லேடிஸ் ஷூ அணிந்த ஜெகன் மோகன்.. வைரலாகும் தீபாவளி போட்டோஸ்!

தீபாவளி கொண்டாட்டத்தின் போது ஆந்திர முன்னாள் முதல்வர் ஜெகன் மோகன் ரெட்டி அணிந்திருந்த ஷூ குறித்து சமூக வலைதளங்களில் வதந்தி பரவியது. அவர் பெண்கள் அணியும் ஷூ அணிந்ததாகக் கூறப்பட்ட நிலையில், அது ஆண்களுக்கான ஷூ என்பது உறுதியாகியுள்ளது.

Image Credit : gangula_suryanarayanareddy/instagram

தீபாவளி கொண்டாடிய ஜெகன் மோகன் ரெட்டி

ஆந்திரப் பிரதேசத்தின் முன்னாள் முதலமைச்சர் ஜெகன் மோகன் ரெட்டி, லண்டன் பயணத்தை முடித்துக் கொண்டு திரும்பிய நிலையில், திங்கட்கிழமை தனது இல்லத்தில் நடைபெற்ற தீபாவளி கொண்டாட்டங்களில் பங்கேற்றார்.

அப்போது, அவர் பட்டாசுகளை வெடித்து தனது மகிழ்ச்சியை வெளிப்படுத்தினார். இந்த கொண்டாட்டங்களின்போது ஜெகன் ரெட்டி அணிந்திருந்த காலணி பேசுபொருளாகியுள்ளது.

Image Credit : gangula_suryanarayanareddy/instagram

ஜெகன் பெண்களுக்கான ஷூ அணிந்தாரா?

சமூக வலைதளங்களில் சில அரசியல் காழ்ப்புணர்வு கொண்ட பயனர்கள், ஜெகன் மோகன் ரெட்டி அணிந்திருந்த ஷூ பெண்கள் அணியும் ஷூ எனத் தவறாகப் பரப்பி வருகின்றனர். இது போன்ற எதிர்மறைப் பதிவுகள் இணையத்தில் வைரலாகி வருகின்றன. ஆனால், அந்தப் பதிவுகளில் எவ்வித உண்மையும் இல்லை எனத் தெரியவந்துள்ளது. சிலர் வேண்டுமென்றே இதுபோன்ற பொய்ச் செய்திகளைப் பரப்பி வருகின்றனர்.

Image Credit : asics.co.in

ஜெகன் அணிந்த ஆசிக்ஸ் ஷூ

ஜெகன் மோகன் ரெட்டி அணிந்திருந்த ஷூவின் புகைப்படங்களைத் தேடியபோது, அவை புகழ்பெற்ற ஜப்பானிய விளையாட்டு உபகரணத் தயாரிப்பு நிறுவனமான 'ஆசிக்ஸ்' (ASICS) நிறுவனத்தைச் சேர்ந்தவை என்பது உறுதிப்படுத்தப்பட்டது.

விளையாட்டு வீரர்கள் மற்றும் ஓட்டப்பந்தய வீரர்களுக்கான தரமான ஷூக்களைத் தயாரிப்பதில் ஆசிக்ஸ் உலகளவில் முன்னணி வகிக்கிறது. இந்நிறுவனம் விளையாட்டு ஆடைகள், கைப்பைகள் உள்ளிட்ட பொருட்களைத் தயாரிக்கிறது.

Image Credit : asics.co.in

ஜெகன் அணிந்த ஆசிக்ஸ் ஷூவின் விலை என்ன?

தரத்திற்கும் வசதிக்கும் பெயர் பெற்ற இந்த ஆசிக்ஸ் ஷூவின் விலை சற்று அதிகமாகவே இருக்கும். ஆசிக்ஸ் நிறுவனத்தின் அதிகாரப்பூர்வ இணையதளத்தில், ஜெகன் ரெட்டி அணிந்திருந்த ஷூ ஆண்களுக்கான ஷூ என்றே குறிப்பிடப்பட்டுள்ளது. இதன் அசல் விலை ரூ. 10,999. தற்போதைய தள்ளுபடி விலை ரூ. 8,799.

இந்த ஷூ தினசரி பயன்பாட்டுக்கு ஏற்றவாறு, கால்களுக்கு அதிக மென்மை மற்றும் வசதியை அளிக்கும் வகையில் வடிவமைக்கப்பட்டது. Neutral Trainer என்ற வகையைச் சேர்ந்தது. 'FF BLAST™ PLUS' குஷனிங் மற்றும் 'FLUIDRIDE' அவுட்சோல் போன்ற சிறப்பு அம்சங்களைக் கொண்டிருப்பதால், அணிவதற்கு வசதியான தரமான ஷூ என்று அறியப்படுகிறது.

எனவே சமூக வலைதளங்களில் பரப்பப்படும் ஷூ குறித்த வதந்திகள் உண்மைக்குப் புறம்பானவை என்பது இதன் மூலம் தெளிவாகிறது.