண்டாக்குவதுடன் செரிமானமும் பாதிக்கப்படும்.

இதையும் படிங்க: வாழைப்பழம் கெட்டுபோகாமல் இருக்க இந்த ட்ரிக்கை ட்ரை பண்ணுங்க!!

banana and curd

பலர் வாழைப்பழத்தை தயிருடன் சாப்பிட விரும்புவார்கள். இவர்களில் நீங்களும் ஒருவராக இருந்தால், இன்றே இந்த பழக்கத்தை நிறுத்துங்கள். ஏனெனில், இது வீக்கம் மற்றும் செரிமான பிரச்சனைகள் ஏற்படுத்தும். அதுமட்டுமின்றி, இருமலை அதிகரிக்கலாம்.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.