இரும்பு தோசை கல்லிலேயே, நான்ஸ்டிக் தவாவில் சுடுவது போல...மொறுமொறு தோசை சுட அட்டகாசமான டிப்ஸ் இருக்கு..!

How to clean dosa kal in tamil: நான்ஸ்டிக் தவாவில் தோசை சுடுவது போல், இரும்பு தோசை கல்லிலும் மொறு மொறு தோசை சுடலாம். இதனை பற்றிய குறிப்பை தான் நாம் இந்த பதிவில் பார்க்கப்போகிறோம். 

இன்றைய காலத்தில், இரும்பு தோசைக்கல்லை பராமரிக்க முடியாததால், நான்ஸ்டிக் தவா வாங்கி பயன்படுத்துவோர் எண்ணிகை அதிகரித்து காணப்படுகிறது. ஏனெனில், இதன் மூலம், மொறு மொறு தோசை சுட முடியும், இதனை குழந்தைகளுக்கும் விரும்பி சாப்பிடுகிறார்கள். ஆனால், உடல் ஆரோக்கியத்திற்கு, இரும்பு தோசை கல்லில், தோசை வார்ப்பது தான் மிகவும் சிறந்தது. 

அதேபோன்று, விதவிதமாக எந்த பிராண்டுகளில் நீங்கள் நான்ஸ்டிக் தவாக்கள் வாங்கினாலும் ஒரு குறிப்பிட்ட காலத்திற்குப் பிறகு அதை நாம் பயன்படுத்த முடியாமல் போய்விடுகிறது. ஆனால், நம்முடைய தாத்தா, பாட்டி காலத்தில் எல்லாம் இரும்பு தோசை கல்லில் தான் சூப்பராக மொறு மொறு தோசை வார்த்து கொடுத்தார்கள். எனவே, நான்ஸ்டிக் தவாவில் தோசை சுடுவது போல், இரும்பு தோசை கல்லிலும் மொறு மொறு தோசை சுடலாம். இதனை பற்றிய குறிப்பை தான் நாம் இந்த பதிவில் பார்க்கப்போகிறோம்.

இரும்பு தோசை கல் துருப்பிடித்திருக்கும். மேலும், அதன் வழவழப்பு தன்மை குறைந்து தோசை சுத்தமாக தோசை சுட வராது. அதற்கு உங்கள் வீட்டில் மண் அகல் விளக்கை எடுத்துக்கொண்டு, சூடான தோசைக் கல்லில், கரி இருக்கும் இடத்தில் தேய்க்க வேண்டும். இப்படி செய்தால், மொத்த கரியும் துருவும், தூள் தூளாக பேத்துக் கொண்டு வந்துவிடும். இறுதியாக, ஒரு ஸ்டீல் ஸ்க்ரப்பர் நாரை போட்டு, பாத்திரம் தேய்க்கும் சபீனா பவுடரை போட்டு, நன்றாக தேய்த்து, சுத்தப்படுத்தி விடுங்கள்.

இப்போது, ஒரு டேபிள் ஸ்பூன் கல் உப்பை பொடித்து எடுத்துக் கொள்ளுங்கள். ஒரு பெரிய எலுமிச்சையை எடுத்து இரண்டாக வெட்டிக் கொள்ளுங்கள். அரை மூடியை கையில் எடுத்து கல் உப்பை தொட்டு பரபரவென எல்லா இடங்களிலும் படும்படி நன்கு தேய்த்து விடுங்கள். பத்து நிமிடம் கண்டிப்பாக இதை விடாமல் செய்யுங்கள். நீங்கள் தேய்க்கும் பொழுதே துருப்பிடித்த கறை மற்றும் விடாப்பிடியான எண்ணெய் பிசுக்குகள் அனைத்தும் வந்துவிடும். 

அப்படி இல்லையென்றால்,  தோசை கல்லை பயன்படுத்துவதற்கு முன், அடுத்த முறை, ஒரு வெங்காயத்தை பாதியாக வெட்டி, எண்ணெயில் லேசாகத் தொட்டு கல்லில் தேய்க்கவும். கல்லில் ஒட்டிக் கொள்ளாமல் நன்றாக தோசை செய்வதற்கு இது உதவுகிறது.

 புதியதாக நீங்கள் தோசைக்கல் வாங்கினீர்கள் என்றால், அதில் தோசை சுடுவது மிக மிக கஷ்டமான ஒரு விஷயம் தான். அப்போதும் மேலே கொடுக்கப்பட்டுள்ள 
வழி முறையை பயன்படுத்தி கொள்ளுங்கள். பழைய தோசை கல்லில் தோசை சுடுவது போல் தோசை மொறு மொறுவென வரும்.