தினமும் பருப்பு சாதம் சாப்பிட்டால் என்ன நடக்கும் தெரியுமா?

நம் நாட்டில் தினமும் மூன்று வேளையும் சாதம் சாப்பிபவர்கள் இருக்கின்றனர். மேலும் சாதத்தில் பருப்பு சேர்த்து சாப்பிடும் பலர் இருக்காங்க. கல்யாணம், விசேஷங்களில் அசைவ உணவுகள் இருந்தாலும், கண்டிப்பா பருப்பு சேர்த்த சாம்பாரும் இடம்பெறும். அதே போல் நம் வீடுகளிலும் பருப்பு சாம்பார் அடிக்கடி செய்வார்கள். 

சாதம், பருப்பு காம்பினேஷன் அனைவருக்கும் பிடிக்கும். ஆனால் இது ஆரோக்கியத்தை மேம்படுத்த எப்படி உதவுகிறது என்று சிலருக்கு மட்டுமே தெரியும். சாதம், பருப்பை தினமும் சாப்பிடுவதால் நம்ம ஆரோக்கியத்துக்கு நிறைய நன்மைகள் கிடைக்கிறது என்று ஆரோக்கிய நிபுணர்கள் சொல்றாங்க. 

பருப்பு சாதம் இந்திய உணவுல ஒரு முக்கியமான பங்கு வகிக்கிறது.. நிறைய பேருக்கு இது ரொம்பவே பிடித்தமான உணவு. இதை செய்வது மிகவும் சுலபம்.

சுவையும் அருமையா இருக்கும். அதுமட்டுமில்லாமல், நம்ம ஆரோக்கியத்திற்கும் நிறைய நன்மைகள் கிடைக்கும். பருப்பு, சாதம் சாப்பிடுவதால் நமது ஆரோக்கியத்திற்கு என்னென்ன நன்மைகள் கிடைக்கும்  என்று இப்போது பார்க்கலாம். 

பருப்பு சாதத்தில் இருக்கும் சத்துக்கள்

புரதம்: பருப்பு சாதத்தில் புரதச்சத்து நிறைய உள்ளது. தினமும் இதை சாப்பிடுவதால் நம் உடலில் இருக்கும் தசைகளை வளர்க்கவும் தேவையான புரதம் கிடைக்கும். அதே போல் நமது உடலுக்கு ஆற்றல் கொடுக்கும்  கார்போஹைட்ரேட் சாதத்தில் நிறைய இருக்கு. 

வைட்டமின்கள், தாதுக்கள்: சாதம், பருப்பில் வைட்டமின்-பி காம்ப்ளக்ஸ், இரும்புச்சத்து, மெக்னீசியம், பாஸ்பரஸ் மாதிரி நிறைய தாதுக்கள், வைட்டமின்கள் இருக்கு. நார்ச்சத்து பருப்புல மட்டுமில்லாம சாதத்துலயும் நல்ல அளவில் இருக்கு. இது ஜீரணத்துக்கு உதவும். 

பருப்பு, சாதம் சாப்பிடுவதால் கிடைக்கும் நன்மைகள்

செரிமான மண்டலம் ஆரோக்கியமாக இருக்கும்:  சாதம், பருப்பு இரண்டிலும் நார்ச்சத்து நிறைய இருக்கு. இது நம்ம செரிமான மண்டலத்தை ஆரோக்கியமாக வைத்துக் கொள்ளும்.. இதை சாப்பிடுவதால் அஜீரணம், மலச்சிக்கல் மாதிரி பிரச்னைகள் வராது. 

இதய நோய் வரும் வாய்ப்பை குறைக்கும்: பருப்பு, சாதம் இதயத்தை ஆரோக்கியமாக வைத்துக்கொள்ளவும். பருப்பில் நிறைந்திருக்கும் போலேட் து இதய நோய் ஏற்படுவதற்கான வாய்ப்பை குறைக்கும். 

எடை குறைக்க உதவும்:  பருப்பு சாதத்தில் கலோரிகள் ரொம்ப கம்மியா இருக்கும். இது நமது வயிற்றை நிறைய நேரம் நிறைவாக வைத்துக்கொள்ளும். அதிகமா சாப்பிடாம தடுக்கும். இதனால் உடல் எடையை குறைக்க உதவும். 

சாதம், பருப்பில் இருக்கும் தாதுக்கள், வைட்டமின்கள் நோய் எதிர்ப்பு சக்தியை அதிகரிக்கும். பருப்பில் கால்சியம், பாஸ்பரஸ் நிறைய உள்ளது. இது எலும்புகளை பலமாக வைத்துக்கொள்ளும். எலும்பு தேய்மானம் வர வாய்ப்பையும் குறைக்கும். 

மன அழுத்தத்தை குறைக்கும்:  சாதம், பருப்புல டிரிப்டோபான்ங்கிற அமினோ அமிலம் நிறைய உள்ளது.. இது செரோடோனின் உற்பத்தியை அதிகரிக்கும்.

இது ஒரு நியூரோட்ரான்ஸ்மிட்டர். இது மனநிலையை மேம்படுத்த உதவும். பருப்புல இருக்கும் ஆன்டிஆக்ஸிடண்ட்ஸ் சருமத்தை ஆரோக்கியமா வெச்சுக்க உதவும். 

தினமும் சாதம், பருப்பு சாப்பிடுவது நல்லதா? 

பொதுவாக தினமும் சாதம், பருப்பு சாப்பிடுவது நல்லதுதான். ஆனால் சர்க்கரை நோய் உள்ளவர்கள் சாதத்தை குறைத்துக்கொள்ள வேண்டும். ஏனெனில் சாதம் ரத்தத்தில் இருக்கும் சர்க்கரை அளவை அதிகரிக்கும்.

பருப்பு, சாதம் நமக்கு நிறைய சத்துக்களை கொடுக்கிறது.. இதய ஆரோக்கியம், ஜீரணம், ஒட்டுமொத்த ஆரோக்கியத்துக்கும் நல்லது. ஆனால் இது கூடவே காய்கறிகள், பழங்கள், தானியங்கள் ஆகியவற்றை உள்ளடக்கிய ஆரோக்கியமான சமச்சீரான உணவுகளையும் எடுத்துக் கொள்வது நல்லது.