விவசாயிகளுக்கு குட் நியூஸ்! கிசான் சம்மான் நிதி 20வது தவணை தேதி அறிவிப்பு!
பிரதம மந்திரி கிசான் சம்மான் நிதி திட்டத்தின் 20வது தவணைத் தொகை ஆகஸ்ட் 2 ஆம் தேதி 9.70 கோடி விவசாயிகளுக்கு விடுவிக்கப்படும். 4 மாதங்களுக்கு ஒருமுறை வழங்கப்படும் ரூ.2,000 நிதியுதவி, விவசாயிகளின் வங்கிக் கணக்கில் நேரடியாகச் செலுத்தப்படும்.
கிசான் சம்மான் நிதி
விவசாயிகளுக்கு பெரிதும் உதவும் பிரதம மந்திரி கிசான் சம்மான் நிதி (PM கிசான்) திட்டத்தின் 20-வது தவணைத் தொகை விடுவிக்கப்படும் தேதி இன்று அதிகாரப்பூர்வமாக அறிவிக்கப்பட்டுள்ளது. இதன்படி, நாடு முழுவதும் உள்ள 9 கோடியே 70 லட்சம் விவசாயிகளின் வங்கிக் கணக்குகளில் ஆகஸ்ட் மாதம் 2-ஆம் தேதி தவணைத்தொகை நேரடியாக செலுத்தப்பட உள்ளது.
4 மாதங்களுக்கு ஒருமுறை ரூ.2,000
மத்திய அரசு கடந்த 2019-ஆம் ஆண்டு தொடங்கிய இத்திட்டத்தின் கீழ், சொந்தமாக விவசாய நிலம் வைத்துள்ள விவசாயக் குடும்பங்களுக்கு நிதி உதவி வழங்கப்படுகிறது. 4 மாதங்களுக்கு ஒருமுறை தலா ரூ.2,000/- வீதம், ஆண்டுக்கு ரூ.6,000/- மூன்று தவணைகளில் விவசாயிகளின் வங்கிக் கணக்கில் நேரடிப் பணப் பரிமாற்றம் (DBT) மூலமாக வழங்கப்பட்டு வருகிறது.
➡️The 20th installment of PM-Kisan Samman Nidhi to be released on August 2
➡️Prime Minister @narendramodi to release the installment from Varanasi
➡️Union Agriculture Minister @ChouhanShivraj chairs a high-level meeting to review preparations
➡️Nationwide campaign to ensure… pic.twitter.com/z9Bca3btLw— PIB India (@PIB_India) July 30, 2025
ரூ.3.69 லட்சம் கோடி
இதுவரை, இத்திட்டத்தின்கீழ் நாடு முழுவதும் இணைந்த விவசாயிகளுக்கு 19 தவணைகளாக மொத்தம் 3.69 லட்சம் கோடி ரூபாய் வங்கிக் கணக்குகள் மூலம் வழங்கப்பட்டுள்ளது. இந்நிலையில், தற்போது 20-வது தவணைத் தொகை விடுவிக்கப்பட உள்ளது.
9.70 கோடி விவசாயிகள்
20-வது தவணைத் தொகையாக, 9 கோடியே 70 லட்சம் விவசாயிகளுக்கு 20 ஆயிரத்து 500 கோடி ரூபாயை பிரதமர் நரேந்திர மோடி விடுவிக்க உள்ளார். இந்த நிகழ்வு, ஆகஸ்ட் 2-ஆம் தேதி உத்தரபிரதேசத்தின் வாரணாசியில் நடைபெறும் நிகழ்ச்சியில் இடம்பெறும் என்று அறிவிக்கப்பட்டுள்ளது. இந்த நிதி விடுவிப்பு விவசாயிகளின் அன்றாட தேவைகளுக்கும், விவசாய நடவடிக்கைகளுக்கும் பெரும் உதவியாக இருக்கும் என எதிர்பார்க்கப்படுகிறது.