அஞ்சலி பிச்சை யார்? கூகுள் சி.இ.ஓ.வின் வெற்றிக்குக் காரணம் இவர்தான்!

கூகுள் CEO சுந்தர் பிச்சையின் மனைவி அஞ்சலி பிச்சை பற்றிய சுவாரஸ்யமான தகவல்கள். அவர்களின் காதல் கதை, குடும்பம், சொத்து மதிப்பு மற்றும் கார் சேகரிப்பு பற்றி அறிய தொடர்ந்து படியுங்கள்.

Sundar Pichai wife

அஞ்சலி பிச்சை யார்?

"ஒவ்வொரு வெற்றிகரமான ஆணுக்கும் பின்னால், ஒரு பெண் இருக்கிறாள்" என்ற பிரபலமான பழமொழியை நாம் அனைவரும் கேள்விப்பட்டிருக்கிறோம். கூகுள் மற்றும் ஆல்பாபெட்டின் தலைமை நிர்வாக அதிகாரி சுந்தர் பிச்சை, தனது மனைவி அஞ்சலியிடமிருந்து அசைக்க முடியாத ஆதரவைப் பெற்றவர். அஞ்சலி தொழில் ரீதியாகவும் உறுதியான வாழ்க்கைத் துணையாகவும் சுந்தர் பிச்சையின் வெற்றிகளில் முக்கியப் பங்காற்றி இருக்கிறார்.

Anjali Pichai's Qualifications

அஞ்சலி பிச்சை கல்வி மற்றும் வேலை:

இந்திய தொழில்நுட்பக் கழகத்தில் (IIT) கெமிக்கல் என்ஜினியரிங் படித்த அஞ்சலி, தொழில்நுட்பத் துறையில் தனது கணவரைப் போலவே வெற்றிகரமாகத் திகழ்கிறார். ஆக்சென்ச்சரில் வணிக ஆய்வாளராக தனது வாழ்க்கையைத் தொடங்கிய அஞ்சலி, பின்னர் முன்னணி நிதி மென்பொருள் நிறுவனமான இன்ட்யூட்டுக்குச் சென்றார். அங்கு அவர் தற்போது ஒரு முக்கிய நிர்வாகப் பதவியை வகிக்கிறார்.

Anjali Pichai's Family Background

அஞ்சலி பிச்சையின் குடும்பப் பின்னணி:

அஞ்சலி பிச்சையின் தாயார் பற்றி அதிகம் தெரியவில்லை என்றாலும், அஞ்சலி பிச்சையின் தந்தை ஒளராம் ஹர்யானி ஓய்வுபெற்ற அரசு ஊழியர். அவர் 2015ஆம் ஆண்டு தனது 70 வயதில் மாதுரி சர்மாவை மறுமணம் செய்துகொண்டார். ஹர்யானி ராஜஸ்தானின் கோட்டாவில் உள்ள ஒரு அரசு பாலிடெக்னிக் கல்லூரியில் இருந்து ஓய்வு பெற்றதாகக் கூறப்படுகிறது.

How Anjali met Sundar Pichai

அஞ்சலி - சுந்தர் பிச்சை சந்திப்பு:

54 வயதான அஞ்சலியும் 52 வயதான சுந்தரும் ஐஐடியில் இளங்கலை பொறியியல் மாணவர்களாக இருந்தபோது சந்தித்தனர். "ஐஐடி கரக்பூர் என் இதயத்தில் ஒரு சிறப்பு இடத்தைப் பிடித்துள்ளது, ஏனென்றால் நான் என் அன்பு மனைவி அஞ்சலியை முதன்முதலில் சந்தித்த இடம் அது, நான் வளர்ந்த எனது இரண்டாவது வீட்டைப் பற்றிய இனிமையான நினைவுகள் எனக்கு உள்ளன," என்று சுந்தர் பிச்சை ஒருமுறை கூறினார். தனது பழைய கல்லூரியில் இருந்து கௌரவ டாக்டர் பட்டம் பெற்ற விழாவில் சுந்தர் பிச்சை கூறினார். பிச்சை தம்பதியினர் தங்கள் குடும்ப வாழ்க்கையைப் பற்றி மிகவும் தனிப்பட்ட முறையில் இருந்தாலும், அவர்களுக்கு இரண்டு குழந்தைகள் உள்ளனர். அவர்களுக்கு காவ்யா என்ற மகள் மற்றும் கிரண் என்ற மகன் உள்ளனர்.

Anjali Pichai's Net Worth

அஞ்சலி பிச்சை சொத்து மதிப்பு:

அஞ்சலி பிச்சையின் சொத்து மதிப்பு சுமார் 100 மில்லியன் அமெரிக்க டாலர்கள் என்று கூறப்படுகிறது. அதாவது, இந்திய மதிப்பில் சுமார் ரூ.830 கோடி இருக்கும் என மதிப்பிடப்பட்டுள்ளது. இதற்கிடையில், அவரது கணவர் சுந்தர் பிச்சையின் சொத்து மதிப்பு 1.3 பில்லியன் அமெரிக்க டாலர்கள். அதாவது இந்திய மதிப்பில் தோராயமாக ரூ.10,800 கோடி. சுந்தர் பிச்சை உலகிலேயே அதிக சம்பளம் வாங்கும் தலைமை நிர்வாக அதிகாரிகளில் ஒருவர்.

Sundar & Anjali Pichai's Car Collection

அஞ்சலி பிச்சையின் கார்கள்:

சுந்தர் பிச்சை மற்றும் அவரது மனைவி ரூ.3.21 கோடி மதிப்புள்ள மெர்சிடிஸ் மேபேக் S650 காரை வைத்திருப்பதாகக் கூறப்படுகிறது. சுந்தர் பிச்சையின் மெர்சிடிஸ் மேபேக் S650 காரில் 6.0 லிட்டர் ட்வின்-டர்போ V12 எஞ்சின் உள்ளது மற்றும் மணிக்கு 190 கிமீ வேகத்தில் இயங்குகிறது.