Hair Fall: அடிக்கடி முடி கொட்டுகிறதா? குளிக்கும்போது 'இந்த' 5 தவறுகளை செய்யாதீங்க!
Hair Fall: விலை உயர்ந்த ஷாம்பூ, எண்ணெய் பயன்படுத்தினாலும் முடி கொட்டும் பிரச்சனைக்கு தீர்ந்தபாடில்லை. தலைக்கு குளிக்கும்போது 5 எளிய டிப்ஸை பின்பற்றினால், முடி உதிர்வு பிரச்சனை குறையும் என்று நிபுணர்கள் கூறுகின்றனர். அவை என்னவென்று பார்ப்போம்.
முடி கொட்டுவதற்கு செக் வையுங்கள்
நம்மளுடைய மாறிப்போன லைஃப்ஸ்டைல், pollution, டென்ஷன் என்று பல விஷயங்களால் முடி கொட்டும் பிரச்சனை அதிகமாகிறது. ஆனால் சில சிம்பிள் டிப்ஸ் ஃபாலோ பண்ணினால் போதும், இந்த பிரச்சனைக்கு ஈஸியா தீர்வு காணலாம் என்று நிபுணர்கள் சொல்கிறார்கள். இந்த டிப்ஸ் முடியை ஹெல்தியா, ஸ்ட்ராங்கா மாற்றுமாம். வாங்க, ட்ரை பண்ணிப் பார்க்கலாம்.
வெதுவெதுப்பான நீரில் தலைக்கு குளித்தல்
தலைக்கு குளிக்கும்போது எப்போதும் வெதுவெதுப்பான தண்ணீரை மட்டும் பயன்படுத்துங்கள். ரொம்ப சூடான தண்ணீர், தலையில் இருக்கும் இயற்கையான எண்ணெய் பசையை நீக்கி, சருமத்தை வறட்சியாக்கிவிடும். இதனால் முடி பலவீனமாகி கொட்ட ஆரம்பிக்கும். அதேமாதிரி, ரொம்ப குளிர்ச்சியான தண்ணீரும் தலையை சரியாக சுத்தம் செய்யாது. அதனால், வெதுவெதுப்பான நீரைப் பயன்படுத்துவதுதான் சிறந்தது. இது உச்சந்தலையை சுத்தமாக வைப்பதோடு, ரத்த ஓட்டத்தையும் மேம்படுத்தும். இதனால் முடியின் வேர்கள் வலுப்பெறும்.
ஷாம்பூவை நேரடியாக அப்ளை செய்யக்கூடாது
நிறைய பேர் ஷாம்பூவை நேரடியாக தலையில் போட்டு தேய்ப்பார்கள். இது உச்சந்தலையில் எரிச்சலை உண்டாக்கி, முடி கொட்டுவதற்கு காரணமாகிவிடும். ஷாம்பூவை கொஞ்சமாக தண்ணீரில் கலந்து, அப்புறமாக தலையில் அப்ளை செய்தால், அது எல்லா இடத்திலும் சமமாக பரவி, அழுக்கை ஈஸியா நீக்கிவிடும். கெமிக்கல்களின் தாக்கமும் குறையும். இந்த சின்ன மாற்றம் உங்க முடி ஆரோக்கியத்தில் பெரிய மாற்றத்தை ஏற்படுத்தும்.
வாரத்திற்கு 2-3 முறை தலைக்கு குளித்தல்
தினமும் தலைக்கு குளித்தால், தலையில் இருக்கும் இயற்கையான எண்ணெய் பசை குறைந்துவிடும். இந்த எண்ணெய்தான் முடியை பாதுகாக்க உதவுகிறது. அது குறைந்தால், முடி வறண்டு போய் கொட்ட ஆரம்பிக்கும். அதே சமயம், ரொம்ப நாள் குளிக்காமல் விட்டால், தூசு, வியர்வை, எண்ணெய் எல்லாம் சேர்ந்து உச்சந்தலையில் பிரச்சனைகள் வரலாம். அதனால், வாரத்திற்கு 2–3 முறை தலைக்கு குளிப்பதுதான் நல்லது.
முடியை மென்மையாக துடைத்தல்
நிறைய பேர் முடி சீக்கிரம் காய வேண்டும் என்று டவலை வைத்து வேகவேகமாக தேய்ப்பார்கள். இது முடியின் வேர்களை பலவீனப்படுத்தி, முடி கொட்டுவதற்கு வழிவகுக்கும். ஈரமான முடி ரொம்ப மென்மையாக இருக்கும். அதனால், டவலை வைத்து மெதுவாக ஒத்தி எடுத்து தண்ணீரைப் பிழிய வேண்டும். முடிந்தால், மைக்ரோஃபைபர் டவல் பயன்படுத்துவது ரொம்ப நல்லது.
தலை காய்ந்த பிறகு சீவ வேண்டும்
ஈரமான முடியை சீவும்போது, அது சுலபமாக உடைந்துவிடும். தலைமுடி முழுதாக காய்ந்த பிறகு, அகலமான பல் இருக்கிற சீப்பை வைத்து மெதுவாக சீவ வேண்டும். இது சிக்கு இல்லாமல் முடியை பார்த்துக்கொள்வதோடு, உச்சந்தலையின் ஆரோக்கியத்தையும் மேம்படுத்தும். இந்த பழக்கத்தை தினமும் ஃபாலோ பண்ணினால், முடி கொட்டுவது நல்லாவே குறையும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
