விஜய் தேவரகொண்டாவின் ‘கிங்டம்’ மகுடம் சூடியதா? மண்ணைக் கவ்வியதா? - விமர்சனம் இதோ
கெளதம் தின்னனூரி இயக்கத்தில் விஜய் தேவரகொண்டா ஹீரோவாக நடித்துள்ள கிங்டம் திரைப்படத்தின் ட்விட்டர் விமர்சனத்தை இந்த தொகுப்பில் பார்க்கலாம்.
Kingdom Movie Twitter Review
விஜய் தேவரகொண்டா நடித்த கிங்டம் திரைப்படம் ஜூலை 31 ஆம் தேதியான இன்று வெளியாகி உள்ளது. திறமையான இயக்குநராக அறியப்படும் கௌதம் தின்னனூரி ஜெர்சிக்குப் பிறகு இயக்கியுள்ள படம் இது. சூர்ய தேவர நாகவம்சி இந்தப் படத்தைத் தயாரித்துள்ளார். இளம் நடிகை பாக்கியஸ்ரீ போர்ஸ் நாயகியாக நடித்துள்ளார். இந்தப் படத்தில் விஜய் தேவரகொண்டாவின் அண்ணன் பாத்திரத்தில் நடிகர் சத்யதேவ் நடித்துள்ளார். விஜய் தேவரகொண்டா கடைசியாக நடித்த லைகர், குஷி, ஃபேமிலி ஸ்டார் போன்ற படங்கள் வசூல் ரீதியாகச் சரியாக ஓடவில்லை.
விஜய் தேவரகொண்டாவின் கிங்டம் ரிலீஸ்
இதனால் ரசிகர்கள் கிங்டம் படம் விஜய் தேவரகொண்டாவுக்கு ஒரு சிறந்த கம்பேக் படமாக அமைய வேண்டும் என்று எதிர்பார்க்கின்றனர். டிரெய்லர், டீசர்களுக்கு அமோக வரவேற்பு கிடைத்தது. நல்ல எதிர்பார்ப்புடன் இந்தப் படம் இன்று திரைக்கு வந்துள்ளது. இப்படத்திற்கு அனிருத் இசையமைத்துள்ளார். கிங்டம் படத்திற்கு ரசிகர்கள் மத்தியில் எப்படிப்பட்ட வரவேற்பு கிடைக்கிறது? ட்விட்டரில் இந்தப் படம் குறித்து என்ன சொல்கிறார்கள்? விஜய் தேவரகொண்டா கிங்டம் படத்தின் மூலம் வெற்றி பெற்றாரா? போன்றவற்றை இந்த தொகுப்பில் பார்க்கலாம்.
கிங்டம் ட்விட்டர் விமர்சனம்
கிங்டம் கதை பிரிட்டிஷ் காலகட்டப் பின்னணியில் மிகவும் சுவாரஸ்யமாகத் தொடங்குகிறது. முதல் பாதி நன்றாக இருக்கிறது என்று நெட்டிசன்கள் ட்விட்டரில் பதிவிட்டு வருகின்றனர். முதல் 30 நிமிடங்கள் இயக்குநர் மெதுவாகக் கதையைக் கட்டமைத்து அந்த உலகத்திற்குள் நம்மைக் கொண்டு செல்கிறார். விஜய் தேவரகொண்டா ஒவ்வொரு காட்சியிலும் தனது நடிப்பால் கட்டிப்போடுகிறார்.
கிங்டம் படம் எப்படி இருக்கு?
விஜய் தேவரகொண்டாவின் கடந்த காலப் படங்களை விட இந்தப் படத்தில் அவரது நடிப்பு சற்று வித்தியாசமாக இருக்கிறது. உடல்மொழியிலும் மாற்றங்களைக் காணலாம். அனிருத் அளித்துள்ள பின்னணி இசை அருமையாக இருப்பதாக ரசிகர்கள் கூறுகின்றனர். சத்யதேவ், விஜய் தேவரகொண்டா இடையேயான உணர்ச்சிமிகு காட்சிகள் சிறப்பாக அமைந்துள்ளதாகக் கூறுகின்றனர். இந்தப் படத்தின் மூலம் விஜய் தேவரகொண்டா முதிர்ச்சியடைந்த நடிகராக மாறியுள்ளதாக ரசிகர்கள் பாராட்டுகின்றனர்.
கிங்டம் விமர்சனம்
ஆனால் படத்தின் நீளம், மெதுவான திரைக்கதை ஆகியவை படத்தின் குறைகள் என்று ரசிகர்கள் கூறுகின்றனர். இயக்குநர் நல்ல கதையைத் தேர்ந்தெடுத்திருந்தாலும், திரைக்கதை அவ்வளவு சிறப்பாக இல்லை என்கின்றனர். இலங்கைக் காட்டுப் பகுதியில் நடக்கும் கதை சுவாரஸ்யமாக இருக்கிறது. மொத்தத்தில் முதல் பாதி சுவாரஸ்யமாக நகர்கிறது. தொழில்நுட்ப ரீதியாக இந்தப் படம் மிகவும் நன்றாக இருக்கிறது. காட்சிகள், இசை எல்லாம் சிறப்பாக அமைந்துள்ளன.
கிங்டம் ரெஸ்பான்ஸ்
இரண்டாம் பாதியும் நல்ல வரவேற்பைப் பெற்று வருகிறது. இரண்டாம் பாதியில் வரும் படகு சண்டைக் காட்சி அற்புதமாக இருப்பதாகக் கூறுகின்றனர். மொத்தத்தில் விஜய் தேவரகொண்டா கிங்டம் படத்தின் மூலம் ஒரு சிறந்த கம்பேக் அளிக்கும் வாய்ப்புகள் தெரிகின்றன. கௌதம் தின்னனூரியின் இயக்கத்திற்கு மீண்டும் பாராட்டுகள் கிடைத்து வருகின்றன.
#Kingdom is an action drama that is technically very strong and works well on the drama front, though it falters somewhat in terms of emotional depth.
Director Gowtham Tinnanuri succeeds in building a properly engaging narrative in the first half. Although the narration feels…— Venky Reviews (@venkyreviews) July 30, 2025