Gardening Tips: வீட்டைக் காக்கும் முட்டை ஓடுகள்: செடிகளை பச்சையாக வைக்க 5 சூப்பர் டிப்ஸ்!

Gardening Tips: நாம் சமையலுக்குப் பிறகு தூக்கி எறியும் முட்டை ஓடுகள், தோட்டக்கலைக்கு ஒரு சூப்பர் வரம். கால்சியம் நிறைந்த இந்த ஓடுகள் செடிகளுக்கு 5 வழிகளில் உதவுகின்றன. அது குறித்து இந்த செய்தியில் பார்ப்போம்.

Image Credit : Credit: Jurgute / Getty Images

வீட்டைக் காக்கும் முட்டை ஓடுகள்

வீட்டுத் தோட்டம் வைத்துள்ளீர்களா? அப்படியானால் இந்த 5 குறிப்புகள் உங்களுக்கானவை. நாம் குப்பையில் எடையும் முட்டை ஓடு, செடிகளை ஆரோக்கியமாக வளர்க்கும் ஒரு அருமையான பொருளாகும். இது மண்ணை வளப்படுத்தி, செடிகளுக்கு உயிர் கொடுக்கிறது. இனிமேல் முட்டை ஓடுகளை வீணாக்காதீர்கள்.

Image Credit : google

முட்டை ஓடுகளில் கால்சியம் சத்து அதிகம்

முட்டை ஓடுகளில் கால்சியம் சத்து அதிகம் உள்ளது. இது செடியின் செல் சுவர்களைப் பலப்படுத்தி, வளர்ச்சிக்கு உதவுகிறது. தக்காளி, மிளகாய், முலாம்பழம் செடிகளில் கால்சியம் குறைபாட்டால் வரும் 'பிளாசம் எண்ட் ராட்' (blossom end rot) நோயை இது தடுக்கும். முட்டை ஓடுகளை நன்றாகப் பொடி செய்து மண்ணில் கலந்தால், கால்சியம் சீக்கிரமாக செடிக்கு கிடைக்கும்.

நத்தை, புழு மாதிரி பூச்சிகளுக்கு முட்டை ஓடு ஒரு சிம்மசொப்பனம். நொறுக்கப்பட்ட முட்டை ஓடுகளின் கூர்மையான முனைகள், இந்த பூச்சிகளை செடி பக்கத்துல வர விடாது. செடிகளின் தண்டுப் பகுதியைச் சுற்றி இந்த ஓடுகளைத் தூவி வெச்சா போதும். இது ஒரு இயற்கை பூச்சி விரட்டி மாதிரி செயல்படும்.

Image Credit : google

நாற்றங்கால் தொட்டி

உங்கள் தோட்டத்து மண்ணில் அமிலத்தன்மை அதிகமாக உள்ளதா? முட்டை ஓடுகள் காரத்தன்மை கொண்டவை. இவற்றில் உள்ள கால்சியம் கார்பனேட், மண்ணின் அமிலத்தன்மையைக் குறைத்து, pH அளவைச் சமன்படுத்தும். இதனால் செடிகள் சத்துக்களை நன்றாக உறிஞ்சி, வலிமையுடன் வளரும்.

சுத்தம் செய்த பாதியளவு முட்டை ஓடுகளைக் குட்டி நாற்றங்கால் தொட்டியாகப் பயன்படுத்தலாம். இது ஒரு இயற்கையான மக்கும் (biodegradable) தொட்டியாகும். நாற்று வளர்ந்ததும், அதை முட்டை ஓட்டோடு சேர்த்து அப்படியே மண்ணில் நடலாம். இதனால், செடிக்கு நேரடியாகக் கால்சியம் சத்து கிடைப்பதுடன், ஓடும் மண்ணில் மக்கிவிடும்.

Image Credit : google

முட்டை ஓட்டுத் தேநீர் தயாரிப்பு

முட்டை ஓடுகளைப் பொடியாகவோ அல்லது உரமாகவோ மட்டும் பயன்படுத்தாமல், சுத்தமான முட்டை ஓடுகளைத் தண்ணீரில் போட்டு சில நாட்கள் ஊறவைத்தோ அல்லது கொதிக்கவைத்தோ 'முட்டை ஓட்டுத் தண்ணீர்' (Eggshell Tea) தயாரிக்கலாம். இந்தத் திரவத்தை வடிகட்டி செடிகளுக்கு ஊற்றுவதன் மூலம், கால்சியம் சத்து செடியின் வேர்களுக்கு மிக விரைவாகக் கிடைத்து செழிப்பாக வளர உதவும்.

Image Credit : our own

தற்காலிக விதைப்பைகள்

முட்டை ஓடுகளைப் பாதியாக உடைத்து சுத்தம் செய்துவிட்டு, அதில் தேங்காய் நார்க்கழிவு அல்லது மண் நிரப்பி விதைகளைத் தூவலாம். விதைகள் முளைத்துச் செடியாக வந்ததும், முட்டை ஓட்டோடு சேர்த்து அப்படியே பெரிய தொட்டியிலோ அல்லது நிலத்திலோ நட்டுவிடலாம். முட்டை ஓட்டின் கடினமான பகுதி ஆரம்பத்தில் விதைக்கு நல்ல பாதுகாப்பைக் கொடுக்கும். நாற்று வளர்ந்து வேர் விடும்போது ஓடு தானாகவே மண்ணில் மக்கிவிடும் என்பதால், நாற்றுகளை மாற்றும்போது வேர்களுக்கு எந்தவித சேதாரமும் ஏற்படாது.

Image Credit : Getty

உரத்துடன் நொறுக்கிய முட்டை ஓடுகள்

நீங்கள் தயாரிக்கும் கம்போஸ்ட் உரத்துடன், நொறுக்கிய முட்டை ஓடுகளைச் சேர்க்கவும். இது உரத்திற்கு கால்சியம் மற்றும் பிற தாதுக்களை அளித்து, அதன் சத்துக்களை அதிகரிக்கும். இந்த உரத்தை மண்ணில் இடும்போது, மண் கட்டமைப்பும் காற்றோட்டமும் மேம்படும். எனினும், பூச்சிகளைத் தவிர்க்க, ஓடுகளை நன்றாகக் கழுவிப் பயன்படுத்த வேண்டும்.