- Home
- Lifestyle
- Water Bottle Cleaning: வாட்டர் பாட்டிலில் ஒரே துர்நாற்றமா? 'இந்த' 2 பொருள் போதும்! புதுசு போல ஜொலிக்கும்!
Water Bottle Cleaning: வாட்டர் பாட்டிலில் ஒரே துர்நாற்றமா? 'இந்த' 2 பொருள் போதும்! புதுசு போல ஜொலிக்கும்!
Water Bottle Cleaning: நீங்கள் தினமும் பயன்படுத்தும் வாட்டர் பாட்டிலில் துர்நாற்றம் வீசுகிறதா? வீட்டில் இருக்கும் 2 பொருளை வைத்தே புத்தம் புதுசாக மாற்றலாம். அது குறித்து இந்த செய்தியில் பார்ப்போம்.
Water Bottle Cleaning
இப்போது வாட்டர் பாட்டில்கள் நமது அத்தியாவசிய தேவையாகி விட்டது. அலுவலகம் செல்லும்போதும், பள்ளி, கல்லுரிகள் செல்லும்போதும் ஏன் ஜிம்முக்கு போகும்போதும் நாம் வாட்டர் பாட்டில்களை கையுடன் எடுத்து செல்கிறோம். தினமும் அதிக தண்ணீர் குடிப்பது உடலுக்கு நல்லது தான். ஆனால் தினமும் பயன்படுத்தும் வாட்டர் பாட்டில் சுத்தமாக இருக்க வேண்டியது அவசியமாகும். வாட்டர் பாட்டில்களில் இருந்து ஒருவித கெட்ட வாசனை வருவதை நீங்கள் கவனித்திருக்கிறீர்களா?
பாட்டில்களின் உட்புறம் தொடர்ந்து ஈரப்பதத்துடன் இருப்பதும், அங்கு பாக்டீரியாக்கள் மற்றும் பூஞ்சைகள் பெருகுவதுமே இதற்கு முக்கியக் காரணமாகும். முறையான சுத்தம் இல்லாத பாட்டில்களைப் பயன்படுத்துவது வயிற்று உபாதைகள் உள்ளிட்ட ஆரோக்கியக் கேடுகளுக்கு வழிவகுக்கும். எனவே, பாட்டில்களை எப்படி எளிதாகச் சுத்தம் செய்து, புத்துணர்ச்சியுடன் வைத்திருக்கலாம் என்பதைப் பார்ப்போம்.
இதையும் படிங்க:ஃபிரிட்ஜில் பேக்கிங் சோடா வச்சா இவ்ளோ நடக்குமா? 30 நிமிடத்தில் புத்தம் புதுசாக மாறும் மேஜிக்!
வாட்டர் பாட்டில்களைச் சுத்தம் செய்வதற்கான எளிய வழிகள்
வெந்நீர் மற்றும் சோப் முறை: பாட்டிலில் கொஞ்சம் வெந்நீர் ஊற்றி, பாத்திரம் கழுவும் லிக்விட் அல்லது சோப் சேர்த்து நன்றாகக் குலுக்கவும். பின்னர், பாட்டில்களைக் கழுவும் பிரஷ் (Bottle Brush) கொண்டு உட்புறத்தின் அடிப்பகுதி வரை நன்கு தேய்க்கவும். சோப் வாசனை முற்றிலும் போகும் வரை சுத்தமான நீரால் பலமுறை அலச வேண்டும்.
பேக்கிங் சோடாவின் ஆற்றல்: பாட்டிலில் உள்ள பிடிவாதமான துர்நாற்றத்தைப் போக்க பேக்கிங் சோடா சிறந்த பலன் தரும். ஒரு டீஸ்பூன் பேக்கிங் சோடாவையும், கொஞ்சம் வெந்நீரையும் பாட்டிலில் சேர்த்து, மூடியைப் போட்டு நன்றாகக் குலுக்கி, சிறிது நேரம் அப்படியே ஊற விடவும். பிறகு சாதாரண தண்ணீரால் கழுவினால் கெட்ட வாசனை மாயமாய் மறைந்துவிடும்.
எலுமிச்சை மற்றும் கல் உப்பு: பிளாஸ்டிக் பாட்டில்களில் உள்ள வாசனையை நீக்க எலுமிச்சை சாறு மற்றும் தண்ணீர் ஊற்றி நன்கு குலுக்கலாம். அதேபோல், பாட்டிலில் சிறிதளவு கல் உப்பு மற்றும் கொஞ்சம் தண்ணீர் சேர்த்து தீவிரமாகக் குலுக்கினாலும் பாக்டீரியாக்கள் அழிந்து, துர்நாற்றம் நீங்கும்.
இதையும் படிங்க: வாட்டர் பாட்டிலில் இந்த கோடுகள் ஏன் இருக்கு? இது வெறும் டிசைன் இல்ல, செம இன்ஜினியரிங் ட்ரிக்!
கூடுதல் பாதுகாப்பு வழிமுறைகள்
பாட்டில்களைக் கழுவுவதுடன் மட்டும் நிறுத்திவிடாமல், அவற்றைக் காய வைக்கும் முறையிலும் கவனம் செலுத்த வேண்டும். கழுவி முடித்தவுடன் பாட்டில்களைக் குப்புறக் கவிழ்த்து வைக்காமல், நேராகவோ அல்லது சாய்வாகவோ வைத்து முழுமையாக உலர விட வேண்டும். ஈரப்பதம் பாட்டிலுக்குள் தங்காமல் இருந்தாலே பாக்டீரியாக்கள் உருவாவதைத் தடுக்கலாம்.
அதேபோல், பாட்டிலின் மூடி மற்றும் அதில் இருக்கும் ரப்பர் வளையங்களை (Silicon Rings) தனியாகக் கழற்றிச் சுத்தம் செய்வது மிக அவசியம். ஏனெனில், இந்த இடுக்குகளில்தான் அதிகப்படியான அழுக்கும் பாசியும் சேரும். வாரத்திற்கு ஒருமுறையாவது பாட்டில்களை ஆப்பிள் சைடர் வினிகர் அல்லது சாதாரண வெள்ளை வினிகர் கலந்த நீரில் ஊற வைத்து அலசுவது, கண்ணுக்குத் தெரியாத கிருமிகளை முற்றிலும் அழிக்க உதவும்.
உடல் ஆரோக்கியத்தைக் காக்க, தினசரி பயன்பாட்டில் இருக்கும் வாட்டர் பாட்டில்களை வார இறுதி வரை காத்திருக்காமல், தினமும் ஒருமுறை சோப் மற்றும் வெந்நீர் கொண்டு சுத்தம் செய்வதை வழக்கமாக்கிக் கொள்ளுங்கள்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
