கோவக்காய் சர்க்கரை நோய்க்கு நல்லதுனு சொல்வாங்க.. ஆனா 'தினமும்' சாப்பிடக் கூடாது தெரியுமா? 

கோவக்காய் சாப்பிடுவது உடல் நலத்திற்கு பல்வேறு நன்மைகளை தரும். அதிலும் சர்க்கரை நோய் உள்ளவர்கள் அடிக்கடி கோவக்காய் உண்பதால் அவர்களுடைய சர்க்கரை அளவு கட்டுப்பாட்டுக்குள் இருக்கும் என சொல்லப்படுகிறது. இந்த காயில் உள்ள ஆன்டிஆக்ஸிடன்ட்கள், வைட்டமின் சி போன்றவை உடலுக்கு நோய் எதிர்ப்பு ஆற்றலை வழங்கும்.  

இதில் மருத்துவ நன்மைகள் அதிகமாக காணப்பட்டாலும், நாள்தோறும் கோவக்காய் என்பது உடலுக்கு நல்லது இல்லை என நிபுணர்கள் தெரிவிக்கின்றனர். ஏற்கனவே செரிமானம், மூளையில் ஏதேனும் பிரச்சனை இருப்பவர்கள் கோவக்காய் தினமும் உண்ணக் கூடாது. இதனால்  மூளையில் பாதிப்பு உண்டாகும். 

கோவக்காய் மட்டுமின்றி அதனுடைய இலைகள், தண்டு, வேர், காய், கனி போன்றவையும் மருத்துவ பயன்களை தன்னகத்தே கொண்டுள்ளன. கோவக்காய் இலைகள் தோல் அரிப்பு, கொப்புளங்கள், வேர்க்குரு, தோல் வெடிப்புகளை அகற்ற கோவக்காயின் இலைகளை பயன்படுத்தலாம்.  வெறும் தோல் நோய்கள் மட்டுமல்ல காய்ச்சல், மஞ்சள் காமாலை ஆகிய நோய்களுக்கும் கோவக்காய் நல்லது. 

கோவக்காயின் இலைகளையும், தண்டினையும் கஷாயம் செய்து குடித்தால் மார்புச்சளி, சுவாசக்குழாய் அடைப்பு போன்ற நோய்களுக்கு நல்லது. பித்தம், வயிற்றில் உள்ள பூச்சி போன்றவை குணமாக கோவக்காய் நல்ல மருந்தாக இருக்கும். கோவக்காய் இலைகளை பறித்து அதனை நன்கு மையாக அரைத்து அத்துடன் வெண்ணெய் ஏதேனும் மோதி அடிபட்டதால் ஏற்பட்ட காயங்கள், புண்கள், தோல் நோய்கள் குணமாக பயன்படுத்தலாம். 

இவை ஒரு புறமிருக்க சர்க்கரை நோயாளிகளின் ரத்தத்தில் உள்ள சர்க்கரை அளவை கட்டுப்படுத்த கோவக்காய் பயன்படும் என நிரூபணமாகியுள்ளது. சர்க்கரை நோயாளிகள் கோவக்காய் சாப்பிடுவதால் நல்ல பலன்களை பெறலாம். கோவக்காய் போலவே அதன் இலைகளும் சர்க்கரை நோயாளிகளுக்கு அற்புத மருந்தாக உள்ளது. சர்க்கரை நோய் இல்லாதவர்கள்  சர்க்கரையை அளவை கட்டுக்குள் வைக்கவும் உதவும். 

சர்க்கரை நோய்க்கு கோவக்காய் எந்த வகையில் நல்லது? 

கோவக்காய் உண்பது இரத்த சர்க்கரை அளவைக் கட்டுப்படுத்தும். இதிலுள்ள நார்ச்சத்து, ஆக்ஸிஜனேற்றங்கள் குளுக்கோஸ் உறிஞ்சுதலை மெதுவாக்க உதவும். இன்சுலின் உணர்திறனை மேம்படுத்தி இரத்த சர்க்கரை அளவை குறைக்கிறது. உடலில் உள்ள குளுக்கோஸ் சகிப்புத்தன்மையை குறைக்கும். அடிக்கடி சாப்பிட்டு வந்தால் இரத்த குளுக்கோஸ் அளவைக் குறைக்கும். நாள்தோறும் சாப்பிடாமல் வாரத்தில் மூன்று அல்லது நான்கு நாட்கள் சாப்பிட்டால் நல்லது. 

கோவக்காய் சத்துகள்: 

சுமார் 100 கிராம் கோவக்காயில் 20 கலோரிகள் உள்ளன. நார்ச்சத்து 2.5 கிராமும், புரதம் 1.2 கிராமும் காணப்படுகிறது. தினசரி தேவையில் வைட்டமின் சி 20% வரை கோவக்காயில் கிடைக்கும். தினசரி தேவையில் பொட்டாசியம் 10%  வரை கிடைக்கும். 

இதையும் படிங்க:  சர்க்கரை நோயாளிகள் சிக்கன் சாப்பிடலாமா.. கூடாதா..? அப்படி சாப்பிட்டால் என்ன ஆகும்?

மற்ற பயன்கள்: 

கோவக்காய் ஆக்ஸிஜனேற்றங்கள் நிறைந்த காய் ஆகும். இது நம் உடலை ஆக்ஸிஜனேற்ற அழுத்தம், வீக்கம் போன்றவற்றில் இருந்து பாதுகாக்கும். இந்த காயில் அழற்சி எதிர்ப்பு பண்புகள் அதிகமுள்ளது. இதனால் கீல்வாதம், மூட்டு வலிக்கு விரைவில் குணமாகும்.

கோவக்காயில் உள்ள நார்ச்சத்து செரிமான ஆரோக்கியத்திற்கு உதவும். கோவக்காய் குடலில் உள்ள நல்ல பாக்டீரியாவை ஊக்குவிக்கும். அதனால்  மலச்சிக்கல் குணமாகும்.  

கோவக்காயில் உள்ள வைட்டமின் சி சத்தானது நோயெதிர்ப்பு அமைப்பை மேம்படுத்தும். புற்றுநோய் எதிர்ப்பு பண்புகள் கொண்டுள்ள கோவக்காயை சாப்பிடுவதால் புற்றுநோய் செல் வளர்ச்சியை  தடுக்க உதவுகிறது.

இதையும் படிங்க:  இந்த '5' உணவுகள் போதும்; சுகர் ஏறவே ஏறாது.. நோட் பண்ணிக்கோங்க!