உங்கள் மரச்சாமான்கள் புதுசு போல் மின்னனுமா? இந்த ஹோம் மேட் பாலிஷ் போதும்!

நம் வீட்டில் பொருட்கள் எப்போதும் புதிது போல் இருக்க வேண்டுமெனில் அதற்கு சரியான கவனிப்பும் பராமரிப்பும் தேவை. அந்த வகையில் வீட்டில் மரச்சாமான்களை சரியாக பராமரிக்கவில்லை எனில் காலப்போக்கில் அழுக்குகள் படிந்து பழையது போல் மாறிவிடும். ஆனால் வீட்டில் உள்ள பொருட்களை கொண்டே மரச்சாமான்களை எப்படி சுத்தம் செய்வது என்று இந்த பதிவில் பார்க்கலாம்.

மரச்சாமான்களில் எந்த ஒரு பாலிஷும் போட்டு துடைப்பதற்கு முன்பு, மென்மையான பருத்தி துணியை எடுத்து மரச்சாமான்களில் இருக்கும் தூசி மற்றும் அழுக்குகளை அகற்ர வேண்டும். எதேனும் வெள்ளைப் புள்ளிகள் அல்லது கறைகள் இருந்தால், அவற்றை வெதுவெதுப்பான நீர் மற்றும் சில துளிகள் டிஷ் சோப்பைப் பயன்படுத்தி துடைக்கவும். பின்னர் மற்றொரு துணியால் ஈரம் இல்லாமல் சுத்தமாக துடைக்க வேண்டும்.

தூசிகள், அழுக்குகளை துடைத்த பின்னர் மரச்சாமான்களை புதிது போல் மாற்ற சில எண்ணெய்களை பயன்படுத்தலாம். அந்த வகையில் மரச்சாமான்களை பாலிஷ் செய்ய தேங்காய் எண்ணெய் ஒரு சிறந்த தீர்வாகும். தேங்காய் எண்ணெய் ஒவ்வொரு வீட்டிலும் பயன்படுத்தப்படுகிறது. தோல் மற்றும் கூந்தலுக்கு மிகவும் ஊட்டமளிக்கும் இயற்கை மூலப்பொருளாக இது. இந்த இயற்கை மூலப்பொருள் உங்கள் மரச்சாமான்களுக்கு அற்புதமான பளபளப்பைக் கொடுக்க சிறந்தது. 

5 டேபிள் ஸ்பூன் தேங்காய் எண்ணெயை எடுத்து 1 டேபிள் ஸ்பூன் தாவர எண்ணெய் சேர்க்கவும். ஒரு மென்மையான பருத்தி துணியை எடுத்து, எண்ணெய் கலவையை ஈரப்படுத்தி, உங்கள் தளபாடங்கள் மீது ஒரு திசையில் மெதுவாக தேய்க்கவும். பின்னர் அதில் கை வைக்காமல் சிறிது நேரம் உலர விடவும்.

ப்ரீசரில் இருந்து ஐஸ் கட்டிகளை எளிதாக நீக்கணுமா? இதோ டிப்ஸ்!

எலுமிச்சை & ஆலிவ் எண்ணெய்

உங்கள் மரச்சாமான்கள் மிகவும் பழமையானதாக இருந்தால் நீங்கள் பயன்படுத்த வேண்டிய வீட்டில் தயாரிக்கப்பட்ட பாலிஷ் இதுதான். எலுமிச்சை மற்றும் ஆலிவ் எண்ணெய் இரண்டும் சரும அமைப்பை அதிகரிக்கவும், முடி பிரச்சனைகளை போக்கவும் பயன்படுகிறது. எலுமிச்சை அதன் பாக்டீரியா எதிர்ப்பு பண்புகளுக்கு பெயர் பெற்றது மற்றும் ஆலிவ் எண்ணெய் பிரகாசத்தை வழங்குவதில் சிறந்தது.

அதற்கு ஒரு கிண்ணத்தை எடுத்து, ½ கப் ஆலிவ் எண்ணெய் மற்றும் 2 தேக்கரண்டி எலுமிச்சை சாறு கலக்கவும். ஒரு மென்மையான பருத்தி துணியில் அந்த கரைசலை நனைத்து, மரச்சாமான்களை நன்றாக தேய்க்கவும். வறண்ட பகுதிகள் மந்தமான பகுதிகளில் கூடுதல் கரைசலை சேர்த்து பொறுமையாக தேய்க்கவும். சிறது நேரம் கை வைக்காமல் அப்படியே உலர விடவும்.

வெள்ளை வினிகர் & ஆலிவ் எண்ணெய்,

பாத்திரங்களை சுத்தம் செய்யவும், கறைகளை போக்கவும் வெள்ளை வினிகர் பயன்படுத்தப்பட்டு வருகிறது. ஆனால், மிக முக்கியமாக, உங்கள் மரச்சாமான்கள் கரையான்களால் தாக்கப்பட்டிருந்தால், வினிகர் மற்றும் ஆலிவ் கலவை அவற்றை ஓரளவுக்கு அகற்ற உதவும்.

ஒரு பாத்திரத்தில் ½ கப் ஆலிவ் எண்ணெய் மற்றும் 2 தேக்கரண்டி வெள்ளை வினிகர் கலக்கவும். ஒரு பெரிய பிரஷ்ஷை எடுத்து, கரைசலில் நனைத்து, மரச்சாமான்களின் அனைத்து பகுதிகளிலும் தடவவும். ஒரு நிமிடம் அல்லது இரண்டு நிமிடங்கள் அதை விட்டு, பின்னர் மென்மையான துணியால் வட்ட இயக்கங்களில் தேய்க்கவும்.

வீட்டில் எலி தொல்லையா? கற்பூரத்தை இப்படி யூஸ் பண்ணுங்க; ஓடிவிடும்!