ஸ்டாலின் கையில் அதிமுக வேட்பாளர் லிஸ்ட்..! பல்ஸ் பார்க்கும் திமுக..! விழுந்து தடுக்கும் காங்கிரஸ்..!

கேரளா, புதுச்சேரியை மனதில் வைத்துக் கொண்டு ராகுல் காந்தி, பிரியங்கா காந்தியுடன் பேசுவதாக மற்றொரு தரப்பு விஜயை கூட்டணிக்கு கொண்டு வரும் வேலைகளை பார்த்துக் கொண்டிருக்கிறது

Image Credit : Asianet News

திமுக வேட்பாளர் பட்டியலை கட்சியின் தலைவரும், முதல்வருமான மு.க.ஸ்டாரின் தயார் செய்ய தொடங்கிட்டார் எனக் கூறப்படுகிறது. 2026 தேர்தலில் யாருக்கெல்லாம் எம்.எல்.ஏ., சீட் என திமுக வட்டாரங்களில் மில்லியன் டாலர் கேள்வியாக இருந்து வருகிறது. திமுக மாவட்ட செயலாளர்கள், மண்டல பொறுப்பாளர்கள், தனியார் ஏஜென்சிகள், உளவுத்துறை ரிப்போர்ட் என பல இடங்களில் இருந்து முதல்வர் கைக்கு வந்திருக்கிற வேட்பாளர்கள் லிஸ்டில் முதல்வரும், தான் தரப்பில் எடுத்து வைத்திருக்கிற ஒரு ஸ்பெஷல் ரிப்போர்ட்டை ஒப்பீடு செய்து யாருக்கெல்லாம் சீட்டு கொடுக்கலாம் என மாவட்ட வாரியாக வேட்பாளர்களை தேர்வு செய்கிற வேலைகளை ஆரம்பித்து விட்டார். ஆனால், அவர்களுக்கான தொகுதிகளை மட்டும் இன்னும் முடிவு செய்யவில்லை என்கிறார்கள்.

காரணம், கூட்டணி கட்சிகளுடன் தொகுதி பங்கீடு முடிந்ததும் தொகுதிகள் முடிவாகும் எனச் சொல்கிறார்கள். அதே சமயம் அதிமுக முகாமில் யாரெல்லாம் வேட்பாளர்கள் என்கிற ஒரு லிஸ்ட்டும் திமுக முகாமுக்கு வந்து சேர்ந்து இருக்கிறது என்கிறார்கள். இவர்களை எதிர்க்கிற ஆளுமையாகவும் திமுக வேட்பாளர்கள் வேட்பாளர் லிஸ்ட் இருக்க வேண்டும் என ஸ்டாலின் திட்டமிட்டுள்ளதாகவும் கூறப்படுகிறது.

Image Credit : Google

இது ஒருபுறமிருக்க, திமுகவிடம் தொகுதி பங்கீடு பேச காங்கிரஸ் குழு அறிவிக்கப்பட்டு இருக்கிறது. இனி தவெக பக்கம் கூட்டணிக்கு காங்கிரஸ் செல்ல வாய்ப்பில்லை எனக் கூறப்படும் நிலையில் ஈரோட்டில் நடந்த ஒரு திருமணத்தில் தவெகக்கு காங்கிரஸுடன் கூட்டணி அமைக்க வாய்ப்பு இருக்கிறது என்று பேசப்பட்டு இருக்கிறது. கடந்த வாரம் ஈரோட்டில் நடந்த ஒரு திருமணத்தில் முதல்வர் உட்பட பல விஐபிகள் கலந்து கொண்டார்கள். கட்சிகளை தாண்டி பல முக்கிய பிரபலங்கள் கலந்து கொண்ட அந்த திருமணத்துக்கு சென்ற கரூர் எம்.பி., ஜோதி மணி, தவெக கொள்கை பரப்பு செயலாளர் அருள்ராஜுடன் நீண்ட நேரமாக அரசியல் பேசியதாக கூறப்படுகிறது.

Image Credit : Google

“விஜய் ஒன்றும் காங்கிஸுக்கு புதியவர் இல்லை’’ என ஏற்கனவே கருத்து சொல்லி இருந்த ஜோதிமணி, ‘‘இன்னும்கூட தவெக- காங்கிரஸ் கூட்டணிக்கு வாய்ப்பு இருக்கிறது. நாங்கள் ராகுல் காந்தியுடனும், பிரியங்கா காந்தியுடனும் விஜய் குறித்து பேசிக்கொண்டு இருக்கிறோம், நல்ல சேதி சொல்கிறோம்’’ என அருண்ராஜிடம் கூறியிருக்கிறார். இன்னொரு பக்கம் திருநாவுக்கரசர் மூலமாக செங்கோட்டையனுடன் தவெக கூட்டணி பேசியதாகவும் கூறப்படுகிறது. திமுகவுடன் பேச தொகுதி பங்கிட்டு குழுவை காங்கிரஸ் தலைமை அறிவிக்க, இன்னொரு பக்கம் கேரளா, புதுச்சேரியை மனதில் வைத்துக் கொண்டு ராகுல் காந்தி, பிரியங்கா காந்தியுடன் பேசுவதாக மற்றொரு தரப்பு விஜயை கூட்டணிக்கு கொண்டு வரும் வேலைகளை பார்த்துக் கொண்டிருக்கிறது’’ என்கிறார்கள் கதர் சட்டை நிர்வாகிகள்.