பவர் வாக் பற்றி தெரியுமா? உடல் எடையை குறைக்க இந்த 'வாக்கிங்' முறை தான் சிறந்தது!!

நடைபயிற்சி ஒரு எளிதான உடற்பயிற்சி ஆகும். இது ஒரே நேரத்தில் பல நன்மைகளை வழங்கும் உடற்பயிற்சி. அதுவும் குறிப்பாக, உடல் ஆரோக்கியத்துடன் இருக்க விரும்புபவர்கள் தினமும் சிறிது நேரம் நடைப்பயிற்சி செய்வதன் மூலம் தங்களது உடற்பயிற்சி பயணத்தை தொடங்குவதற்கு இது சிறந்தது என்று கிட்டத்தட்ட அனைவருக்கும் தெரியும். ஆனால், நடைபயிற்சியில் பல்வேறு வகையான நடைபயிற்சிகள் உள்ளது என்பது உங்களுக்குத் தெரியுமா? இது மட்டுமின்றி, அவைகள் உங்கள் உடலுக்கு பல்வேறு நன்மைகளை வாரி வழங்குகின்றன.

அவற்றில் ஒன்றுதான் பவர் வாக்கிங். இந்த வாக்கிங் உடல் எடையை குறைக்க விரும்புவோருக்கு மிகவும் பயனுள்ளதாக இருக்கும். இத்தகைய சூழ்நிலையில், பவர் வாக்கிங் என்றால் என்ன? இது உடல் எடையை குறைப்பதற்கு எவ்வாறு உதவுகிறது என்பதை பற்றி இந்த பதிவில் பார்க்கலாம்.

இதையும் படிங்க:  உங்க வயசுக்கு தினமும் 'எத்தனை' நிமிடங்கள் நடக்கனும் தெரியுமா?

பவர் வாக்கிங் என்றால் என்ன?

பவர் வாக்கிங் என்பது மிக வேகமாக நடக்கும் ஒரு நடை பயிற்சி ஆகும். இதை செய்யும்போது ஒரு நபர் சாதாரண வேகத்தை விட மிக வேகமாக நடக்க வேண்டும். இதனுடன், கைகளும் மிகவும் சுறுசுறுப்பாக இருக்கும். மேலும் இப்படி நடக்கும்போது, கைகளை திறந்து வைத்து நன்கு அசைத்து நடக்க வேண்டும்.

இதையும் படிங்க: தினமும் நடைப்பயிற்சி செய்வதால் முதுகு வலி குணமாகுமா? ஆய்வு சொல்வது என்ன?

பவர் வாக்கிங் உடல் பருமனை எப்படி குறைக்க உதவுகிறது?

உண்மையில், பவர் வாக் நீங்கள் செய்யும் போது உங்களது உடல் ரொம்பவே சுறுசுறுப்பாக இருக்கும். பவர் வார் சாதாரண நடைபயிற்சியை விட அதிக கலோரிகளை இருக்கிறது என்று பல ஆராய்ச்சிகள் சொல்லுகின்றன. இதனால் எடை சுலபமாக குறைக்கப்படுகிறது.

கூடுதலாக, நேஷனல் லைப்ரரி ஆஃப் மெடிசின் அறிக்கையின் படி, பவர் வாக்கிங் உங்கள் உடலில் மேல் மற்றும் கீழ் உடல் தசைகளில் செயல்பாட்டை அதிகரிக்கிறது என்று தெரிவித்துள்ளது. அது குறிப்பாக, குவாட்ரைசெப்ஸ் மற்றும் தொடை எலும்புகளை பலப்படுத்துவது மட்டுமின்றி, உங்கள் உடலை நாள் முழுவதும் சுறுசுறுப்பாகவும் வைத்திருக்குமாம்.

பவர் வாக்கிங் செய்யும் போது இந்த விஷயங்களை மனதில் கொள்ளுங்கள்:

பவர் வாக் செய்வது மிகவும் சுலபம் என்றாலும், இந்த நேரத்தில், சில விசேஷங்களை கண்டிப்பாக நினைவில் வைத்துக் கொள்ள வேண்டும். அவை..

1. பவர் வாக்கிங் செய்யும் போது உடல் நிமிர்ந்து சீரான வேகத்தில் நடக்க வேண்டும்.

2. நீங்கள் முதல்முறையாக பவர் செய்யும் போது உங்களுக்கு வேகமாக நடப்பது சிரமம் இருந்தால் நீங்கள் முதலில் 5 முதல் 6 மீட்டர் தூரம் வரை நடந்து செல்லுங்கள். அதன் பிறகு படிப்படியாக உங்களது நேரத்தை அதிகரிக்கவும். மேலும் ஒவ்வொரு நாளும் குறைந்தது 30 நிமிடங்கள் பவர் வாக் செய்ய வேண்டும்.

3. பவர் பேக் செய்யும் போது நீங்கள் உங்களது கண்களை முன்பக்கமாக வைக்க வேண்டும். இது உங்கள் தோரணையை மேம்படுத்துவதோடு மட்டுமின்றி முழு உடலையும் சுறுசுறுப்பாக வைத்திருக்கும்.

4. இவை அனைத்தையும் தவிர, முக்கியமாக நீங்கள் பவர் வாக் செய்யும்போது வாயை மூடிக்கொண்டு மூக்கின் வழியாக தான் சுவாசிக்க வேண்டும். இப்படி செய்வதன் மூலம் விரைவில் நீங்கள் சோர்வடையாமல் நீண்ட நேரம் நடப்பீர்கள்.