- Home
- Lifestyle
- Expensive Salt: தங்கம் விலையில் விற்கப்படும் உப்பு! ஒரு கிலோ வாங்கினா ஒரு பவுன் நகை வாங்கலாம்!
Expensive Salt: தங்கம் விலையில் விற்கப்படும் உப்பு! ஒரு கிலோ வாங்கினா ஒரு பவுன் நகை வாங்கலாம்!
உலகத்துலயே ரொம்ப காஸ்ட்லியான உப்பு ஒண்ணு இருக்கு தெரியுமா? அதோட ஒரு கிலோ விலையில ஒரு பவுன் தங்கம் வாங்க முடியுமாம். அப்படி என்ன ஸ்பெஷல் அந்த உப்புல? வாங்க பார்க்கலாம்.
இந்த உப்பின் விலை என்ன தெரியுமா?
சமையலில் சுவை சேர்க்க உப்பு இன்றியமையாதது. நாம் அன்றாடம் பயன்படுத்தும் உப்பின் விலை ஒரு கிலோக்கு ரூ.20 முதல் ரூ.50 வரை மட்டுமே. ஆனால் உலகிலேயே மிகவும் விலையுயர்ந்த உப்பாக தென் கொரியாவின் 'பேம்பூ சால்ட்' (Bamboo Salt) அறியப்படுகிறது. ஒரு கிலோவின் விலை லட்சக்கணக்கான ரூபாயை எட்டுவதால், அந்த தொகையில் ஒரு பவுன் தங்கம் கூட வாங்கலாம் என கூறப்படுகிறது. இந்த உப்பு மூங்கில் குழாய்களில் நிரப்பப்பட்டு, பல முறை அதிக வெப்பத்தில் சுட்டு தயாரிக்கப்படுகிறது. நீண்ட நாட்கள் எடுக்கும் இந்த சிக்கலான தயாரிப்பு முறையும், அதன் அரிதான தன்மையும் காரணமாகவே பேம்பூ சால்ட் உலகின் மிக விலையுயர்ந்த உப்புகளில் ஒன்றாக திகழ்கிறது.
பேம்பூ சால்ட் என்றால் என்ன?
பேம்பூ சால்ட் சாதாரண உப்பைப் போல தயாரிக்கப்படுவதில்லை. இதன் தயாரிப்பு முறையே இதன் மதிப்பை பல மடங்கு உயர்த்துகிறது. முதலில், கடல் உப்பை மூங்கில் குழாய்களில் நிரப்பி, இரு முனைகளையும் இயற்கை களிமண்ணால் மூடுவார்கள். பின்னர், பைன் மரக்கட்டைகளை எரிபொருளாக பயன்படுத்தி மிக அதிக வெப்பநிலையில் சுடுவார்கள். இந்தச் செயல்முறை ஒருமுறை அல்ல, சுமார் 9 முறை மீண்டும் மீண்டும் செய்யப்படுகிறது. ஒவ்வொரு முறையும் உப்பில் உள்ள அசுத்தங்கள் நீங்கி, மூங்கிலும் களிமண்ணிலும் உள்ள தாதுக்கள் அதனுடன் கலக்கின்றன. இறுதியில், இந்த உப்பு தனித்துவமான ஊதா (Purple) நிறத்தைப் பெற்று, அரிய மற்றும் உயர்தர உணவுப் பொருளாக மாறுகிறது.
இந்த உப்பின் விலை எவ்வளவு? ஏன் இவ்வளவு விலை?
பேம்பூ சால்ட்டின் விலை, சாதாரண உப்பை விட பல மடங்கு அதிகம். தரம் மற்றும் தயாரிப்பு முறையைப் பொறுத்து, ஒரு கிலோ ரூ.30,000 முதல் ரூ.1 லட்சம் அல்லது அதற்கும் மேல் விற்கப்படுகிறது. முழுக்க முழுக்க கைவினை முறையில் தயாரிக்கப்படுவதால், இதன் உற்பத்தி மிகவும் குறைவாகவே இருக்கும். அதனால்தான் உலக சந்தையில் இது அரிய மற்றும் ஆடம்பர உணவுப் பொருளாக கருதப்படுகிறது. இந்த உப்பு உயர்தர உணவகங்கள், சிறப்பு சமையல் வகைகள் மற்றும் சில ஆரோக்கியப் பொருட்கள் தயாரிப்பில் பயன்படுத்தப்படுகிறது. மேலும், இதில் பல்வேறு தாதுக்கள் (Minerals) அதிகமாக இருப்பதாகக் கூறப்பட்டாலும், அதன் உடல்நல நன்மைகள் குறித்து அறிவியல் ஆய்வுகள் இன்னும் தொடர்ந்து நடைபெற்று வருகின்றன.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
