காதல் மெசேஜ் முதல் டூ டேட்டிங் வரை… எல்லாவற்றுக்கும் ஏ.ஐ: இந்திய நகரங்களில் அதிகரிக்கும் புதிய கலாசாரம்!

இந்தியாவில் காதல் மற்றும் டேட்டிங் சூழலில் ஏ.ஐ பயன்பாடு அதிகரித்து வரும் நிலையில் டெல்லியில் 55% பேர் தங்களுக்குப் பிடித்தவரைக் கவரவும், உரையாடல்களை மேம்படுத்தவும் ஏ.ஐ-யைப் பயன்படுத்துகின்றனர்.

Image Credit : Gemini

டேட்டிங்கில் ஏ.ஐ பயன்பாடு

ஏ.ஐ தற்போது காதல் மற்றும் டேட்டிங் உலகிலும் தடம் பதித்துள்ளது. மக்கள் தங்களின் காதல் வாழ்க்கையை மேம்படுத்த ஏஐ-ஐ எவ்வாறு பயன்படுத்துகிறார்கள் என்பது மிகவும் சுவாரஸ்யமான ஒன்றாக மாறியுள்ளது. சமீபத்திய ஆய்வின்படி, டேட்டிங்கில் எதிர்தரப்பினரைக் கவரும் முறைகளை (Seduction techniques) மேம்படுத்த ஏஐ-ஐப் பயன்படுத்துவதில் டெல்லி, மும்பை மற்றும் ஐதராபாத் ஆகிய நகரங்கள். முன்னணியில் உள்ளன.

உங்களுக்குப் பிடித்த ஒருவரிடம் எப்படிப் பேசுவது, டேட்டிங்கின் போது என்ன பேசுவது அல்லது ஒரு உறவில் சுவாரஸ்யத்தைக் கூட்டுவது எப்படி என்று உங்கள் மனதிற்குள் நீங்கள் எப்போதாவது யோசித்துப் பார்த்திருப்பீர்கள். இதற்கு அறிவுரை கேட்கப் பல நேரங்களில் கண்ணாடி அல்லது நண்பர்கள் உதவுவார்கள். ஆனால் இப்போது, ஏ.ஐ (AI) என்ற புதிய வழிமுறை உருவெடுத்துள்ளது. காதல் விவகாரங்களில் ஏ.ஐ இப்போது ஒரு புதிய ஆலோசகராகவும், வழிகாட்டியாகவும் உருவெடுத்துள்ளது. உங்களின் காதல் உணர்வுகள் உங்களுடையதாக இருந்தாலும், நீங்கள் பேசத் தொடங்கும் முதல் லைன் ஏ.ஐ உருவாக்கியதாக இருக்கலாம்.

இந்தியர்கள் இந்த டிஜிட்டல் வழிகாட்டியைப் பயன்படுத்துவதில் எவ்வளவு வசதியாக உணர்கிறார்கள் என்பதை 'கிளீடன்-ஐபிஎஸ்ஓஎஸ்' (Gleeden-IPSOS) நடத்திய ஆய்வு சுட்டிக்காட்டுகிறது. 1,500-க்கும் மேற்பட்டோரிடம் நடத்தப்பட்ட இந்த ஆய்வில், டெல்லியில் பதிலளித்தவர்களில் 55% பேர் கடந்த 12 மாதங்களில் உரையாடல் ஏ.ஐ கருவிகளைத் தங்கள் கவரும் திறனை மேம்படுத்தப் பயன்படுத்தியதாகத் தெரிவித்துள்ளனர். மும்பையில் 49%, ஐதராபாத்தில் 48 சதவீதமும், பெங்களூருவில் 47% மக்கள் இதைப் பயன்படுத்துகின்றனர்.

Image Credit : Gemini

டேட்டிங்கில் மக்கள் ஏஐ-ஐ எவ்வாறு பயன்படுத்துகிறார்கள்?

இந்தியர்கள் டேட்டிங்கின் பல்வேறு நிலைகளில் ஏஐ-ன் உதவியை நாடுவது ஆய்வில் தெரியவந்துள்ளது. சுயவிவரங்களை மேம்படுத்த: டெல்லி மற்றும் மும்பையில் 46% பேர் தங்களது டேட்டிங் அல்லது சமூக வலைதள பயோ (Profile Description) விவரங்களைச் சிறப்பாக எழுத ஏஐ-ஐப் பயன்படுத்தியுள்ளனர். இது பெங்களூரில் 35% ஆகவும், ஐதராபாத்தில் 26% ஆகவும் உள்ளது.

உரையாடல்களைச் சீரமைக்க: டெல்லி மற்றும் பெங்களூரில் 46% பேர் தங்களுக்குப் பிடித்தவர்களுடன் பேசும் உரையாடல்களை மேம்படுத்த ஏஐ-ஐப் பயன்படுத்தியுள்ளனர். பிப்ரவரி 2026-ல் நடத்தப்பட்ட மற்றொரு கணக்கெடுப்பின்படி, ஆண்களில் 65%, பெண்களில் 60% ஏ.ஐ-ஐப் பயன்படுத்தியதாகக் கூறியுள்ளனர். மேலும், முதல் டேட்டிங்கிற்குச் செல்ல ஏதுவான இடங்கள் அல்லது செயல்பாடுகளைத் திட்டமிட 64% ஆண்களும் 61% பெண்களும் ஏ.ஐ-ன் உதவியைப் பெற்றுள்ளனர்.

இதுமட்டுமன்றி, 'ஐஸில்' (Aisle) டேட்டிங் செயலி 8,240 இளைஞர்களிடம் நடத்திய ஆய்வில், 53.1% பெண்கள் தங்கள் உணர்வுகள் மற்றும் உறவு சார்ந்த கவலைகளைப் பற்றிப் பேச ஏ.ஐ-ஐத் நாடுகின்றனர். ஜென் ஜி (Gen Z) தலைமுறையினரில் 37.3% பேர், தங்களுக்கு வந்த குழப்பமான குறுஞ்செய்திகளின் அர்த்தத்தைப் புரிந்துகொள்ள ஏ.ஐ-யிடம் கேட்கின்றனர்.

Image Credit : Gemini

இந்திய நகரங்களில் ஏ.ஐ-யின் பயன்பாடு

1,500-க்கும் மேற்பட்டோரிடம் நடத்தப்பட்ட இந்த ஆய்வின்படி

டெல்லி - கடந்த 12 மாதங்களில், தங்களின் கவரும் உத்திகளை (Seduction techniques) மேம்படுத்த 55% பேர் AI சாட்பாட்களைப் பயன்படுத்தியதாகத் தெரிவித்துள்ளனர்.

மும்பை - 49% பேர் AI-யைப் பயன்படுத்துகின்றனர்.

ஹைதராபாத் - 48% பேர் இதனைப் பயன்படுத்துவதாகக் கூறியுள்ளனர்.

பெங்களூரு - 47% பேர் AI உதவியை நாடுகின்றனர்.

Image Credit : Gemini

காதலில் ஏ.ஐ-யை மக்கள் எப்படிப் பயன்படுத்துகிறார்கள்?

ப்ரொஃபைல் அமைத்தல்: டெல்லி மற்றும் மும்பையில் உள்ள 46% பேர் தங்களது சமூக வலைதள அல்லது டேட்டிங் ப்ரொஃபைல் விவரங்களை அழகாக எழுத AI-யைப் பயன்படுத்துகின்றனர். (பெங்களூரில் 35%, ஹைதராபாத்தில் 26%).

செய்தி அனுப்புதல் - டெல்லி மற்றும் பெங்களூரில் 46% பேர் தங்களுக்குப் பிடித்தவர்களிடம் அனுப்பும் குறுஞ்செய்திகளைச் சீரமைக்க AI-யைப் பயன்படுத்துகின்றனர்.

ஆண்/பெண் பங்களிப்பு - பிப்ரவரி 2026-ல் வெளியான தரவுகளின்படி, ஆண்களில் 65% பேரும் பெண்களில் 60% பேரும் தங்களின் கவரும் உத்திகளைச் சீரமைக்க AI-யைப் பயன்படுத்தியுள்ளனர். மேலும், முதல் டேட்டிங் செல்லுமிடம் மற்றும் திட்டங்களை வகுக்க 64% ஆண்களும் 61% பெண்களும் AI-யின் உதவியைப் பெறுகின்றனர்.

மறுகையில், Aisle என்ற டேட்டிங் ஆப் 8,240 நகர்ப்புற இந்திய இளைஞர்களிடம் நடத்திய ஆய்வில், 53.1% பெண்கள் தங்களது உணர்ச்சிகளையும் உறவுச் சிக்கல்களையும் பகிர்ந்துகொள்ள ஏ.ஐ-யை நாடுகின்றனர். மேலும், Gen Z தலைமுறையில் 37.3% பேர் தங்களுக்கு வந்த குழப்பமான குறுஞ்செய்திகளுக்கு அர்த்தம் கண்டுபிடிக்க ஏ.ஐ-யிடம் கேட்கின்றனர்.

Image Credit : Gemini

நகரத்திற்கு நகரம் வேறுபடும் மனநிலை

பெங்களூரு: 56% பேரால் ஏ.ஐ எழுதிய உரையாடல்களைக் கண்டறிய முடிகிறது; இருப்பினும் ஏ.ஐ அனுப்பும் மெசேஜ்களைத் தவிர்க்க முடியாது என 88% பேர் நம்புகின்றனர்.

டெல்லி NCR - 40.5% பேர் டேட்டிங்கில் நேரில் பேசுவதை விட ஏ.ஐ உடன் பேசுவது மிகவும் அர்த்தமுள்ளதாக இருப்பதாகக் கூறியுள்ளனர்.

மும்பை - 69.1% பேர் ஏ.ஐ-யை விடத் தங்களின் சுய புத்தி மற்றும் உள்ளுணர்வையே நம்புகின்றனர்.

புனே - 42% பேருக்கு ஏ.ஐ அளிக்கும் ஆலோசனைகள் தன்னம்பிக்கையை உயர்த்துகிறது.

ஹைதராபாத் - 55% பேர் எடிட் செய்யப்படாத உண்மையான படங்களையே விரும்புகின்றனர். ஏ.ஐ மூலம் உருவாக்கப்பட்ட புகைப்படங்களைப் பயன்படுத்தினால் அவர்களை நிராகரிக்கவும் தயங்குவதில்லை.

கொல்கத்தா - இங்குள்ளவர்கள், "காதல் மற்றும் டேட்டிங்கில் AI-யை ஒருபோதும் பயன்படுத்தக் கூடாது" என்பதில் உறுதியாக உள்ளனர்.

Image Credit : Gemini

ஏன் நண்பர்களை விட்டுவிட்டு AI-யிடம் செல்கிறார்கள்?

நண்பர்களை விட ஏ.ஐ-யை மக்கள் தேர்வு செய்ய சில முக்கியக் காரணங்கள் உள்ளன. உடனடிப் பதில் கிடைக்கிறது (21.4%), நம்மைப் பற்றி தவறாக எடைபோடாது (18.3%), நடுநிலையான கருத்துகளை வழங்குகிறது (12.1%), நண்பர்கள் நமது பக்கமே அதிக சாய்வாகப் பேசுவார்கள் (5.6%.)

Image Credit : Gemini

நிபுணர்களின் எச்சரிக்கை

ஏ.ஐ-யுடன் அதிக உணர்ச்சிப்பூர்வமான பிணைப்பை ஏற்படுத்திக்கொள்வது, நிஜத்திற்கும் கற்பனைக்கும் இடையிலான எல்லையை மங்கச் செய்யும் என்று நிபுணர்கள் எச்சரிக்கின்றனர். இது நடைமுறைக்குச் சாத்தியமில்லாத எதிர்பார்ப்புகள், தனிமை, தாழ்வு மனப்பான்மை மற்றும் மோகத்தை அதிகரிக்கும். சில சமயங்களில் ஏ.ஐ மீதான உணர்வுப்பூர்வமான சார்பு, தம்பதிகளிடையே விவாகரத்து வரை கொண்டு சென்றுள்ளதாகவும் செய்திகள் தெரிவிக்கின்றன.