அதிமுக கூட்டணியில் மீண்டும் தேமுதிக.?! சிவராத்திரி பூஜையில் முடிந்தது பேச்சுவார்த்தை.! அண்ணியாருக்கு துணை முதலமைச்சர் பதவியாம்!

கோவையில் நடைபெற்ற மஹாசிவராத்திரி விழாவில் தேமுதிகவின் பிரேமலதா விஜயகாந்தும், அதிமுகவின் எஸ்.பி. வேலுமணியும் சந்தித்தது, இரு கட்சிகளுக்கும் இடையேயான கூட்டணிப் பேச்சுவார்த்தை இறுதிக்கட்டத்தை எட்டியுள்ளதைக் காட்டுகிறது.

Image Credit : Facebook

அரசியல் ஆட்டம் ஆரம்பம்

தமிழக அரசியல் களம் நாடாளுமன்றத் தேர்தலை நோக்கி சூடுபிடித்துள்ள நிலையில், கோவையில் நடைபெற்ற மஹாசிவராத்திரி விழா ஒரு முக்கிய அரசியல் திருப்பத்திற்கான மையப்புள்ளியாக மாறியுள்ளது. ஈஷா மையத்தில் நடைபெற்ற இந்த விழாவில் தேமுதிக பொதுச்செயலாளர் பிரேமலதா விஜயகாந்த் கலந்து கொண்டார். அவருடன் அதிமுகவின் முக்கியப் புள்ளியான எஸ்.பி. வேலுமணி இணைந்து சத்குருவைச் சந்தித்தது, இரு கட்சிகளுக்கும் இடையிலான கூட்டணிப் பேச்சுவார்த்தை இறுதிக்கட்டத்தை எட்டியுள்ளதை உறுதிப்படுத்தும் வகையில் அமைந்துள்ளது.

Image Credit : Google

முக்கிய கோரிக்கைகளும் பேச்சுவார்த்தையும்

கடந்த சில வாரங்களாகவே அதிமுக - தேமுதிக இடையே திரைமறைவுப் பேச்சுவார்த்தைகள் நடைபெற்று வந்த நிலையில், இந்தச் சந்திப்பு அதற்கு ஒரு வடிவம் கொடுத்துள்ளதாகக் கருதப்படுகிறது. தேமுதிக தரப்பில் முன்வைக்கப்பட்டுள்ள கோரிக்கைகள் அரசியல் வட்டாரத்தில் பெரும் விவாதத்தை கிளப்பியுள்ளன: மறைந்த முதல்வர் ஜெயலலிதா காலத்தில் வழங்கப்பட்டது போல, தங்களுக்குப் போதுமான எண்ணிக்கையிலான தொகுதிகளை ஒதுக்க வேண்டும் எனத் தேமுதிக வலியுறுத்தியுள்ளது. ஒருவேளை தொகுதிகளின் எண்ணிக்கை குறைந்தால், அதற்கு ஈடாக வருங்காலக் கூட்டணியில் பிரேமலதா விஜயகாந்துக்கு துணை முதலமைச்சர் பதவி வழங்கப்பட வேண்டும் என்ற அதிரடி நிபந்தனை விதிக்கப்பட்டதாகத் தகவல்கள் கசிகின்றன.

Image Credit : our own

மீண்டும் களத்தில் சீறி பாய காத்திருக்கம் தேமுதிக

முடிவை நோக்கிய நகர்வு சத்குருவுடனான சந்திப்பின் போது, ஆன்மீக விஷயங்களுக்கு அப்பாற்பட்டு அரசியல் குறித்தும் ஆலோசிக்கப்பட்டதாகத் தெரிகிறது. எஸ்.பி. வேலுமணி முன்னிலையில் நடைபெற்ற இந்தப் பேச்சுவார்த்தையில், அதிமுக தலைமை தேமுதிகவின் கோரிக்கைகளை மேலிடத்திற்கு கொண்டு சென்று சுமுகமான முடிவை எட்ட முனைப்பு காட்டி வருகிறது.

Image Credit : our own

விரைவில் இது குறித்த அதிகாரப்பூர்வ அறிவிப்பு

கேப்டன் விஜயகாந்தின் மறைவிற்குப் பிறகு நடைபெறும் முதல் தேர்தல் என்பதால், தனது பலத்தை நிரூபிக்க தேமுதிக இத்தகைய பெரிய கோரிக்கைகளை முன்வைப்பதாக அரசியல் விமர்சகர்கள் கருதுகின்றனர். விரைவில் இது குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.