அடேங்கப்பா! இத்தனை லட்சத்துக்கு புடவையா? நீதா அம்பானி உடுத்திய உலகின் விலையுயர்ந்த புடவை.! அப்படி என்ன சிறப்பு

Nita ambani saree: முகேஷ் அம்பானியின் மனைவியான நீதா அம்பானி அணிந்திருந்த புடவையின் விலை 40 லட்ச ரூபாயாம். புடவையில் மரகத கற்கள் கூட பதித்துள்ளனர். அதில் வேறென்ன சிறப்புகள் உள்ளன என்பதை இங்கு காணலாம். 

உலக பணக்காரர்களில் ஒருவரான முகேஷ் அம்பானியின் மனைவி நீதா அம்பானி. இவர்கள் மும்பையில் இருக்கும் அன்டிலியா எனும் வீட்டில் வசித்து வருகின்றனர். நீதா அம்பானி அண்மையில் கலாச்சார மையம் ஒன்றினை திறந்து வைத்தார். இந்த மைய திறப்பு விழாவில் ஹாலிவுட் நடிகை ஜெண்டயா, ஸ்பைடர் மேன் புகழ் நடிகர்  டாம் ஹாலண்ட், சூப்பர் ஸ்டார் ரஜினிகாந்த் முதல் பாலிவுட் பாட்ஷா ஷாருக்கான் வரை பலர் தங்களின் குடும்பத்துடன் கலந்து கொண்டு சிறப்பித்துள்ளனர். 

நீதா அம்பானி தன்னுடைய புடவைகள், நகைகள் ஆகியவற்றுக்கு பிரபலமானவர். அவரது பிரபலமான ஆடைகளில் இளஞ்சிவப்பு நிற சேலையை ஒன்று குறிப்பிடத்தகுந்தது. ஏனென்றால் இது உலகின்  மிக விலையுயர்ந்த புடவைகளில் ஒன்றாக கருதப்படுகிறது. முன்னாள் ராஜ்யசபா எம்பி பரிமல் நத்வானியின் மகன் திருமண விழாவில் பிரதமர் மோடி, நீதா அம்பானி உள்ளிட்ட பல முக்கிய நபர்கள் கலந்து கொண்டனர். அப்போது நீதா அம்பானி அணிந்திருந்த இளம்சிவப்பு நிற புடவை சாதாரணமானது அல்ல. பல லட்ச ரூபாய் மதிப்புள்ளது.

வடிவமைத்தவர்- சிவலிங்கம் - விலை ரூ.40 லட்சம்

சென்னை சில்க்ஸ் இயக்குனர் சிவலிங்கம் வடிவமைத்த அந்த இளம்சிவப்பு நிற புடவையின் விலை ரூ.40 லட்சமாகும். இந்த புடவையை 35 காஞ்சிபுரத்தைச் சேர்ந்த பெண் கைவினைஞர்கள் மெனக்கெடலுடன் நெய்துள்ளனர். மரகதம், புஷ்பராகம், ரூபி, விலையுர்ந்த முத்துக்கள் வைத்து இந்த புடவை வடிவமைக்கப்பட்டிருந்தது. இந்த புடவைக்கு மேட்சிங் ப்ளவுஸ் அணிந்திருந்தார். அதுவும் நுட்பமான வேலைபாடுகள் உடையது. அதில் இறைவனின் ஓவியம் பொறிக்கப்பட்டிருந்தது. 

பல ரத்தினங்கள் வைக்கப்படிருந்த அந்த புடவையின் எடை 8 கிலோவுக்கு மேல் இருந்தது. வைரம் மற்றும் மரகத நெக்லஸ், அதற்கு பொருத்தமான காதணிகளுடன் நீதா அம்பானி மிகவும் அழகாக அந்த புடவையில் தோற்றமளித்தார். 

இதையும் படிங்க:  இஷா அம்பானி கூச்சம் இல்லாமல் செய்யும் காரியம்..! மகளை அரவணைக்கும் தாய்!!

நீதா அம்பானியின் புடவை இன்னும் பேசப்படும் நேரத்தில், அவரது மகள் இஷா அம்பானியின் திருமண லெஹங்கா ரூ.90 கோடி மதிப்பிலானது என்பதும் குறிப்பிடத்தக்கது. இதன் சிறப்பே, அவரது தாயார் நீதா அம்பானியின் திருமண உடையைப் பயன்படுத்தி தைக்கப்பட்ட மிக விலையுயர்ந்த லெஹங்காவாகும். 

இதையும் படிங்க: அம்பானி மகளாச்சே.. இஷா அம்பானி கல்யாண பத்திரிக்கையில் கூட தங்கம் பதிப்பு? அட விலையே இத்தனை லட்சமா?