இந்த அற்புத சக்தி பற்றி தெரிந்தால் போதும்..இனி எலுமிச்சம் பழத்தோலை தூக்கி குப்பையில் போட மாட்டீர்கள்..
Lemon peel: எலுமிச்சை பழத்தின் சாறு பல்வேறு பல்வேறு விதங்களில் பயன்படுத்தியிருக்கலாம், அவற்றின் தோலை இனி தூக்கி குப்பையில் எறியாமல் இந்த வழிமுறைகளில் பயன்படுத்தி பாருங்கள்.
நம் எல்லோருடைய வீடுகளிலும் சமையலில் அவ்வப்போது பயன்படுத்தப்படும் பழ வகைகளில் ஒன்று எலுமிச்சை பழங்கள். இது தோல், முடி மற்றும் நம் வயிற்றின் ஆரோக்கியத்திற்கு மிகவும் பயனுள்ளதாக இருக்கும். பழங்காலம் முதலே பல மருத்துவ சிகிச்சைகளுக்கும் இந்த எலுமிச்சை பயன்படுத்தப்பட்டிருக்கின்றன. குறிப்பாக, இதன் எலுமிச்சம் பழச்சாறு அதிகம் பயன்படுத்தப்பட்டது.
அப்படி, இந்த எலுமிச்சை பழத்தை நீங்கள் பல வழிகளில் பயன்படுத்தியிருக்கலாம், அவற்றின் தோலை நீங்கள் பயன்படுத்தியது உண்டா..? எனவே, நீங்கள் எலுமிச்சம் பழத்தோல்களை எப்படிப் பயன்படுத்தலாம் மற்றும் அதில் எவ்வளவு நன்மைகள் உள்ளது என்பதை பார்ப்போம்.
எலுமிச்சை பழத்தோல்களின் நன்மைகள்:
வைட்டமின்கள், நார்ச்சத்து, பொட்டாசியம், மெக்னீசியம் மற்றும் கால்சியம் போன்ற முக்கிய ஊட்டச்சத்துக்கள் எலுமிச்சை பழத்தோல்களில் காணப்படுகின்றன. இது நம் உடலுக்கு பல வழிகளில் நன்மை பயக்கும்.
எலுமிச்சை தோல் ஒவ்வாமைகளைச் சமாளிக்க உதவுகிறது, நமது நோயெதிர்ப்பு மண்டலத்தை வலுப்படுத்துகிறது. பல்வேறு புற்றுநோய்களின் உருவாக்கம் மற்றும் வளர்ச்சியை தடுக்கிறது. எலுமிச்சையில் உள்ள ஆன்டி-ஆக்ஸிடன்ட்கள் சோர்வை நீக்கி புத்துணர்வு அளிக்கிறது. எலுமிச்சை தோல் அழற்சி எதிர்ப்பு பண்புகள் உள்ளன மற்றும் இதய நோய்கள் வராமல் தடுக்கிறது.
எலுமிச்சை பழத்தோல்களை எவ்வாறு பயன்படுத்துவது..?
1. எலுமிச்சை பழத்தோலை அரைத்து ஆலிவ் எண்ணெயுடன் கலந்து அதன் மூலம் பல ரேசிபிகளை நீங்கள் தயார் செய்யலாம்.
2. எலுமிச்சை தோலை அரைத்து முகத்தில் தடவினால், முகம் பளபளன்னு இருக்கும். வேண்டும் என்றால், எலுமிச்சம்பழத் தோலைத் தேனில் போட்டு, முகத்தை சுத்தம் செய்யலாம்.
3. எலுமிச்சம் பழத்தோலைத் தேய்த்த பிறகு, மிக்ஸியில் நன்கு அரைத்து அதை பிரெட் ஸ்ப்ரெடாக பயன்படுத்திக் கொள்ளலாம்.
4. நீங்கள் சமையலறையை சுத்தம் செய்ய விரும்பினால், எலுமிச்சை பழத்தோல்களில் பாதியில் பேக்கிங் சோடாவைத் தடவி கேஸ் மற்றும் ஸ்லாப்பை சுத்தம் செய்துக் கொள்ளலாம்.
5. மழைக்காலத்தில் பூச்சிகள் உடலில் அதிகம் ஒட்டிக்கொண்டால், எலுமிச்சைத் தோலை உடலில் தேய்க்கவும்.
6. சமையலறையின் மூலையில் துர்நாற்றம் வீசினால், எலுமிச்சைத் தோலை அங்கே வைத்தால், துர்நாற்றம் மறைந்துவிடும்.
சேனலை கிளிக் செய்து பின்தொடரவும்
