உங்கள் குழந்தை மனநல பிரச்சனை உடன் போராடுகிறது என்பதை எப்படி கண்டறிவது? இவை தான் அறிகுறிகள்..

உங்கள் குழந்தை மனநல பிரச்சனை உடன் போராடுகிறது என்பதை எப்படி கண்டறிவது என்பது குறித்து இந்த பதிவில் பார்க்கலாம்.

குழந்தைகள் பொதுவாக அதிகமாக கவனிப்பார்கள். அவர்கள் வளரும்போது அவர்களை சுற்றியுள்ள உலகத்தை அப்படியே மனதில் பதித்துக் கொள்கின்றனர். எந்த கவலையும் இல்லாத மகிழ்ச்சியான காலமாகவே குழந்தைப் பருவம் இருக்கும். ஆனால் மனநலப் பிரச்சினைகள் தொடங்கும் காலகட்டமாகவும் இது இருக்கலாம். எனவே ஒரு பெற்றோர் தங்கள் குழந்தையின் உணர்வுப்பூர்வ நல்வாழ்வுடன் இணைந்திருப்பது அவர்களின் ஒட்டுமொத்த வளர்ச்சிக்கு அவசியம். மேலும், ஒரு சிறு குழந்தை மனநலப் பிரச்சினைகளுடன் போராடுவதைக் குறிக்கும் பல்வேறு அறிகுறிகளையும் நடத்தைகளையும் புரிந்துகொள்வதும் ஆராய்வதும், அவர்களுக்கு ஆதரவாக இருப்பதும் முக்கியமானது.

குழந்தைகள் மன உளைச்சலில் அல்லது மனரீதியான பிரச்சனையில் இருக்கிறார்கள் என்பதை குறிக்கும் அறிகுறிகள் குறித்து பார்க்கலாம். சிறுவயதில் மனநிலை மாற்றங்கள் பொதுவான பகுதியாக இருந்தாலும், அன்றாட வாழ்க்கையை சீர்குலைக்கும் தீவிரமான மற்றும் நிலையான மனநிலை மாற்றங்கள் கவலைக்கு காரணமாக இருக்கலாம். ஒரு குழந்தை, சமூக தொடர்புகளில் இருந்து விலகினால், நண்பர்கள் மீதான ஆர்வத்தை இழந்தால், அந்த குழந்தை மனநல பிரச்சனையுடன் போராடலாம்.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

கடுமையான சூழ்நிலைகளில் கூட, குழந்தைக்கு ஒரு குறிப்பிட்ட பொருள் அல்லது சூழ்நிலையில் விவரிக்க முடியாத பயம்  ஏற்படலாம். இந்த பயம் மற்றும் உணர்ச்சி பாதுகாப்பின்மை அவர்களின் தூக்கம், பசி மற்றும் வளர்சிதை மாற்றத்தை கூட பாதிக்கலாம். இதன்மூலம், திடீர் எடை இழப்பு அல்லது எடை அதிகரிப்பு போன்ற உணவுப் பழக்கங்களில் குறிப்பிடத்தக்க மாற்றம், உணர்ச்சித் துயரத்தைக் குறிக்கும்.

குழந்தையின் கல்வித் திறன் கணிசமாக அவர்களின் மன நிலையைப் பொறுத்தது. எனவே, ஒரு குழந்தையின் மதிப்பெண்கள் திடீரென குறைந்தாலோ அல்லது அவர்கள் விரும்பும் பள்ளி நடவடிக்கைகளில் ஆர்வம் இழந்தால் குழந்தைக்கு மன ரீதியான பிரச்சனை இருக்கலாம். எனவே. அத்தகைய சூழ்நிலையில், பெற்றோர்கள் எந்த தண்டனையான சிகிச்சையையும் வழங்குவதற்குப் பதில் குழந்தைக்கு தரவாக இருக்க வேண்டும். குழந்தையின்/அவரது போராட்டங்களைப் பொருட்படுத்தாமல் அவர்கள் குழந்தையுடன் நிற்கிறார்கள் என்பதை அவர்கள் உறுதிப்படுத்த வேண்டும்.

குழந்தை மனநலப் பிரச்சினைகளை எதிர்கொள்கிறது என்று நீங்கள் சந்தேகித்தால், கவனமாகவும் அனுதாபத்துடனும் பதிலளிக்க வேண்டியது அவசியம். உங்கள் குழந்தை அவர்களின் உணர்வுகளையும் கவலைகளையும் வெளிப்படுத்த பாதுகாப்பான மற்றும் வெளிப்படையான சூழலை பெற்றோர் உருவாக்க வேண்டும்.. அவர்களுக்கு என்ன பிரச்சனை என்பதை உட்கார்ந்து பொறுமையாக கேட்க வேண்டும். குழந்தைகளின் மனநலப் பிரச்சினைகளில் நிபுணத்துவம் பெற்ற குழந்தை மருத்துவர் அல்லது குழந்தை உளவியலாளரை அணுகவும். அவர்கள் சரியான மதிப்பீட்டை வழங்கலாம் மற்றும் பொருத்தமான தலையீடுகள் அல்லது சிகிச்சைகள் பரிந்துரைக்கலாம்.

குழந்தைகளின் மனநலப் பிரச்சினைகளைத் தீர்ப்பதற்கு நிலைத்தன்மையும் பொறுமையும் மிகவும் முக்கியம். ஒரு குழந்தையுடன் வெளிப்படையாக பேசுவதும் அவசியம். அவர்களின் உணர்வுகளையும் கவலைகளையும் நெருங்கியவர்களுடன் பகிர்ந்து கொள்ள அவர்களை ஊக்குவிக்கவும். குழந்தைகள் தங்கள் மன ஆரோக்கியத்திற்கு முன்னுரிமை அளிக்கும் சூழலை உருவாக்க வேண்டும், அவர்கள் சிறந்த சூழலில் வளரத் தேவையான கவனிப்பையும் ஆதரவையும் பெறுவதை உறுதிசெய்ய வேண்டும். ஒவ்வொரு குழந்தைக்கும் ஒரு பிரகாசமான எதிர்காலத்திற்கான அடித்தளம் மனநலம் மட்டுமே. எனவே குழந்தையின் மனநிலையில் பெற்றோர் கவனமாக இருக்க வேண்டும்.