- Home
- Lifestyle
- Towel Lines: டவலில் இருக்கும் கோடுகள் டிசைனுக்காக மட்டுமில்ல.! இதன் பின்னால் உள்ள அறிவியல் தெரியுமா.?
Towel Lines: டவலில் இருக்கும் கோடுகள் டிசைனுக்காக மட்டுமில்ல.! இதன் பின்னால் உள்ள அறிவியல் தெரியுமா.?
Why Towels have Flat Stripes : நாம தினமும் குளிக்கப் பயன்படுத்தற டவல்ல சில கோடுகள் இருப்பதை கவனிச்சிருக்கீங்களா? அது வெறும் டிசைன்னு நினைச்சா தப்பு. அதுக்குப் பின்னாடி ஒரு அறிவியல் மற்றும் நடைமுறை காரணமும் இருக்கு. அது என்னன்னு தெரிஞ்சுக்கலாம் வாங்க.
Why towels have flat stripes
நாம தினமும் குளிச்சதும் துண்டு அல்லது டவலைப் பயன்படுத்துறோம். மார்க்கெட்ல பல கலர், டிசைன்ல டவல் கிடைக்குது. ஆனா, எல்லா குளியல் டவல்களிலும் ஒரு ஓரத்தில் அல்லது இரண்டு முனைகளிலும் சில கோடுகள் இருக்கிறத கவனிச்சிருக்கீங்களா? இதைப் பார்க்கும்போது, இது வெறும் டிசைனா இருக்கும்னு நமக்குத் தோணும். ஆனா, இந்த கோடுகளுக்குப் பின்னாடி அறிவியல் மற்றும் நடைமுறை காரணங்கள் இருக்கு தெரியுமா?
ஆமாம், டவல்களில் இருக்கும் இந்தப் பகுதிக்கு தொழில்நுட்ப ரீதியாக 'டாபி பார்டர்' (Dobby Border) என்று பெயர். இந்த சின்ன கோடுகள் உங்க டவலின் ஆயுள் மற்றும் பயன்பாட்டை எப்படி மேம்படுத்துதுன்னு முழுசா தெரிஞ்சுக்கலாம் வாங்க.
1. டாபி பார்டர் (Dobby Border)
டவலின் ஓரங்களில் நீங்க பார்க்குற இந்த தட்டையான கோடுகளுக்குப் பெயர்தான் 'டாபி பார்டர்'. டவலின் மற்ற பகுதிகள் மென்மையான நூல்களால் ஆனது. ஆனால், இந்தக் கோடுகள் இருக்கும் பகுதி அடர்த்தியாக நெய்யப்பட்டிருக்கும். இது டவலின் நூல்கள் பிரியாமல் அல்லது கிழியாமல் தடுக்குது. டவல் அடிக்கடி நனைந்து, துவைக்கப்படும்போது அதன் ஓரங்கள் சீக்கிரம் பாழாகிவிடும். இந்தக் கோடுகள் டவலுக்கு ஒரு வலுவான சட்டகம் போல இருந்து, நீண்ட நாள் உழைக்க வைக்குது.
2. சீக்கிரம் காயவும், வடிவம் மாறாமலும் இருக்க உதவும்
டவலின் நடுப்பகுதி, தண்ணீரை உறிஞ்சுவதற்காக ரொம்ப மென்மையா இருக்கும். ஆனா, இந்தக் கோடுகள் இருக்கிற பகுதி லேசாகவும், அதிக தடிமன் இல்லாமலும் இருக்கும். இதனால, டவலைத் துவைச்சு காயப்போடும்போது, கோடுகள் உள்ள பகுதி சீக்கிரமா காய்ஞ்சிடும். அதுமட்டுமில்லாம, டவலை அடிக்கடி துவைக்கும்போது அது சுருங்கி, தன்னோட வடிவத்தை இழக்க வாய்ப்பிருக்கு. இந்த 'டாபி லைன்ஸ்' டவல் எல்லா பக்கமும் ஒரே மாதிரி இருக்கிறதை உறுதி செய்து, துணி அங்கும் இங்கும் சுருங்குவதைத் தடுக்குது.
3. மடிப்பதற்கு எளிதான வழிகாட்டி
நீங்க எப்போதாவது ஹோட்டல்களில் டவல்களை அழகா அடுக்கி வெச்சிருக்கிறதை பார்த்திருக்கீங்களா? பார்க்கவே அவ்வளவு நேர்த்தியா இருக்கும். இதுக்கு முக்கிய காரணம் இந்தக் கோடுகள்தான். டவலை எங்கே மடிக்கணும்னு இந்த கோடுகள் ஒரு ரெஃபரன்ஸ் பாயின்ட் மாதிரி செயல்படுது. ஹோட்டல் ஊழியர்கள் இந்தக் கோடுகளை அளவா வெச்சு டவல்களை சமமா மடிக்கிறாங்க. இதனால, அலமாரியில வைக்கும்போதும், ஹேங்கர்ல தொங்கவிடும்போதும் டவல் ரொம்ப நீட்டா தெரியுது.
4. அழகான மற்றும் பிரீமியம் தோற்றம்
கடைசியா, இந்தக் கோடுகள் டவலுக்கு ஒரு தனித்துவமான டிசைனை கொடுக்குது. வெறும் ப்ளெயின் துணியை விட, இப்படி டிசைன் இருக்கிற டவல்கள் பார்க்க அழகாகவும், விலை உயர்ந்ததாகவும் (Premium Look) தெரியுது. இப்போதெல்லாம், பல வண்ண நூல்களைப் பயன்படுத்தி இந்த டாபி பார்டர்களில் அழகான டிசைன்களை உருவாக்குறாங்க. இது உங்க குளியலறையின் அழகை இன்னும் கூட்டுது.
வெறும் டிசைன் மட்டுமல்ல
மொத்தத்துல, நாம வெறும் டிசைன்னு நினைச்ச இந்த சின்ன கோடுகள், டவலின் ஆயுளை அதிகமாக்குறதுலயும், அதன் பயன்பாட்டை சுலபமாக்குறதுலயும் முக்கிய பங்கு வகிக்குது. இனிமே உங்க டவலைப் பார்க்கும்போது இந்த விஷயம் ஞாபகத்துல இருக்கட்டும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
