காலி சிலிண்டரை மாத்துறப்ப இது மட்டும் நடந்தா அவ்வளவுதான்.. எப்படி கவனமா இருக்கணும் தெரியுமா?

நம் வீட்டில் ஒவ்வொரு முறை காலி சிலிண்டரை மாற்றும் போதும் என்னென்ன விஷயங்களில் கவனமாக இருக்க வேண்டும் என்பது குறித்து இந்த பதிவில் தெரிந்து கொள்ளுங்கள்.  

அண்மைகாலமாக சிலிண்டர் விபத்துக்கள் பீதியை கிளப்பி வருகின்றன. இந்த ஆண்டில் அதாவது கடந்த 3 மாதங்களில் இந்தியாவில் 20 பேருக்கும் மேல் சிலிண்டர் வெடிப்பு விபத்தினால் இறந்துள்ளனர். குறிப்பாக பிப்ரவரியில் சென்னை நபர் ஒருவர் சிலிண்டர் விபத்தில் உயிரிழந்தார். இப்படி சிலிண்டர் விபத்துக்கள் நம்மை அச்சுறுத்தி வரும் நிலையில், அதில் இருந்து எப்படி நம்மை பாதுகாக்க வேண்டும் என்பதை தெரிந்து கொள்வது அவசியம். 

எப்போதும் கவனம்...! 

சிலிண்டர்கள் வைத்துள்ள அறையில் மின் கசிவு உள்ளதா? என்பதை கவனமாக சோதிக்கவேண்டும். வயரிங் சரியாக செய்யப்படுவது ரொம்ப முக்கியம். ஒருவேளை அது தொடர்பான பிரச்சினை வந்தாலும் உடனே சரி செய்ய வேண்டும். முக்கியமான விஷயம் என்னவென்றால் சிலிண்டர் இருக்கும் இடத்தின் எக்டன்ஷன் பாக்ஸ் வைக்கவே கூடாது. 

சிலிண்டர் கசிவு எச்சரிக்கை

சிலிண்டர் வாங்கியதும் அதில் கசிவு இருக்கிறதா? என சோதனை செய்ய வேண்டும். ஒவ்வொரு தடவை சிலிண்டர் வாங்கி உபயோகம் செய்யும்போதும் சிலிண்டரின் முன் வாய் பகுதியில் தண்ணீர் ஊற்றி பார்க்கவேண்டும். அப்போது திவலைகள் மொட்டு போல வந்தால் கசிவு இருக்கிறது என அர்த்தம். அப்படியேதும் வராவிட்டால் பிரச்சினை இல்லை. சிலிண்டரின் வாய் பகுதி சரியாக இருப்பதை கவனித்து வாங்கி கொள்ளுங்கள். 

சிலிண்டர் விபத்து 

காலி சிலிண்டரை கழற்றி மாற்றும் போது கூட ரொம்ப கவனம் தேவை. அதிலும் கசிவு உள்ளதா என்பதை பார்த்துவிட்டு தூக்கி செல்ல வெண்டும். சமீபத்தில் சென்னையில் காலி சிலிண்டர் தானே என சோதிக்காமல் மாற்றியவர் தான் விபத்தில் சிக்கினார். அதனால் மக்களே கவனம். காலியோ..நிரப்பியதோ சிலிண்டர் என்றால் கவனம் ரொம்ப இருக்க வேண்டும். முழுவதும் சிலிண்டர் காலி ஆகிவிட்டதா என தெரிந்துகொண்டு பின் அதனை கழற்றி மாற்றுங்கள். த்து சேதாரம் அதிகமாகிவிடும். கவனமாக இருங்கள். 

நாம் பயன்படுத்தும் சிலிண்டரை முதலில் வெளியே தான் வைக்க வேண்டும். சமையலறையில் இருக்கும் காற்றோட்டமான இடத்தில் சிலிண்டரை வைக்க வேண்டும். இப்போது பலரும் நவீன கிச்சன்களுக்கு மாறிவிட்டதால் சிலிண்டர் எப்போதும் உள்ளேதான் வைக்கப்படிருக்கும். அது தவறு. 

இதையும் படிங்க: எப்போதும் வீட்டில் பணம் பெருகணுமா? இந்த 4 பொருள் ஒன்றாக இருக்கணும்.. அவ்வளவுதான் பண ராசி வந்திடும்..!

திறந்த இடத்தில் சிலிண்டரை வைக்க வேண்டும். ஏனெனில் காற்றோட்டம் இல்லாத இடத்தில் சிலிண்டரை வைத்தால் லீக் ஆகும்போது கேஸ் வெளியே செல்லாமல் அங்கேயே தேங்கும். இதனால் சிலிண்டர் வெடிக்கலாம். எப்போதும் 2 சிலிண்டர்களை பக்கத்தில் வைக்கக் கூடாது. ஒன்று வெடித்தால் கூடவே இன்னொன்றும் வெடித்து சேதாரம் அதிகமாகிவிடும். கவனமாக இருங்கள். 

இதையும் படிங்க: பங்குனி உத்திரம் 2023 எப்போது? விரத முறை.. வழிபாடு பலன்கள் முழுதகவல்கள்.!