குளிர்காலத்தில் உடல் எடையை குறைக்க மட்டுமல்ல, செரிமானத்திற்கும் உதவும் அற்புதமான பழங்கள்..

குளிர் காலத்தில் வளர்சிதை மாற்றம் இயற்கையாகவே வேகமடைவதால், அதிக கலோரிகளை எரிக்க முடியும் என்பதால், உடல் எடையை குறைக்க குளிர்காலம் சிறந்த காலமாக கருதப்படுகிறது. கோடைக்காலத்தைப் போலல்லாமல், குளிர்காலத்தில் நீங்கள் நீண்ட நேரம் உடற்பயிற்சி செய்ய முடியும், மேலும் இது உங்கள் எடை இழப்பு இலக்குகளுக்கு ஆதரவாக செயல்படும். இருப்பினும், குளிர் காலநிலை உங்களை சோம்பலாக மாற்றும். ஏதேனும் சூடாக சுவையாக சாப்பிட வேண்டும் என்பதால் உங்களுக்கு பிடித்த உணவுகளை சாப்பிடலாம்.

உங்கள் உணவில் சரியான உணவுகளைச் சேர்ப்பதன் மூலம், உங்களை பசி உணர்வு இல்லாமல் வைத்திருப்பதோடு, உங்களை உற்சாகப்படுத்தவும் முடியும். உங்கள் உணவில் மிகவும் தேவையான நார்ச்சத்து மற்றும் அத்தியாவசிய வைட்டமின்கள் மற்றும் தாதுக்களை சேர்க்க பழங்களை சாப்பிடுவது ஆரோக்கியமான வழியாகும். குறைந்த கலோரி கொண்ட உணவாக  இருப்பதால், பழங்கள் பசியைத் தணிக்கவும் உங்கள் எடை இழப்பு பயணத்திற்கு ஆதரவாகவும் உதவும். பழங்களில் பழங்களில் அதிகளவு ஆண்டி ஆக்ஸிடண்ட்கள் இருப்பதால் குளிர்கால நோய்களுக்கு எதிராக நோய் எதிர்ப்பு சக்தியை அதிகரிக்க உதவும். எனவே  குளிர்காலத்தில் எடை இழப்புக்கு உதவும் சிறந்த பழங்கள் குறித்து இந்த பதிவில் பார்க்கலாம்.

ஆப்பிள்

ஆப்பிள்கள் பல்வேறு ஊட்டச்சத்துகள் மற்றும் நார்ச்சத்து நிறைந்த பழங்கள், அவை செரிமானத்திற்கு உதவுவதோடு வயிறு நிரம்பி உள்ளது என்ற முழுமை உணர்வை ஊக்குவிக்கும். அவற்றின் இயற்கையான இனிப்பு பசியை திருப்திப்படுத்துகிறது, எனவே இது உடல் எடையை குறைக்க விரும்புபவர்களுக்கு சிறந்த சிற்றுண்டித் தேர்வாக அமைகிறது. தவறாமல் ஆப்பிளை தினமும் சாப்பிடுங்கள்..

பெர்ரி

ஆன்டிஆக்ஸிடன்ட்கள் நிரம்பிய, ஸ்ட்ராபெர்ரிகள் மற்றும் ராஸ்பெர்ரி போன்ற பெர்ரி பழங்களில் குறைந்த கலோரிகள் உள்ளன. பல்வேறு ஊட்டச்சத்துக்கள் மற்றும் பைட்டோ கெமிக்கல்களின் களஞ்சியமான பெர்ரி ஆரோக்கியத்தை மேம்படுத்துவதுடன் பல்வேறு நாள்பட்ட நோய்களைத் தடுக்கிறது. பெர்ரிக்களை சாப்பிடுவதால் அடிக்கடி பசி ஏற்படும் உணர்வை தடுக்கலாம்..

பேரிக்காய்

நார்ச்சத்து அதிகம் உள்ள பேரிக்காய், செரிமானத்தை மேம்படுத்தவும், பசியைக் கட்டுப்படுத்தவும் உதவுகிறது. அவற்றின் குறைந்த கலோரி உள்ளடக்கம் எடையை குறைக்க விரும்பும் நபர்களுக்கு சிறந்த தேர்வாகும். இது அவர்களின் உணவில் ஆரோக்கியமான சமநிலையை பராமரிக்க சிறந்த தேர்வாக அமைகிறது.

திராட்சைப்பழம்

வளர்சிதை மாற்றத்தை அதிகரிக்கும் பண்புகளுக்கு பெயர் பெற்ற திராட்சைப்பழம் எடை குறைக்க வேண்டும் என்று விரும்புவோருக்கு ஒரு சிறந்த தேர்வாகும். திராட்சையில் என்சைம்கள், ஆன்டிஆக்ஸிடன்ட்களின் தனித்துவமான கலவையானது இன்சுலின் அளவைக் குறைக்க உதவுகிறது மற்றும் கொழுப்பை மிகவும் திறமையாக எரிக்க உடலை ஊக்குவிக்கிறது.

ஆரஞ்சு

வைட்டமின் சி மற்றும் நார்ச்சத்து நிறைந்த ஆரஞ்சுகள் புத்துணர்ச்சி அளிப்பது மட்டுமல்லாமல் ஆரோக்கியமான எடை இழப்பு பயணத்திற்கும் பங்களிக்கின்றன. அதில் உள்ள ஃபைபர் உள்ளடக்கம் செரிமானத்திற்கு உதவுகிறது, அதே நேரத்தில் வைட்டமின் சி குளிர்கால மாதங்களில் நோய் எதிர்ப்பு சக்தியை ஆதரிக்கிறது.

கிவி

ஊட்டச்சத்துக்கள் மற்றும் குறைந்த கலோரிகள் கொண்ட கிவி வைட்டமின் சி, வைட்டமின் கே மற்றும் உணவு நார்ச்சத்து ஆகியவற்றிய மையமாக உள்ளது. எனவே உடல் எடையை குறைக்க விரும்புவோருக்கு மற்றொரு சிறந்த தேர்வு தான் இந்த கிவி.

மாதுளை

ஆன்டிஆக்ஸிடன்ட்கள் மட்டுமின்றி பல்வேறு ஊட்டச்சத்துகள் நிறைந்துள்ள மாதுளை, எடையை குறைக்க உதவுகிறது. இது எடை இழப்புக்கு பங்களிப்பது மட்டுமல்லாமல், ஒட்டுமொத்த ஆரோக்கியத்திற்கு இன்றியமையாத வைட்டமின்கள், தாதுக்கள் மற்றும் ஆக்ஸிஜனேற்றங்களையும் வழங்குகின்றன.