Embryologist: ஐ.வி.எஃப் எனப்படும் செயற்கை முறை கருத்தரித்தல் முதலில் எங்கு துவங்கியது..வரலாற்று பின்னணி என்ன?

ஐ.வி.எஃப் எனப்படும் செயற்கை முறை கருத்தரித்தல் மூலம், உலகில் பிறந்த முதல் குழந்தை லூயிஸ் ஜாய் பிரவுன் ஆவார். இவர் 1978 ஆம் ஆண்டு ஜூலை 25ம் தேதி இங்கிலாந்தில் பிறந்தார். அப்போதிருந்து, ஒரு குழந்தையைப் பெற வேண்டும் என்று கனவு காணும் கருவுறாமை பிரச்சினைகள் உள்ள தம்பதிகளுக்கு IVF எனப்படும் செயற்கை கருத்தரித்தல் முறை நம்பிக்கை அளித்தது. எனவே, (Louise Joy Brown) லூயிஸ் ஜாய் பிரவுனின் பிறந்தநாள் ஒவ்வொரு ஆண்டும் உலக கருவியலாளர் தினமாக கொண்டாடப்படுகிறது.

மேலும் படிக்க....Cabbage juice: தினமும் காலை வெறும் வயிற்றில் இந்த ஜூஸ் எடுத்துக்கோங்கோ...அப்புறம் நடக்கும் அதிசயம் பாருங்க...

செயற்கை முறை கருத்தரித்தல் (IVF) என்றால் என்ன?

இயற்கையான முறையில் கருத்தரித்து குழந்தை பெற்றுக் கொள்ள முடியாத தம்பதிகளுக்கு, செயற்கை முறையில் குழந்தை பெற்றுக்கொள்ள உள்ள ஒரு வாய்ப்புதான் இன் -விட்ரோ-பெர்டிலிசேஷன் (Invitro fertilization) எனப்படும்  ஐவிஎப் ஆகும். 

ஐ.வி.எஃப் சிகிக்சை எவ்வாறு செயல்படும்..

பெண்ணின் கருமுட்டை மற்றும் ஆணின் விந்தணுக்களைத் தனித்தனியே பெற்று, அவற்றை இணைய வைத்து, பிறகு பெண்ணின் கர்ப்பப்பைக்குள் செலுத்துகின்றனர். அந்தக் கரு வளர்ந்து, "டெஸ்ட் டியூப் பேபி" என்று சொல்லப்படும் ஐ.வி.எஃப் குழந்தையாகப் பிறக்கிறது. 

உலகின் முதல் டெஸ்ட் டியூப் பேபியாக கருவியலாளர் ஆடம் பர்ன்லி, பாட்ரிக் ஸ்டெப்டோ ஆகியோரது மேற்பார்வையில்,1978ம் ஆண்டு ஜூலை மாதம் லூயிஸ் பிரவுன் பிறந்தார். இந்தியாவில், முதல் ஐ.வி.எஃப் குழந்தை 1998 இல் ஆக்ராவில் பிறந்தது. அவருக்கு உத்சவ் என்று பெயர் வைக்கப்பட்டது.  

உலா வரும் கட்டுக்கதைகள்:

குழந்தையின்மை ஒரு பெரிய பிரச்னையாக உருவெடுத்துவரும் இன்றைய காலகட்டத்தில், அதற்கான ஒரு தீர்வாக ஐ.வி.எஃப் முறை உள்ளது. இருப்பினும், நடைமுறையைச் சுற்றி இன்னும் சில கட்டுக்கதைகள் உலா வந்து கொண்டு தான் இருக்கிறது. முதலில், ஐ.வி.எஃப் குழந்தைகள் இயற்கையாகவே கருத்தரிக்கப்பட்டு பிறந்த குழந்தைகளோடு ஒப்பிடும்போது, பிறப்பு குறைபாடு இருப்பதாக பேசப்பட்டது. இருப்பினும்,மருத்துவர்கள் இது முற்றிலும் பொய்யானது என்றும், ஐ.வி.எஃப் குழந்தைகளுக்கும், பிறப்பு குறைபாடு ஏற்படுவதற்கான வாய்ப்புகள் வழக்கமாகப் பிறந்த குழந்தைகளைப் போலவே இருக்கும் என்கின்றனர். 

மேலும் படிக்க.....Budhan Peyarchi 2022: ஆகஸ்ட் 1ஆம் தேதி புதன் ராசி மாற்றம்...இந்த ராசிகளுக்கு தலையெழுத்து தலைகீழாய் மாறும்..

ஐவிஎஃப் சிகிச்சை 100% வெற்றியா.?

தற்போது IVF அல்லது IUI (கருப்பையில் கருவூட்டல்) மூலம் கருத்தரிக்க பல தாய்மார்கள் தயாராக இருப்பதாக மருத்துவர்கள் தெரிவிக்கின்றனர். ஐவிஎஃப் அல்லது IUI சிகிச்சை ஒருபோதும் நீங்கள் நிச்சயம் கர்ப்பம் அடைவீர்கள் என்பதற்கான 100% உத்தரவாதத்தை அளிக்காது. ஐவிஎஃப் அல்லது IUI சிகிச்சையின் வெற்றி பெண்ணின் வயது மற்றும் பல்வேறு காரணிகளை கொண்டு வரையறுக்கப்படுகிறது.ஒரு சிலருக்கு இது தோல்வியில் கூட முடியலாம்.

மேலும் படிக்க.....Budhan Peyarchi 2022: ஆகஸ்ட் 1ஆம் தேதி புதன் ராசி மாற்றம்...இந்த ராசிகளுக்கு தலையெழுத்து தலைகீழாய் மாறும்..