eyebrows tips: புருவங்களை அழகாக காட்ட என்ன செய்யலாம்? பெண்களுக்கான 5 பியூட்டி டிப்ஸ்
உங்கள் முகத்தின் ஒட்டுமொத்த அழகையும் கண்களின் காந்தப் பார்வையையும் தீர்மானிப்பதே புருவங்கள் தான் பார்வையைப் பறிக்கும் அடர்த்தியான புருவங்களைப் பெற இந்த 5 வழிகளை இதுவரை நீங்கள் டிரை பண்ணியது கிடையாது என்றால் இப்போது செய்து பாருங்கள் ஆச்சரியப்படுவீங்க
கறிவேப்பிலை மசாஜ்:
கறிவேப்பிலையை நன்றாக அரைத்து, தேங்காய் எண்ணெயில் காய்ச்சி வாரம் இருமுறை புருவங்களில் தடவி வாருங்கள். இதில் உள்ள பீட்டா-கரோட்டின் (Beta-carotene) புருவ முடிகளின் வேர்க்கால்களைத் தூண்டி, மிக வேகமாகவும் அடர்த்தியாகவும் வளரச் செய்யும்.
கிரீன் டீ ஐஸ் கட்டி:
கிரீன் டீயை ஐஸ் க்யூப்பாக மாற்றி, அதை புருவங்கள் மற்றும் கண்களைச் சுற்றி மென்மையாக மசாஜ் செய்யுங்கள். இது புருவப் பகுதியில் இரத்த ஓட்டத்தை அதிகரித்து, முடிகள் உதிர்வதைத் தடுக்கும். த்ரெடிங் செய்த பிறகு ஏற்படும் வீக்கத்தையும் இது சட்டென்று குறைக்கும்.
பிரஷ்ஷிங் சீக்ரெட்:
காலி மஸ்காரா பிரஷ்ஷை சுத்தப்படுத்தி, அதில் சில துளிகள் விளக்கெண்ணெய் (Castor oil) தொட்டு, தினமும் இரவில் புருவங்களை மேல்நோக்கி சீவி விடுங்கள். தினமும் இப்படி சீவுவதால் புருவ முடிகள் நேராகவும், கச்சிதமான வடிவத்திலும் வளரப் பழகும். சும்மா கைகளால் தடவுவதை விட இது 10 மடங்கு எஃபெக்டிவ்!
எலுமிச்சை அலோவேரா:
பிரெஷ் கற்றாழை ஜெல்லுடன், ஒரு துளி எலுமிச்சை சாறு கலந்து புருவங்களில் தடவி 15 நிமிடம் கழித்து கழுவுங்கள். எலுமிச்சையில் உள்ள வைட்டமின் சி புருவத்தில் உள்ள இறந்த செல்களை நீக்கி, புதிய முடிகள் வளர வழிவகுக்கும். புருவத்தில் இருக்கும் பொடுகு (Eyebrow dandruff) பிரச்சனைக்கும் இதுவே முற்றுப்புள்ளி!
புருவத்திற்கான உணவு:
கெமிக்கல் க்ரீம்களைத் தவிர்த்து, வைட்டமின் ஈ (Vitamin E) கேப்சியூலை உடைத்து, அதன் எண்ணெயை வாரத்தில் மூன்று நாட்கள் புருவத்தில் தடவுங்கள். இது புருவத்திற்குத் தேவையான ஊட்டச்சத்தை நேரடியாகக் கொடுத்து, புருவத்தை எப்போதும் பளபளப்பாகவும் (Glossy look), அடர் கருமையாகவும் வைத்திருக்கும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
