Car AC: சுட்டெரிக்கும் வெயில்.! கோடையில் உங்க கார் ஏசி கூலிங் கம்மியா இருக்கா? இந்த 5 டிப்ஸ் ஃபாலோ பண்ணுங்க.!

Car AC Cooling Tips in Tamil : கோடை காலத்தில் கார் ஏசியின் செயல்திறனை அதிகரிக்க உதவும் 5 எளிய டிப்ஸ் இங்கே உள்ளன. இந்த அனல் பறக்கும் வெயிலில் பயணம் செய்பவர்கள் இந்த டிப்ஸை ஃபாலோ செய்தால், பயணத்தை ஜில்லாக மாற்றுவதோடு, எரிபொருளையும் சேமிக்கலாம்.

Image Credit : Gemini AI

உங்க காரை இன்னும் ஜில்லாக்கும் ஏசி டிப்ஸ்

இந்தியாவில் வெயில் சுட்டெரிக்கிறது. தமிழ்நாட்டில் பல மாவட்டங்களில் 45 டிகிரிக்கு மேல் வெப்பநிலை பதிவாகிறது. இந்த மாதிரி நேரத்தில் பயணம் செய்வது பெரும் சிரமம். அதிலும் கார் ஏசி சரியாக வேலை செய்யவில்லை என்றால், பயணம் நரகமாகிவிடும். ஆனால், கார் பயணத்தின்போது பலர் சில எளிய விஷயங்களைக் கண்டுகொள்வதில்லை. இதனால் ஏசி கூலிங் குறைந்து, காரின் மீது கூடுதல் சுமை ஏற்படுகிறது. இந்த ஐந்து டிப்ஸை ஃபாலோ செய்தால், உங்கள் கார் ஏசியின் செயல்திறனை எளிதாக மேம்படுத்தலாம்.

Image Credit : Gemini AI

சூடான காற்றை வெளியே அனுப்புங்கள்

காரை வெயிலில் பார்க் செய்யும்போது, உள்ளே சூடான காற்று நிரம்பிவிடும். இந்த மாதிரி நேரத்தில், காரை ஸ்டார்ட் செய்வதற்கு முன் ஒரு நிமிடம் கதவுகளையும் ஜன்னல்களையும் திறந்து வையுங்கள். இதனால் உள்ளே இருக்கும் சூடான காற்று வெளியேறிவிடும். பிறகு காரை ஸ்டார்ட் செய்து ஏசி போட்டால், கேபின் சீக்கிரமாக ஜில்லாகிவிடும்.

Image Credit : Asianet News

கார் ஸ்டார்ட் செய்தவுடன் ஏசி போடாதீர்கள்

காரை ஸ்டார்ட் செய்தவுடனேயே ஏசியை ஆன் செய்து ஃபுல் கூலிங்கில் வைக்கக்கூடாது. முதலில் காரை சிறிது தூரம் ஓட்டுங்கள். கொஞ்ச தூரம் சென்ற பிறகு ஏசியை ஆன் செய்யுங்கள். ஏனென்றால், இன்ஜின் இயங்கும்போது ஏசி கம்ப்ரஸர் திறமையாக வேலை செய்து, கேபினை விரைவாக குளிர்விக்கும். சிஸ்டத்தில் ஓவர்லோட் ஆகாமல் இருக்க, மெதுவாக வெப்பநிலையைக் குறைத்து வாருங்கள்.

Image Credit : Asianet News

ரீசர்குலேஷன் மோடை சரியாகப் பயன்படுத்துங்கள்

காரில் உள்ள ரீசர்குலேஷன் மோடை ஆன் செய்யுங்கள். இது வெளிப்பக்க சூடான காற்று உள்ளே வராமல், கேபினில் உள்ள காற்றையே மீண்டும் மீண்டும் குளிர்விக்கும். இதனால் கேபின் சீக்கிரமாக கூல் ஆகும். ஆனால், நீண்ட தூர பயணங்களில் இதைத் தொடர்ந்து பயன்படுத்த வேண்டாம். ஏனெனில் உள்ளே காற்றின் தரம் குறைய வாய்ப்புள்ளது. அவ்வப்போது வெளிக்காற்று உள்ளே வரும்படி ரீசர்குலேஷன் மோடை மாற்றி அமைக்க வேண்டும்.

Image Credit : Asianet News

உங்கள் ஏசியை ரெகுலராக சர்வீஸ் செய்யுங்கள்

இந்த கோடைக்காலத்தில் ஏசி சரியாக வேலை செய்வது ரொம்ப முக்கியம். இதற்காக, ஏர் ஃபில்டரை சுத்தமாக வைத்திருக்க வேண்டும், கேஸ் அளவை சரிபார்க்க வேண்டும், மற்றும் லீக் எதுவும் இல்லை என்பதை உறுதி செய்ய வேண்டும். ரெகுலர் சர்வீஸ் செய்தால் ஏசியின் செயல்திறன் சிறப்பாக இருக்கும்.

Image Credit : Asianet News

சரியான இடத்தில் பார்க் செய்யுங்கள்

முடிந்தவரை உங்கள் காரை நிழலான இடத்தில் பார்க் செய்யுங்கள். இது காருக்குள் இருக்கும் வெப்பநிலையைக் குறைக்க உதவும். அப்போது ஏசியின் மீது அதிக சுமை ஏற்படாது, குறைந்த நேரத்திலேயே கார் ஜில்லாகிவிடும். சுட்டெரிக்கும் வெயிலிலும் ஜாலியாகப் பயணிக்கலாம். இந்த சிம்பிள் டிப்ஸை ஃபாலோ செய்தால், கோடையில் உங்கள் கார் ஜில்லாக இருக்கும். மேலும், ஏசியை கவனமாகப் பயன்படுத்துவதால் எரிபொருள் மிச்சமாகும், பணமும் சேமிக்கப்படும், ஏசியின் ஆயுளும் அதிகரிக்கும்.