நீற்றுப்பூசணியின் நிகரில்லாத மருத்துவ நன்மைகள்..!

நீற்றுப்பூசணியில் இருக்கும் மருத்துவ நன்மைகள் குறித்து முழுமையாக காணலாம். 

உடல் ஆரோக்கியத்திற்கு எல்லா சத்துக்களும் இன்றியமையாதவை. நீற்றுப்பூசணியை உண்பதால் போதுமான ஊட்டச்சத்து கிடைக்கும். அதை குறித்து இந்த பதிவில் காணலாம். நீற்றுப் பூசணியில் ரொம்பவே குறைவான கலோரி தான் உள்ளது. நீர்ச்சத்தும் நார்ச்சத்துக்களும் இருப்பதால் செரிமானத்தை இளகுவாக்குகிறது. அதீத பசியை கட்டுக்குள் வைக்கும். 

நீற்றுப்பூசணியில் ஆன்டி ஆக்ஸிடன்கள் அதிகம் உள்ளன. இதனால் நம் உடலில் உள்ள செல்களை ப்ரீ ரேடிக்கலில் இருந்து பாதுகாப்பாக வைக்கிறது. நமக்கு ஏற்படும் அழற்சியை கூட எதிர்த்து போராடும் ஆற்றலை தருகிறது. குறிப்பாக புற்றுநோய் செல்களின் பரவலை தடுக்கவும் இந்த பூசணி உதவுகிறது. 

நீற்றுப்பூசணியை அடிக்கடி உண்பதால் வைட்டமின் பி2 கிடைக்கிறது. நமது கண் பார்வையை கூட அதிகரிக்கும். கண்ணில் உள்ள லென்ஸ் பாதிப்பை தடுப்பதில் நல்ல பங்காற்றுகிறது. இதில் இரும்புச்சத்து அதிகம் காணப்படுகிறது. மூளைக்கு போதுமான ஆக்சிஜன் வழங்கி நன்கு செயல்பட வைக்கிறது நீற்றுப்பூசணி. 

இதையும் படிங்க:  கைக்குழந்தை ஏங்கி ஏங்கி அழுகிறதா? ரொம்ப நேரம் அழுகையை நிறுத்தலன்னா இதுதான் காரணம்.. என்ன செய்யணும் தெரியுமா?

இந்த பூசணியை சாப்பிடும்போது வைட்டமின் சி சத்து கிடைக்கிறது. இந்த வைட்டமின் தான் நோயெதிர்ப்பு சக்தியை அதிகரிக்க வைப்பதில் உதவுகிறது. நமக்கு ஒருநாளில் கிடைக்க வேண்டிய வைட்டமின் சி அளவில் 19 விழுக்காட்டை நீற்றுப்பூசணியால் தர முடியும் என கூறப்படுகிறது. 

ஒற்றைத் தலைவலியை குறைக்க நீற்றுப்பூசணி உதவுகிறது. ரைபோஃப்ளவின் தேவையை 8% வரை இந்த பூசணியால் பூர்த்தி செய்ய முடியும். இந்த பூசணி நோயெதிர்ப்பு சக்தியை அதிகரிப்பதால் சளி, காய்ச்சல் ஆகிய பிரச்சனைகளில் இருந்து தற்காத்து கொள்ள உதவுகிறது. நார்ச்சத்து அதிகம் காணப்படுவதால் வயிறு நிரம்பிய உணர்வை தரும். செரிமானமும் எளிதாகும். உடல் எடையை குறைப்பவர்கள் கட்டாயம் உண்ண வேண்டிய காய். 

இதையும் படிங்க: வெறும் வயிற்றில் தினமும் துளசி சாறு.. சர்க்கரை நோய் கட்டுக்குள் இருக்க துளசியை இப்படி யூஸ் பண்ணனும்..