மழை காலத்தில் வெங்காயம் சீக்கிரம் அழுகாமல் இருக்க 'இப்படி' பண்ணுங்க!! 

வெங்காயத்தை சரியான முறையில் பயிரிட்டால் அமோகமான விளைச்சல் கிடைக்கும். பொதுவாக ராபி பருவத்தில் வெங்காயம் விதைப்பார்கள். ராபி பருவம் என்பது செப்டம்பர், நவம்பர் மாதங்களில் விதைப்பதாகும். இந்த பருவம் பயிரிடுவது ஏப்ரல், மே மாதங்களில் அறுவடையாக செய்யப்படும்.  

விதைப்பு நேரத்தில் வெங்காயத்தில் சரியான ரகங்களை தேர்ந்தெடுத்து பயிரிட்டால் தான் நல்ல லாபம் கிடைக்கும். வெங்காயத்தில் 5 ரகங்கள் இந்தியாவில் பயிரிடப்படுகின்றன. சில வகை வெங்காயம் மட்டுமே நோய்கள், பூச்சிகளை எதிர்த்து போராடும். வெங்காயத்தின் 4 வகைகளையும், அதனை சேமிக்கும் விதம் குறித்தும் இந்த பதிவில் காணலாம். 

வெள்ளை வெங்காயம்: 

வெள்ளை வெங்காயம் விதைத்த 125 முதல் 130 நாட்களில் விளையும். இதனை நீண்ட காலம் சேமிக்கலாம். வெள்ளை வெங்காயம் மொறுமொறுப்பாக இருக்கும். இதன் சுவை கசப்பு மற்றும் இனிப்பு சுவையாகும். இந்த வெங்காயத்தை பாஸ்தாவில் பயன்படுத்தலாம். சிக்கன் போன்ற அசைவம், சைவ வறுவல்களில், கிரில்லில்  பயன்படுத்தப்படுகின்றன.  

சிவப்பு நிறம்: 

சிவப்பு நிற வெங்காயம்  70-80 கிராம் மட்டுமே எடையுள்ளதாக இருக்கும். இது லேசான சுவையுள்ளது. இதில் உள்ள நீரேற்றம் காரணமாக  வறுத்தெடுக்க நன்றாக இருக்கும். பச்சையாக கூட சாண்ட்விச்களில் வைத்து உண்ணலாம். ஊறுகாய் செய்ய ஏற்றது. சிவப்பு வெங்காயத்தை முட்டைக்கோஸ், கீரை வகைகளுடன் சேர்த்து சமைக்கலாம். 

வெளிர் மஞ்சள்: 

வெளிர் மஞ்சள் நிறத்தில் உள்ள இந்த வெங்காயம் பயிர் 115 முதல் 120 நாட்களில் விளையும். இந்த வெங்காயம் பச்சையாக உண்ண முடியாது. சமைத்தால் சுவையும், அமைப்பும் மாறும். இந்த வெங்காயத்தை எல்லா சமையலிலும் பயன்படுத்தலாம். 

பழுப்பு நிறம்:

அடர் சிவப்பு மற்றும் பழுப்பு நிறத்தில் உள்ள இந்த வெங்காயம் விதைத்த 175 நாட்களில் தயாராகும். மற்ற வெங்காயத்தை விட இது குறைவான சுவைதான்.  

இதையும் படிங்க: வெங்காயத்தை சுத்தி கருப்பு அச்சு இருந்தால் சாப்பிடலாமா.. கூடாதா? தெரிஞ்சுக்கோங்க.!!

எந்த வெங்காயத்தை வாங்கலாம்? 

வெங்காயம் வாங்கும்போது உலர்ந்தவற்றை வாங்க வேண்டும். வெங்காயங்கள் அளவில் பெரிதாகவும், தோல் அதிகம் இருக்கும்படியும் பார்த்து வாங்குங்கள். குறிப்பாக வெங்காயத்தில் புள்ளிகளோ, ஈரப்பதமோ இருந்தால் வாங்க வேண்டாம். 

வெங்காயம் நீண்ட காலம் அழுகாமல் இருக்க.. 

வெங்காயத்தை உருளைக்கிழங்குடன் வைப்பது நல்லதல்ல. இதனால் விரைவில் வெங்காயம் கெட்டுவிடும். 

வெங்காயத்தை பிளாஸ்டிக் கூடைகளில், குறிப்பாக துளைகள் உள்ள பிளாஸ்டிக் கூடையில் வைப்பது வெங்காயத்தை கெடாமல் வைக்கும். பிளாஸ்டிக் பையில் கட்டி வைக்கக் கூடாது. காற்றோட்டம் அவசியம். 

வெங்காயம் வாங்கும்போதே உலர்ந்த நிலையில் வாங்க வேண்டும். மழைகாலத்தில்  ஈரப்பதமான வெங்காயம் விரைவில் அழுகலாம். அதில் கருப்பு வண்ண கறைகள் இல்லாமல் இருப்பது அவசியம்.  வெங்காயத்தை காகிதத்தில் போட்டு திறந்தவெளியில் வைக்க வேண்டும். காகிதத்தில் எந்த வாசனையும் இருக்கக்கூடாது. 

வெங்காயத்தை வைத்திருக்கும் இடம்  காற்றோட்டத்துடன் இருக்க வேண்டும். இருண்ட, உலர்ந்த இடத்தில் வைக்கலாம். குளிர்சாதன பெட்டியில் வைக்கும்போது உரிக்கப்படாத வெங்காயத்தை வைக்கக் கூடாது. உரித்த வெங்காயத்தை ஒரு பிளாஸ்டிக் டப்பாவில் மூடி வைக்கலாம். 

எது கெட்டுப் போன வெங்காயம்? 

1). துர்நாற்றம் வீசும் வெங்காயம்
2). கரும்புள்ளிகள் உள்ள வெங்காயம் 
3). முளைவிட்ட வெங்காயம் ஆகியவை கெட்டுப் போன அறிகுறிகளாகும். இதை பயன்படுத்தாதீர்கள்.

இதையும் படிங்க:  வெங்காயத்தை பச்சையாக சாப்பிடுவதால் என்னென்ன பிரச்சனைகள் ஏற்படும் தெரியுமா?