பிரதமர் மோடி குறிப்பிட்ட ஹூலாக் கிப்பான் குரங்கு; அப்படி என்ன தான் சிறப்பு?
ஹூலாக் கிப்பன் எனப்படும் அரிய வகை குரங்கினத்தைப் பற்றி பிரதமர் மோடி தனது மன் கி பாத் உரையில் குறிப்பிட்டுள்ளார். நாட்டின் வடகிழக்குப் பகுதியில் காணப்படும் இந்த குரங்குகள் தற்போது அழிவின் விளிம்பில் உள்ளன. அவற்றைப் பற்றி இங்கே தெரிந்து கொள்வோம்.
ஹூலாக், கிப்பன்களில் இரண்டாவது பெரிய இனமாகும். கிப்பன்களில் மிகப்பெரிய இனம் சியாமங். உலகம் முழுவதும் 20 வகையான கிப்பன்கள் உள்ளன.
ஹூலாக்கின் அளவு அதிகபட்சமாக 60 முதல் 70 சென்டிமீட்டர் வரை இருக்கும். எடை சுமார் 6 முதல் 9 கிலோகிராம் வரை இருக்கும். ஹூலாக் சுமார் 12000 எண்ணிக்கையில் உள்ளன.
ஆண் ஹூலாக் கருப்பு நிறத்திலும், புருவங்கள் வெண்மையாகவும் இருக்கும், பெண் குரங்குகள் பழுப்பு நிற ரோமங்களைக் கொண்டிருக்கும். ஹூலாக் என்பது அசாமிய மொழியில் இருந்து வந்த சொல்.
வடகிழக்கு இந்தியாவில், பிரம்மபுத்திரா நதியின் தெற்கு மற்றும் வடக்கு கரையோரப் பகுதிகளிலும், திபாங் நதிகளின் கிழக்கிலும் ஹூலாக் காணப்படுகிறது. இது அருணாச்சலப் பிரதேசம், அசாம், மணிப்பூர், மேகாலயா, மிசோரம், நாகாலாந்து மற்றும் திரிபுரா ஆகிய மாநிலங்களில் காணப்படுகின்றன.
ஹூலாக், ஹோலோங்கபார் கிப்பன் சரணாலயத்தில் பாதுகாக்கப்படுகின்றன. இது மோரன் பழங்குடி சமூகத்தினருடன் மிகவும் நட்புடன் உள்ளது மற்றும் அவர்களின் பாதுகாப்பிலும் வாழ்கிறது. வடகிழக்கு இந்தியாவில் காணப்படும் இந்த குரங்குகள், மோரன் பழங்குடி சமூகத்துடன் ஒரு சிறப்பு உறவைப் பகிர்ந்து கொள்கின்றன.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.