விஜய் கூட்டணிக்கு வேண்டாம்..! டெல்லியின் கணக்கை தவிடுபொடியாக்கும் எடப்பாடி..! அதிமுக-வின் 'மாஸ்டர் பிளான்'!

அரசியல் என்பது சதுரங்கம் போன்றது. இங்கு யாரும் யாருக்கும் நிரந்தர நண்பனும் இல்லை, எதிரியும் இல்லை. ஆனால், விஜய்யின் வருகை எடப்பாடி பழனிசாமிக்கு ஒரு மிகப்பெரிய சவாலாகவே அமைந்துள்ளது.

Image Credit : x

எடப்பாடியின் பயம்... விஜய்யின் 'மாஸ்'!

தமிழக அரசியலில் தனி மரம் தோப்பாகாது என்பார்கள். ஆனால், எடப்பாடி பழனிசாமியோ, "யார் வந்தாலும் வராவிட்டாலும் நான்தான் கிங்" என்கிற ரீதியில் காய்களை நகர்த்தி வருகிறார். சமீபகாலமாக, விஜய்யின் தவெக-வை எப்படியாவது பாஜக தலைமையிலான என்.டி.ஏ கூட்டணிக்குள் கொண்டுவர டெல்லி மேலிடம் தீவிரம் காட்டி வருகிறது. ஆனால், இந்தக் கூட்டணி முயற்சியை இப்போது கிள்ளி எறிய எடப்பாடி பழனிசாமி கங்கணம் கட்டிக்கொண்டு வேலை செய்கிறார் என்பதுதான் இப்போதைய ஹாட் நியூஸ்.

விஜய் ஒருவேளை பாஜக கூட்டணிக்குள் வந்துவிட்டால், அந்தத் தேர்தலின் 'ஹீரோ'வாக அவரே பார்க்கப்படுவார். பல ஆண்டுகளாகக் கட்சிக்காக உழைத்து, அதிமுக-வைத் தன் முழுக் கட்டுப்பாட்டிற்குள் கொண்டு வந்த எடப்பாடிக்கு, ஒரு சினிமா நட்சத்திரம் திடீரென வந்து தனது எதிர்க்கட்சித் தலைவர் இடத்தைப் பறிப்பதையோ அல்லது கூட்டணிக்குத் தலைமை தாங்குவதையோ ஜீரணிக்க முடியவில்லை.

பாஜக - விஜய் - அதிமுக கூட்டணி அமைந்தால், அதில் விஜய்க்கு அதிக முக்கியத்துவம் கொடுக்கப்படும் என்பது எடப்பாடியின் கணிப்பு. அதனால்தான், "விஜய் சினிமாவில் தான் ஸ்டார், அரசியலில் இல்லை" என்று பொதுவெளியிலேயே பேசி தனது கடுப்பை வெளிப்படுத்தி வருகிறார் எடப்பாடி.

Image Credit : Asianet News

டெல்லிக்கு போடும் செக்!

பாஜக மேலிடம் விஜய்யைச் சம்மதிக்க வைக்க பல வழிகளில் முயற்சி செய்து வருகிறது. ஆனால், எடப்பாடியோ டெல்லியிடம் மிகத் தெளிவாக, "விஜய் உள்ளே வந்தால் நாங்கள் வெளியேறிவிடுவோம்" என்கிற ரீதியில் மறைமுக அழுத்தங்களைக் கொடுத்து வருகிறார் என்கிறார்கள். அதிமுக-வின் வாக்கு வங்கி இப்போதும் வலுவாக உள்ளது. ஆனால், விஜய் உள்ளே வந்தால் வாக்குகள் சிதறும் அல்லது விஜய்யின் பின்னால் இளைய தலைமுறை சென்றுவிடும் என எடப்பாடி பழனிசாமி அஞ்சுகிறார்.

விஜய்க்கும் பாஜக-வுக்கும் பாலம் அமைப்பவர்களைத் தனது கட்சிக்குள்ளே வரவிடாமல் எடப்பாடி தடுத்து வருகிறார். குறிப்பாக, முன்னாள் பாஜக நிர்வாகிகள் மூலம் விஜய்யுடன் பேச்சுவார்த்தை நடப்பதைக் கேள்விப்பட்டு, அதிமுக-வின் இரண்டாம் கட்டத் தலைவர்களை எச்சரித்து வைத்துள்ளார்.

Image Credit : Asianet News

விஜய்யைச் சீண்டும் எடப்பாடி!

சமீபத்திய பேட்டிகளில் எடப்பாடி பழனிசாமி, "எத்தனையோ பேர் கட்சி ஆரம்பிக்கிறார்கள், அவர்கள் எல்லாம் எங்கே போனார்கள் என்று பாருங்கள்" எனக் கூறி விஜய்யின் அரசியல் வருகையைத் தொடர்ந்து கிண்டல் செய்து வருகிறார். 2011-ல் விஜயகாந்த் செய்த சாதனையை விஜய் செய்துவிடக் கூடாது என்பதில் அவர் உறுதியாக இருக்கிறார். ஒருபுறம் ஆன்மீக அரசியல் நடத்தும் பாஜக, தமிழ் தேசியம் என விஜய்யை வளைக்கப் பார்க்க, எடப்பாடியோ "நாங்கள்தான் உண்மையான திராவிட மாற்று" எனத் தனிப்பாதையில் சென்று விஜய்க்கு வழிவிட மறுக்கிறார்.

Image Credit : KVN Productions

எடப்பாடியின் ஆக்ரோஷம்

அரசியல் என்பது சதுரங்கம் போன்றது. இங்கு யாரும் யாருக்கும் நிரந்தர நண்பனும் இல்லை, எதிரியும் இல்லை. ஆனால், விஜய்யின் வருகை எடப்பாடி பழனிசாமிக்கு ஒரு மிகப்பெரிய சவாலாகவே அமைந்துள்ளது. டெல்லி போடும் 'விஜய் கூட்டணி' பிளான், எடப்பாடியின் முரண்டு பிடிக்கும் பிடிவாதத்தால் தவிடுபொடியாகுமா? அல்லது கால ஓட்டத்தில் எடப்பாடி இறங்கி வருவாரா என்பதைப் பொறுத்திருந்துதான் பார்க்க வேண்டும்.

எது எப்படியோ, பனையூர் தளபதியை விட சேலத்து சிங்கம் இப்போதைக்கு ஆக்ரோஷமாகவே இருக்கிறது.