பாஜகவுக்கு வாக்குறுதி கொடுத்த இபிஎஸ்... வேட்டு வைக்கும் ராமதாஸ்..! அதிமுகவுக்கு ரூட் கொடுக்கும் திருமா..!

விஜய் கட்சி ஆரம்பித்துள்ளது ஏற்கனவே அரசியல் களத்தில் தாக்கத்தை ஏற்படுத்தியுள்ள நிலையில், விசிக மீது தொண்டர்களுக்கு அதிருப்தியில் தவெக பக்கம் தாவுவதற்கு வாய்ப்பாக அமையும் என விசிக நிர்வாகிகள் நினைப்பதாக பேச்சு அடிபடுகிறது.

Image Credit : Asianet News

திமுக பக்கம் போய்விடாமல் என்.டி.ஏ கூட்டணிக்குள் வந்தால் மட்டுமே பாமகவின் மொத்த பலமும் கிடைக்கும் என நினைக்கும் பாஜக, ராமதாஸை கூட்டிக் கொண்டு வருகிற பொறுப்பை இபிஎஸிடம் ஒப்படைத்து இருக்கிறது டெல்லி தலைமை.

அன்புமணியை கூட்டணியில் சேர்த்து பாமக, தேசிய ஜனநாயக கூட்டணியில் இணைந்து விட்டது என அதிமுக சொன்னாலும் ராமதாஸையும் கூட்டணிக்குள்ள கொண்டு வந்தால்தான் பாமகவோட முழு வாக்கு வாங்கியும் கூட்டணிக்கு மாறும் என்று நம்புகிறது பாஜக டெல்லி தலைமை. அன்புமணிய கூட்டணிக்குள் சேர்க்கிறபோதே ராமதாஸையும் உள்ளே கொண்டு வந்துவிடுவோம் என்கிற உறுதியை பாஜகவுக்கு அதிமுக கொடுத்ததாகச் சொல்லப்படுகிறது. இப்போது ராமதாஸ் எப்போ வருவார் என பியூஸ் கோயல் மூலமாக எடப்பாடி பழனிசாமியிடம் தொடர்ந்து கேட்டு வருகிறத பாஜக டெல்லி தலைமை. எடப்பாடி பழனிசாமி தரப்போ பலமுறை ராமதாஸிடம் பேச்சுவார்த்தை நடத்திக் கொண்டு இருக்கிறது. னால் ராமதாஸோ ‘அன்புமணிக்கு கொடுத்த அதே அளவு தொகுதிகள் வேண்டும். இல்லை என்றால் ராமதாஸ்தான் பாமக என அறிவித்து ராமதாஸ் முன்னிறுத்தியே எல்லா வேலைகளையும் செய்ய வேண்டும்’’ என கறாராகச் சொல்லி வருகிறாராம்.

Image Credit : Asianet News

இது ஒருபுறமிருக்க, அமைச்சர்களை வைத்து ராமதாஸ் தரப்பிடம் திமுகவும் பேச்சு வார்த்தை நடத்தி வரும் நிலையில், விசிக அதற்கு முட்டுக்கட்டை போட்டு வருவதாக கூறப்படுகிறது. ராமதாசை கூட்டணிக்குள் விசிக வரவிடாததற்கு விஜயின் தவெகவும் முக்கிய காரணம் என சொல்கின்றனர். தேர்தல் ஆணையத்தின்படி கட்சியும், சின்னமும் பாமக தலைவர் அன்புமணியிடம் தான் தற்போது இருக்கிறது. சமீபத்தில் அதிமுக தலைமையிலான கூட்டணியில் அன்புமணி இணைந்த நிலையில் , ‘‘பாமக நான் ஆரம்பித்த கட்சி. கூட்டணியை நான்தான் முடிவு செய்வேன்’’ எனச் சொல்லி வருகிறார் ராமதாஸ். திமுக தரப்பிலிருந்து ராமதாஸிடம் கூட்டணி பேச்சு வார்த்தை நடந்து வருகிறது.

Image Credit : Asianet News

ராமதாஸ் தரப்பிலிருந்து 15க்கும் அதிகமான சீட் கேட்டுள்ளனர். மூன்று முதல் ஐந்து சீட் மட்டுமே கொடுக்க முடியும் என்பதில் திமுக விடாப்பிடியாக இருப்பதால் ராமதாஸ் அதற்கு ஒத்துவரவில்லை என சொல்கின்றனர். சின்னத்தை மீட்க தவறினால் உதயசூரியன் சின்னத்தில் தான் ராமதாஸ் தரப்பு பாமகவினர் போட்டியிட வேண்டும் என்ற கண்டிசனையும் திமுக சேர்த்து போட்டுள்ளதாக சொல்கின்றனர். ஜி.கே.மணியை வைத்து இந்த ஆலோசனைகள் நடந்து வருகிறது. தொகுதி பங்கீட்டை தாண்டி ராமதாஸ் கூட்டணிக்குள் நுழைவதற்கு தடையாக இருப்பது விசிக. சமீபகாலமாக அன்புமணி மற்றும் ராமதாஸ் சண்டையில் ராமதாஸுக்கு ஆதரவாக குரல் கொடுத்து வருகிறார் திருமா. அதே போல் ‘‘ராமதாஸ் பெறாத பிள்ளை திருமா. எங்களுக்குள் எந்த பிரச்சினையும் இல்லை’’ என ட்விஸ்ட் கொடுத்தார் பாமக எம்எல்ஏ அருள்.

Image Credit : Ramadoss

இந்த நிலையில் ராமதாசை கூட்டணிக்குள் கொண்டு வர வேண்டாம் என விசிகவினரே திமுகவிடம் நேரடியாக சொல்லி வருகிறார்கள். ராமதாஸுடன் கூட்டணி வைத்தால் விசிக தொடர்களுக்கு கோபம் வந்துவிடும். விசிகவும், பாமகவும் எதிர் எதிர் துருவங்களாக இருக்கும் நிலையில் விசிக தொண்டர்களுக்கு கோபம் வந்துவிடும். விஜய் கட்சி ஆரம்பித்துள்ளது ஏற்கனவே அரசியல் களத்தில் தாக்கத்தை ஏற்படுத்தியுள்ள நிலையில், விசிக மீது தொண்டர்களுக்கு அதிருப்தியில் தவெக பக்கம் தாவுவதற்கு வாய்ப்பாக அமையும் என விசிக நிர்வாகிகள் நினைப்பதாக பேச்சு அடிபடுகிறது. 

விசிக தொண்டர்கள் கட்சி மாறுவதற்கான வாய்ப்பு ஏற்படுத்தி விடக்கூடாது என நினைத்து ராமதாசை கூட்டணிக்குள் கொண்டு வர வேண்டாம் என விசிக தெளிவாக சொல்லிவிட்டதாக தெரிகிறது. இந்த விவகாரத்தில் திமுக தலைமை என்ன முடிவெடுக்கப் போகிறது என்ற எதிர்பார்ப்பு அதிகரித்துள்ளது. அதைவிட ராமதாஸ் எங்கே போகப்போகிறார் என்கிற எதிர்பார்ப்பு இன்னும் அதிகரித்துள்ளது.