நகைப்பிரியர்களுக்கு ஷாக்.! செம்பு, பித்தளையை 22 கேரட் தங்கமாக மாற்றி மோசடி- கண்டுபிடிப்பது எப்படி.?

தங்க நகைகளில் போலி முத்திரை குத்தி மோசடி செய்யப்படுவது அதிகரித்து வருகிறது. வாடிக்கையாளர்கள் நகை வாங்கும் முன் முத்திரையை சரிபார்த்து, நம்பகமான கடைகளில் மட்டுமே வாங்க வேண்டும். போலி முத்திரையை கண்டுபிடிக்க BIS சான்றிதழ் முத்திரையை சரிபார்க்க வேண்டும்.

Copper and brass converted into 22 carat gold : தங்கத்தின் விலையானது நாளுக்கு நாள் அதிகரித்து வருகிறது. ஒரு சவரன் 70ஆயிரத்தை கடந்து செல்கிறது. இதன் காரணமாக ஏழை எளிய மக்கள் தங்கத்தை வாங்க முடியாமல் தவித்து வருகிறார்கள். இதனை பயன்படுத்தி சில மோசடியாளர்கள் பித்தளையை தங்கமாக போலி முத்திரை குத்தி விற்பனையில் ஈடுபட்டு வருவது கண்டறியப்பட்டுள்ளது.

அந்த வகையில் தமிழகத்தில் கடலூரில் ஒரு சில நாட்களுக்கு முன்பாக தங்க நகையில் மோசடி செய்யப்பட்டது அதிர்ச்சியை ஏற்படுத்திய நிலையில் தற்போது ராஜஸ்தானின்  புதிய மோசடி வெளிச்சத்திற்கு வந்துள்ளது. நகை வியாபாரிகள் செம்பு மற்றும் பித்தளை நகைகளில் போலி முத்திரை குத்தி 22 காரட் தங்கம் என விற்பனை செய்கின்றனர். 

Fraud in Rajasthan

போலி முத்திரை எப்படி விற்பனை செய்யப்படுகிறது?

ராஜஸ்தானின் பல்வேறு நகரங்களில், நகை வியாபாரிகள் செம்பு மற்றும் பித்தளை நகைகளில் போலி முத்திரை குத்தி தூய தங்கம் என விற்பனை செய்கின்றனர். இந்த மோசடியில் பல நகை மையங்கள் ஈடுபட்டு, வாடிக்கையாளர்களுக்கு அவர்கள் வாங்கும் நகைகள் 22 காரட் தூய தங்கம் என்று நம்ப வைக்கின்றனர். ஆனால், இந்த நகைகளில் உள்ள முத்திரைகள் போலியானவையாக இருப்பதால் நகையை ஆசையோடு வாங்கும் நகைப்பிரியர்கள் ஏமாற்றப்படுகிறார்கள். 

gold jewelry scam

மோசடி நகை- யாருக்கு நஷ்டம்?

தங்க நகைக்கடைகளில்  நகைகளை வாங்கும் வாடிக்கையாளர்கள் இந்த மோசடியால் அதிக நஷ்டம் ஏற்படுகிறது. நகைகள் 22 காரட் தங்கம் என்று அவர்கள் நம்ப வைக்கப்படுகிறார்கள், ஆனால் உண்மையில் அவை செம்பு மற்றும் பித்தளையால் செய்யப்பட்டவை. இதனால் வாடிக்கையாளர்களுக்கு பெரும் நிதி இழப்பு ஏற்படுகிறது, 

வாடிக்கையாளர்கள் எச்சரிக்கையாக இருக்க வேண்டும்

 பெரும்பாலான மக்கள் நகை வியாபாரிகளை நம்பி தங்க நகைகளை வாங்குகிறார்கள், இதனால் அவர்கள் ஏமாற்றப்படுகிறார்கள். எந்த நகையையும் வாங்குவதற்கு முன் அதன் முத்திரையை சரிபார்க்க வேண்டும் என்று வாடிக்கையாளர்களுக்கு அறிவுறுத்தப்படுகிறது. மேலும், எப்போதும் நம்பகமான மற்றும் சான்றளிக்கப்பட்ட நகை கடைகளில் மட்டுமே நகைகளை வாங்க வேண்டும்.

BIS certification

போலி முத்திரையை எப்படி கண்டுபிடிப்பது?

தங்க நகைக்கடைகளில் தங்கம் தான் வாங்குகிறோமா.? என்பதை கண்டுபிடிப்பது வாடிக்கையாளர்களுக்கு சிரமமான காரியம்.  செம்பு மற்றும் பித்தளை நகைகளில் போலி முத்திரை குத்தப்படுவதால் உண்மையில் தங்கமா இல்லையா என்பதை அறிவது கடினமாகிவிட்டது.

நிபுணர்களின் கூற்றுப்படி, ஒவ்வொரு நகையிலும் இந்திய தர நிர்ணய பணியகம் (BIS) வழங்கிய சான்றளிக்கப்பட்ட முத்திரை இருக்க வேண்டும். நகையில் சரியான முத்திரை இல்லையென்றால், அது போலியானது என்பதற்கான தெளிவான அறிகுறியாக இருக்கலாம்.

jewelry stores

தீர்வு என்ன?

வாடிக்கையாளர்களுக்கு நகைகளின் நம்பகத்தன்மை பற்றி விழிப்புணர்வு ஏற்படுத்துவதும் மிகவும் முக்கியம். வரும் காலங்களில் காவல்துறை மற்றும் பிற சம்பந்தப்பட்ட நிறுவனங்கள் இந்த விஷயத்தின் தீவிரத்தை புரிந்துகொண்டு சோதனை செய்து போலி நகைகளை விநியோகத்தை தடுக்க வேண்டும். ராஜஸ்தானில் இதுபோன்ற மோசடிகள் அதிகரித்து வருவது, நகை சந்தையில் வெளிப்படைத்தன்மை தேவை என்பதைக் காட்டுகிறது, இதனால் வாடிக்கையாளர்கள் பாதுகாப்பான மற்றும் சரியான தயாரிப்புகளை வாங்க முடியும்.