Washing Machine Cleaning Tips: வாஷிங் மெஷினில் துர்நாற்றம் வீசுகிறதா? ஒரு ரூபாய் செலவு இல்லாமல் வாசனையாக்க சூப்பர் டிப்ஸ்

Washing Machine Cleaning Tips: வாஷிங் மெஷின்களில் ஈரப்பதம் காரணமாக ஏற்படும் துர்நாற்றத்தை, அதிக செலவின்றி வீட்டிலேயே எளிதாக சுத்தம் செய்து நறுமணமாக மாற்ற முடியும்.

Image Credit : Asianet News

வாஷிங் மெஷின்

தற்போதைய காலக்கட்டத்தில் வாஷிங் மெஷின் என்பது அத்தியாவசிய பொருளாக மாறிவிட்டது. குறிப்பாக தினமும் வேலைக்கு செல்வர்கள் வாஷிங் மெஷின் இருந்து வருகிறது. எவ்வளவு துணியாக இருந்தாலும் எந்த அலைச்சல் இல்லாமல் குறிப்பிட்ட நேரத்தில் துணியை எளிதாக துவைக்க முடிகிறது. இந்நிலையில் வாஷிங் மெஷின் துணியை போட்டு எடுப்பதோடு சரி, அதை சரிவர சுத்தம் செய்யாமல் அப்படியே விட்டு விடுவோம். அதில் இருக்கும் ஈரப்பதத்தை துடைக்கவோ, சுத்தம் செய்யவோ மாட்டோம். இதனால் அதில் பயங்கரமாக துர்நாற்றம் வீசத் தொடங்கும்.

Image Credit : Getty

வாஷிங் மெஷினில் துர்நாற்றம்

வாஷிங் மெஷினில் அடிக்கும் துர்நாற்றத்தை சரி செய்வது எப்படி என்று தெரியாமல் பல சர்வீஸ் சென்டரிலிருந்து ஆட்களை வரவழைத்து சரி செய்து பணத்தை செலவு செய்வார்கள். ஆனால் வீட்டில் இருக்கும் சில பொருட்களை வைத்து கரைசல் ஒன்று தயாரித்து அதை வைத்து வாஷிங் மெஷினில் அடிக்கும் துர்நாற்றத்தை ஈஸியாக போக்கிவிடலாம். அது குறித்து இந்த செய்தியில் விளக்கமாக பார்க்கலாம்.

Image Credit : Getty

வாஷிங் மெஷின் துர்நாற்றத்தை போக்குவது எப்படி?

சூடான நீர் - 2 லிட்டர்

எலுமிச்சை தோல் - 4

பரிகாரம் - 1 துண்டு

கரைசல் தயாரிக்கும் முறை

அடுப்பில் ஒரு பாத்திரத்தை வைத்து அதில் இரண்டு லிட்டர் தண்ணீரை ஊற்றி நன்றாக கொதிக்க வைக்க வேண்டும். பிறகு கொதிக்கும் தண்ணீரில் நுணுக்கிய படிகாரத்தை சேர்த்துக் கொள்ளுங்கள். அடுத்ததாக அதில் எலுமிச்சை தோலையும் சேர்த்து நன்றாக கொதிக்க விடுங்கள். தண்ணீர் நன்றாக கொதித்து பிறகு அடுப்பை அணைத்து விட்டு 10 முதல் 15 நிமிடங்கள் ஆற வைக்க வேண்டும். அவ்வளவுதான் இப்போது வாஷிங் மெஷினில் அடிக்கும் துர்நாற்றத்தை போக்குவதற்கான கரைசல் தயார்.

Image Credit : Pinterest

பயன்படுத்துவது எப்படி?

முதலில் வாஷிங் மெஷினில் எந்த துணிகளும் இருக்கக் கூடாது. முழுமையாக காலியாக இருக்க வேண்டும். அடுத்ததாக தயாரித்து வைத்த கலவையை, வாஷிங் மெஷினில் டிடர்ஜெண்ட் ஊற்றும் இடத்தில் கொஞ்சமாக ஊற்றிக் கொள்ளுங்கள். மீதம் இருக்கும் கலவையை வாஷிங்மெஷினுக்குள் ஊற்றவும் 10 நிமிடங்கள் அப்படியே வைக்கவும். பிறகு 15 நிமிடங்கள் வாஷிங் மெஷினை ஓட விடவும்.

Image Credit : gemini

வாஷிங் மெஷினில் வாசனை வீசும்

அடுத்து வாஷிங் மிஷினில் இருக்கும் தண்ணீரை முழுமையாக வெளியேற்றி விடுங்கள். பின் சுத்தமான தண்ணீரை ஊற்றி மீண்டும் ஒருமுறை வாஷிங் மெஷினை ஓட விடுங்கள். வாஷிங் மெஷின் இப்போது நன்றாக சுத்தமாகிவிடும். அடுத்ததாக ஒரு சுத்தமான துணியை கொண்டு வாஷிங்மெஷினில் ஒட்டி இருக்கும் ஈரத்தை துடைக்க வேண்டும். அவ்வளவுதான் இப்போது வாஷிங் மெஷினில் துர்நாற்றம் நீங்கி நல்ல வாசனை வீசும். இனி உங்கள் வீட்டில் இருக்கும் வாஷிங் மெஷினில் நாற்றம் வீசுகிறது என்று கவலைப்பட வேண்டாம்.