பார்லர் போக வேண்டாம்; 'இத' மட்டும் பண்ணுங்க.. உங்க கூந்தல் பளபளக்கும்!

ஒவ்வொரு பெண்ணுக்கும் தனது கூந்தலைப் பற்றிய கனவுகள் உண்டு. நீளமான கூந்தல் வேண்டும் என சிலர் நினைத்தால், மென்மையான, பளபளப்பான கூந்தல் வேண்டும் என வேறு சிலர் விரும்புவர். பட்டுப்போன்ற பளபளப்பான கூந்தல் அழகை மேம்படுத்தும்.

இத்தகைய கூந்தலைப் பெற பெண்கள் பல முயற்சிகளை மேற்கொள்கின்றனர். பல்வேறு வகையான கூந்தல் பராமரிப்பு பொருட்களைப் பயன்படுத்துகின்றனர். ஆனால், எதிர்பார்த்த பலன் கிடைப்பதில்லை. கீழே கொடுக்கப்பட்டுள்ள குறிப்புகளைப் பின்பற்றினால், உங்கள் கூந்தல் மென்மையாகவும், பளபளப்பாகவும் மாறும். அந்தக் குறிப்புகள் என்னவென்று பார்ப்போமா…

1.வெதுவெதுப்பான நீரில் குளிக்கவும்..

பெண்கள் செய்யும் பொதுவான தவறு, அதிக குளிர்ந்த நீரிலோ அல்லது அதிக சூடான நீரிலோ குளிப்பது. கூந்தல் பராமரிப்புக்கு எண்ணெய் அல்லது ஹேர் மாஸ்க் பயன்படுத்திய பிறகு, வெதுவெதுப்பான நீரில் தலைக்கு குளிப்பது நல்லது.

அதிக குளிர்ந்த அல்லது சூடான நீரில் தலைக்கு குளித்தால், எண்ணெய் அல்லது ஹேர் மாஸ்க் பயன்படுத்தியதால் எந்தப் பலனும் இருக்காது. கூந்தல் வறட்சி அதிகரிக்கும். எனவே, வெதுவெதுப்பான நீரில் மட்டுமே குளிக்க வேண்டும். குளிப்பதற்கு ஒரு மணி நேரத்திற்கு முன்பு ஹேர் மாஸ்க் அல்லது எண்ணெய் பயன்படுத்துவது நல்லது. இதனால் கூந்தல் மென்மையாகவும், பளபளப்பாகவும் இருக்கும்.

2.வெதுவெதுப்பான எண்ணெயால் கூந்தலுக்கு மசாஜ் செய்யவும்…

கூந்தலுக்கு எண்ணெய் தேய்க்கும் போது, வெதுவெதுப்பான எண்ணெயைப் பயன்படுத்துவது நல்லது. எண்ணெய் தேய்த்த ஒரு மணி நேரம் கழித்து, தலைக்கு குளிக்க வேண்டும். ஷாம்பூவுடன் கண்டிஷனரையும் பயன்படுத்துவது நல்லது. 

இதையும் படிங்க: முடி உதிர்தலை குறைக்கவும், இள நரையை போக்கவும் உதவும் சீக்ரெட் இதுதான்!

3.சரியான ஷாம்பூ, கண்டிஷனர் பயன்படுத்தவும்..

கூந்தலைக் தலைக்கு குளிக்கும் போது, சரியான ஷாம்பூ மற்றும் கண்டிஷனரைப் பயன்படுத்துவது அவசியம். தவறான ஷாம்பூ, கண்டிஷனர் தலை முடியை மோசமாக பாதிக்கும். அதுபோல ஷாம்பு போட்டு தலைக்கு குளித்த பிறகு கண்டிஷனர் பயன்படுத்த மறக்காதீர்கள்.

இதையும் படிங்க: என்ன நெல்லிக்காயை தலைமுடிக்கு யூஸ் பண்ணா முடி கொட்டாதா? வளருமா?!