ஐபிஎல் வரலாற்றில் 4வது வீரர்.. புதிய மைல்கல்லை எட்டிய ரோஹித் சர்மா..!
கேகேஆருக்கு எதிரான போட்டியில் 6 சிக்ஸர்களை விளாசிய ரோஹித் சர்மா, ஐபிஎல்லில் புதிய மைல்கல்லை எட்டியுள்ளார்.
ஐபிஎல் 13வது சீசனின் இன்றைய போட்டியில் மும்பை இந்தியன்ஸும் கேகேஆரும் ஆடிவருகின்றன. அபுதாபியில் நடந்துவரும் இந்த போட்டியில் டாஸ் வென்ற கேகேஆர் கேப்டன் தினேஷ் கார்த்திக், மும்பை இந்தியன்ஸை பேட்டிங் செய்ய பணித்தார்.
இதையடுத்து முதலில் பேட்டிங் ஆடிய மும்பை இந்தியன்ஸ் அணியின் தொடக்க வீரரும் கேப்டனுமான ரோஹித் சர்மா, அதிரடியாக ஆடி அரைசதம் அடித்தார். 54 பந்தில் 3 பவுண்டரிகள் மற்றும் 6 சிக்ஸர்களுடன் 80 ரன்களை குவித்தார். சூர்யகுமார் யாதவ், 28 பந்தில் 47 ரன்கள் அடித்தார். ஹர்திக் பாண்டியா, பொல்லார்டு ஆகிய பவர் ஹிட்டர்கள் பதின்களில் தான் ஸ்கோர் செய்தனர். ரோஹித் சர்மா மற்றும் சூர்யகுமார் யாதவின் அதிரடியான பேட்டிங்கால் மும்பை இந்தியன்ஸ் அணி 20 ஓவரில் 195 ரன்கள் அடித்து கேகேஆருக்கு 196 ரன்களை இலக்காக நிர்ணயித்துள்ளது.
இந்த போட்டியில் ரோஹித் சர்மா 6 சிக்ஸர்களை விளாசியதன் மூலம், ஐபிஎல்லில் 200 சிக்ஸர்கள் என்ற மைல்கல்லை எட்டினார்.
ஐபிஎல்லில் 200 சிக்ஸர்கள் என்ற மைல்கல்லை எட்டும் நான்காவது பேட்ஸ்மேன் ரோஹித் சர்மா ஆவார்.
முதலிடத்தில் 326 சிக்ஸர்களுடன் யுனிவர்ஸ் பாஸ் கிறிஸ் கெய்ல் முதலிடத்தில் உள்ளார்.
டிவில்லியர்ஸ் 214 சிக்ஸர்களுடன் இரண்டாமிடத்தில் உள்ளார்.
தோனி 212 சிக்ஸர்களுடன் 3ம் இடத்தில் உள்ளார். இந்த பட்டியலில் நான்காவது வீரராக ரோஹித்தும் இணைந்துள்ளார்.
சேனலை கிளிக் செய்து பின்தொடரவும்
