வெயிலை சமாளிக்க தொப்பி போடுபவரா நீங்க? கட்டாயம் இதை தெரிஞ்சுக்கங்க!!

தொப்பி அணிவதால் முடி உதிர்தல் ஏற்படுமா என்ற கேள்விக்கு நிபுணர்களின் விளக்கம் குறித்து இந்த பதிவில் தெரிந்து கொள்ளலாம்.

Is it True That Wearing a Hat Causes Hair Loss? : தொப்பி கோடை காலத்தில் அதிகமாக பயன்படுத்தப்படுகிறது. மக்கள் தங்களது தலைமுடியையும், உச்சம் தலையையும் கடுமையான வெப்பத்திலிருந்து பாதுகாக்க தொப்பியை அணிய விரும்புகிறார்கள். ஆனால் நீண்ட நேரம் தொப்பி அணிவது அது உங்களது தலை முடியை சேதப்படுத்தும் என்பது உங்களுக்கு தெரியுமா? இது கேட்பதற்கு உங்களுக்கு ஆச்சரியமாக இருக்கலாம். ஆனால் அதுதான் உண்மை. தவறான முறையில் தொப்பி அணிந்தால் முடி உதிர்தல் ஏற்படுவது மட்டுமின்றி சில சமயங்களில் வழுக்கை விழும் என்று நிபுணர்கள் சொல்லுகிறார்கள். அதை தவிர்க்க என்ன செய்ய வேண்டும் என்பதை இந்த பதிவில் தெரிந்து கொள்ளலாம்.

Hats and Hair Loss

தொப்பி அணிந்தால் முடி உதிர்வது ஏன்?

கோடையில் தொப்பி அணிவது பொதுவானது என்றாலும், தவறான முறையில் தொப்பி அணிவது முடி உதிர்வு மற்றும் வலுக்கை பிரச்சனையை ஏற்படுத்தும். தினமும் முடிகள் உதிர்வது சாதாரணமானது என்றாலும், 100 முடிக்கு மேல் உதிர்ந்தால் நீங்கள் கவனமாக இருக்க வேண்டும். நீங்கள் நீண்ட நேரம் தொப்பி அணிந்தால் முடியில் அதிகப்படியான வியர்வை ஏற்பட்டு, உச்சந்தலையில் பாக்டீரியா தொற்று ஏற்படும். இதனால் முடி வேகமாக உதிர்ந்து விடும். அதுபோல நீங்கள் அழுக்கு தொப்பி அணிந்தாலோ உச்சந்தலையில் தொற்று ஏற்பட்டு, முடி உதிர்வதற்கு வழிவகுக்கும். எனவே நீங்கள் அசுத்தமான தொப்பியும், நீண்ட நேரம் தொப்பி அணிவதையும் தவிர்த்தால் மட்டுமே முடி உதிர்வு பிரச்சனை வராது.

இறுக்கமான தொப்பி அணியாதே!

நீங்கள் தொப்பியை இறுக்கமாக அணிவதையும் தவிர்க்க வேண்டும். மிக இறுக்கமாக தொப்பி அணிந்தால் முடி இழுத்து உடைந்து விடும். தொப்பி இறுக்கமாக அணிவதால் அதிகமாக வியர்த்து முடியில் தொற்று ஏற்படும். கூடுதலாக தலைவலியையும் ஏற்படுத்தும். எனவே உங்களது தலையின் அளவுக்கு ஏற்ப சரியான தொப்பியை மட்டுமே அணியுங்கள். முக்கியமாக, ஆன்லைனில் தொப்பி வாங்குவதை தவிர்க்கவும். ஏனென்றால் ஆன்லைனில் வாங்கும் போது தொப்பியின் அளவு சிறியதாகவோ அல்லது பெரியதாகவோ இருக்கலாம். அதுபோல பிறருடைய தொப்பியை ஒருபோதும் அணியவே கூடாது. இது முடி உதிர்தல் மற்றும் உச்சந்தலையில் தொற்று நோயை ஏற்படுத்தும்.

தொப்பி அணியும் போது நினைவில் கொள்ள வேண்டியவை:

- நீங்கள் அணியும் தொப்பி சுத்தமாக இருக்க வேண்டும் அப்போதுதான் முடி உதிர்தல் ஏற்படாது.

- முடி உதிர்தலை தவிர்க்க கூந்தல் ஈரமாக இருக்கும் போது தொப்பி அணிய வேண்டாம். ஏனெனில் இதனால் முடியில் ஈரப்பதம் தக்கவைக்கப்பட்டு அது வியர்வையுடன் கலந்து முடி உதிர்தலை அதிகரிக்க செய்யும். கூடுதலாக உச்ச தலையில் தொற்று பிரச்சனையை ஏற்படுத்தும்.

- கோடை வெப்பத்திலிருந்து தலைமுடியை பாதுகாக்க விரும்பினால் பருத்தியால் ஆன தொப்பியை பயன்படுத்துங்கள். பருத்தி வெப்பத்தை உறிஞ்சி விடும். இதனால் அதிகம் வியர்க்காது.

- முக்கியமாக நீண்ட நேரம் தொப்பி அணிவதை தவிர்க்க வேண்டும். இல்லையெனில் வியர்வையின் காரணமாக உச்சந்தலையில் பாக்டீரியாக்கள் வளரும்.