வாழைப்பழம் நல்லதுனு நினைச்சுருப்பீங்க.. ஆனா சில நேரம் சளி பிடிக்கும் தெரியுமா?

கிட்டத்தட்ட எல்லோரும் விரும்பி சாப்பிடும் பழங்களில் வாழைப்பழம் முதல் வரிசையில் இருக்கும். வாழைப்பழத்தில் எக்கச்சக்கமான சத்துக்கள் நிறைந்துள்ளன. அதுமட்டுமின்றி, காலம் பார்க்காமல் ஆண்டு முழுவதும் கிடைக்கக்கூடியவை. பழமாக மட்டுமல்லாமல், பச்சை வாழைக்காயையும் கூட கறி, சிப்ஸ் என பல வகைகளில் சாப்பிடலாம். நமக்கு பல நன்மைகளைத் தரும் இந்த வாழைப்பழத்தைப் பற்றியும் சில தவறான எண்ணங்கள் உள்ளன. அவற்றில் முதன்மையானது வாழைப்பழம் சாப்பிட்டால் சளி பிடிக்கும் என்பது.

வாழைப்பழம் சாப்பிடுவதால் சளி, இருமல் போன்ற பிரச்சனைகள் வருமென்று நம்பப்படுகிறது. குழந்தைகளுக்கு சிறிது சளி பிடித்தாலும் வாழைப்பழம் கொடுக்க மாட்டார்கள். இதில் எவ்வளவு உண்மை? உண்மையில் வாழைப்பழம் சாப்பிட்டால் சளி பிடிக்குமா? இது குறித்து நிபுணர்கள் என்ன சொல்கிறார்கள் என்று தெரிந்து கொள்வோம்…

இதையும் படிங்க: மஞ்சள் நிற பல்லை வெண்மையாக்கும் வாழைப்பழத் தோல்; ரகசியம் இதுதான்!!

வாழைப்பழம் சாப்பிடுவதால் இருமல், சளி வருமா?

நிபுணர்களின் கூற்றுப்படி, சளி, இருமல் நம்மைச் சுற்றியுள்ள காற்றில் உள்ள வைரஸ்களால் வருகிறது, வாழைப்பழத்தால் அல்ல. சுற்றுச்சூழலில் உள்ள வைரஸால் வரும் சளிக்கு வாழைப்பழத்தை காரணம் காட்டக்கூடாது. மேலும், வாழைப்பழம் சாப்பிடுவதால் சளி பிடிக்காது.

ஆனால், சளி இருக்கும்போது வாழைப்பழம் சாப்பிடாமல் இருப்பது நல்லது. ஏனெனில், சளி, இருமல் இருக்கும்போது வாழைப்பழம் சாப்பிடுவது சளியின் உற்பத்தியை அதிகரிக்கும். ஆஸ்துமா, அலர்ஜி உள்ளவர்கள் இதை சாப்பிடுவதால் ஒவ்வாமை ஏற்படலாம். அதுவும் மிகக் குறைவாகவே இருக்கும்.

சளி பிடித்திருக்கும் போது வாழைப்பழம் சாப்பிட்டாலும், அது பெரிய அளவில் உடல்நலப் பிரச்சினைகளை ஏற்படுத்தாது. ஆனால், ஒன்றும் ஆகாது என்று அதிகமாக சாப்பிடக்கூடாது. மேலும், இந்த பழத்தால் நமக்கு எந்தவிதமான தீங்கும் ஏற்படாது. ஏராளமான சத்துக்கள் நிறைந்த இந்த பழத்தை சாப்பிடுவது நம் ஆரோக்கியத்திற்கு மிகவும் நல்லது. வாழைப்பழத்தில் மெக்னீசியம், நார்ச்சத்து போன்ற அத்தியாவசிய சத்துக்கள் நிறைந்துள்ளன. இவை ஆற்றலை அதிகரிக்கவும், செரிமானத்திற்கும் உதவுகின்றன.

சளி, இருமல் பிரச்சனைகளைக் குறைக்க எந்த மாதிரியான உணவுகளை எடுத்துக்கொள்ள வேண்டும்?

சளி, இருமல் போன்ற பிரச்சனைகளைக் குறைக்க உணவே நமக்கு உதவும். உங்கள் உணவில் பூண்டு, மஞ்சள், துளசி, பாதாம், நெல்லிக்காய், எலுமிச்சை, சர்க்கரைவள்ளிக்கிழங்கு போன்றவற்றை சேர்த்துக்கொள்ள வேண்டும். இந்த உணவுகளில் தேவையான வைட்டமின்கள், சத்துக்கள் நிறைந்துள்ளன, குறிப்பாக குளிர்காலத்தில் ஆண்டு முழுவதும் ஆரோக்கியமாக இருக்க உதவும்.

இதையும் படிங்க:  வாழைப்பழம் ஆரோக்கியம் தான்.. ஆனா அதோடு 'இந்த' உணவுகளை சாப்பிட்டால் ஆபத்து!!