Cold Water: கூல் வாட்டர் குடிச்சா சளி பிடிக்குமா? டாக்டர்ஸ் சொல்ற இந்த உண்மையை தெரிஞ்சிக்கோங்க!

Cold Water: மழைக்காலம் வந்தாலே போதும், நம்மில் பலர் ஃபிரிட்ஜில் தண்ணீர் வைப்பதையே நிறுத்திவிடுவோம். கூல் வாட்டர் குடித்தால் சளி பிடிக்கும் என்று ஒரு பரவலான நம்பிக்கை இருக்கிறது. அதில் எவ்வளவு உண்மை இருக்கிறது என்று விரிவாக பார்க்கலாம்.

Image Credit : ai

சளி ஏன் வருகிறது?

சாதாரண சளி என்பது ஒரு வைரஸ் தொற்று. இது முக்கியமாக மூக்கு, தொண்டை, மேல் சுவாசப் பாதையை பாதிக்கிறது. 200-க்கும் மேற்பட்ட வைரஸ்கள் சளிக்குக் காரணம் என்று நிபுணர்கள் சொல்கிறார்கள். இவற்றில் முக்கியமானது Rhinovirus. சளி பிடித்தால் மூக்கு ஒழுகுதல், தும்மல், தொண்டை வலி, மூக்கடைப்பு, இருமல் போன்ற அறிகுறிகள் தென்படும். இது வைரஸ் தொற்றால்தான் வருகிறது.

Image Credit : Gemini AI

குளிர்ந்த நீர் குடித்தால் சளி பிடிக்குமா?

குளிர்ந்த நீர் குடிப்பதால் நேரடியாக சளி பிடிக்காது என்று மருத்துவ நிபுணர்கள் தெளிவாகக் கூறுகின்றனர். நிபுணர்களின்படி, சாதாரண சளிக்கு முக்கிய காரணம் வைரஸ் தொற்றுதான். எனவே, ஆரோக்கியமாக இருக்கும் நபர்கள் தங்களுக்குப் பிடித்த வெப்பநிலையில் நீரைப் பருகலாம். குளிர்ந்த நீர் குடிப்பதால்தான் சளி வருகிறது என்பதற்கு சரியான அறிவியல் ஆதாரங்கள் இல்லை.

Image Credit : Gemini AI

அப்படியானால் குளிர்ந்த நீரால் வேறு பிரச்சனைகள் வருமா?

மிகவும் குளிர்ந்த நீரைக் குடிக்கும்போது சிலருக்கு தொண்டையில் அசௌகரியம் ஏற்படலாம். தொண்டை வலி, கரகரப்பு, சென்சிட்டிவிட்டி அதிகரிப்பது போன்ற பிரச்சனைகள் வரலாம். ஏற்கெனவே தொண்டையில் தொற்று அல்லது அலர்ஜி உள்ளவர்களுக்கு, குளிர்ந்த நீர் அந்தப் பிரச்சனையை இன்னும் அதிகமாக்க வாய்ப்புள்ளது. ஆனால், இதை சளிக்கு நேரடிக் காரணம் என்று சொல்ல முடியாது. அதாவது, கூல் வாட்டர் குடித்த உடனேயே சளி பிடித்தால், அது தண்ணீரால் வந்தது என்று நினைக்கத் தேவையில்லை. உங்கள் உடலில் ஏற்கெனவே அந்த வைரஸ் இருந்திருக்கலாம்.

Image Credit : Gemini AI

சளி பிடிக்காமல் தடுப்பது எப்படி?

சளியில் இருந்து தப்பிக்க, குளிர்ந்த நீரைத் தவிர்ப்பதை விட, வைரஸ் பரவாமல் தடுப்பதில் கவனம் செலுத்துவதுதான் முக்கியம். சாப்பிடுவதற்கு முன்பும் பின்பும் கைகளைச் சுத்தமாகக் கழுவ வேண்டும். சளி, இருமல் உள்ளவர்களிடம் இருந்து சற்று தள்ளியே இருங்கள். போதுமான அளவு தூக்கம், சத்தான சமச்சீர் உணவு அவசியம். தனிப்பட்ட சுகாதாரத்தைப் பேணுங்கள், அடிக்கடி முகம், மூக்கு, கண்களைக் கைகளால் தொடாதீர்கள். இந்த முன்னெச்சரிக்கைகள் மூலம் வைரஸ் தொற்று அபாயத்தைக் குறைக்கலாம்.

Image Credit : Gemini AI

இந்த அறிகுறிகள் இருந்தால் மருத்துவரை அணுகவும்

சாதாரண சளி சில நாட்களில் தானாகவே குணமாகிவிடும். ஆனால், சளியுடன் கடுமையான காய்ச்சல், மூச்சு விடுவதில் சிரமம், நீண்ட நாட்களாக இருமல் போன்ற அறிகுறிகள் இருந்தால் அலட்சியப்படுத்த வேண்டாம். அறிகுறிகள் நீண்ட காலம் தொடர்ந்தாலோ அல்லது உடல்நிலை மோசமானாலோ மருத்துவரைச் சந்திப்பது நல்லது.

சுருக்கமாகச் சொன்னால், குளிர்ந்த நீர் குடிப்பதால் நேரடியாக சளி வராது. வைரஸ் தொற்றுதான் முக்கிய காரணம். ஆனால், தொண்டை சென்சிட்டிவிட்டி உள்ளவர்களுக்கு குளிர்ந்த நீர் அசௌகரியத்தை ஏற்படுத்தலாம். எனவே, உங்கள் உடலுக்கு ஏற்ற வெப்பநிலையில் நீரைப் பருகுவது நல்லது.