நாளை நடக்கப்போகும் மாபெரும் சம்பவம்.. உலகமே வியக்கப்போகும் இந்தியா..!
அமெரிக்கா முதல் சீனா வரை அனைவரையும் சங்கடப்படுத்தக்கூடும் என்கிறார். ஏனென்றால் உர்சுலா லேயன் 27 முக்கிய ஐரோப்பிய நாடுகளுக்கு தலைமை தாங்குகிறார்.
இந்தியாவின் வெற்றி
இந்தியா வெற்றி பெற்றால், உலகம் நிலையானதாகவும், வளமானதாகவும், பாதுகாப்பாகவும் இருக்கும் என்று 'அனைத்து ஒப்பந்தங்களின் தாயான ஐரோப்பிய ஒன்றியத் தலைவர் கூறுகிறார்.
உலகின் ஸ்திரத்தன்மை, செழிப்பு, பாதுகாப்பு இந்தியாவின் வெற்றியைப் பொறுத்தது என்று ஐரோப்பிய ஆணையத் தலைவர் உர்சுலா வான் டெர் லேயன் கூறியுள்ளார். இந்தியாவிற்கும், ஐரோப்பிய ஒன்றியத்திற்கும் இடையிலான சுதந்திர வர்த்தக ஒப்பந்தம் (FTA) தொடர்பான வரலாற்று அறிவிப்புக்கு முன்னதாக, இந்தியா குறித்த அவரது அறிக்கை புவிசார் அரசியலுக்கு மிகவும் முக்கியமானதாகக் கருதப்படுகிறது. இந்த வர்த்தக ஒப்பந்தத்தை அவரே 'அனைத்து ஒப்பந்தங்களின் தாய்' என்று அழைத்திருப்பது கவனிக்கத்தக்கது. 77வது குடியரசு தினத்திற்கான தலைமை விருந்தினராக ஐரோப்பிய கவுன்சில் தலைவர் அன்டோனியோ கோஸ்டாவுடன் லீயன் இந்தியாவில் இருக்கிறார்.
தலைமை விருந்தினராக உர்சுலா லேயன்
இந்தியாவைப் பற்றி ஐரோப்பிய ஆணையத் தலைவர் உர்சுலா வான் டெர் லேயன் இன்று தனது அதிகாரப்பூர்வ எக்ஸ்தளத்தில் ‘‘உலக அரசியலில் நிகழும் மாற்றங்கள், அதில் இந்தியாவின் வளர்ந்து வரும் முக்கியத்துவம் பற்றிய சக்திவாய்ந்த பார்வையை கொடுக்கிறது. குடியரசு தின கொண்டாட்டங்களில் தலைமை விருந்தினராக இருப்பது வாழ்நாள் முழுவதும் கிடைக்கும் மரியாதை’’ என்று கூறி ஜனாதிபதி திரௌபதி முர்முவுடன் ராஷ்டிரபதி பவனில் இருந்து புறப்பட்ட கர்தவ்ய பாதை அணிவகுப்பின் வீடியோவையும் பகிர்ந்து கொண்டார்.
நிலையான- வளமான இந்தியா
இந்தியா குறித்து ஐரோப்பிய ஆணையத் தலைவர் எழுதிய அடுத்த வரி ‘‘அமெரிக்கா முதல் சீனா வரை அனைவரையும் சங்கடப்படுத்தக்கூடும் என்கிறார். ஏனென்றால் உர்சுலா லேயன் 27 முக்கிய ஐரோப்பிய நாடுகளுக்கு தலைமை தாங்குகிறார். இந்தியாவும், ஐரோப்பிய ஒன்றியமும் பத்தாண்டுகளுக்கும் மேலாக நிலுவையில் இருந்த ஒரு ஒப்பந்தத்தை எட்ட உள்ளன. ஐந்து வருட பேச்சுவார்த்தைகளுக்குப் பிறகு இந்த ஒப்பந்தம் தயாராகி உள்ளது. "இந்தியாவின் வெற்றி உலகை மேலும் நிலையானதாகவும், வளமானதாகவும், பாதுகாப்பாகவும் ஆக்குகிறது. நாம் அனைவரும் பயனடைவோம்" என்று லேயன் கூறியுள்ளார்.
அனைத்து ஒப்பந்தங்களின் தாய்
இந்தியா-ஐரோப்பிய ஒன்றிய உச்சிமாநாடு செவ்வாய்க்கிழமை நடைபெறுகிறது. இதைத் தொடர்ந்து, நடந்து வரும் சுதந்திர வர்த்தக ஒப்பந்த (FTA) பேச்சுவார்த்தைகளின் முடிவுகளை இரு தரப்பினரும் அறிவிப்பார்கள் என்று எதிர்பார்க்கப்படுகிறது. இந்தியாவுக்குச் செல்வதற்கு முன்பே, ஐரோப்பிய ஆணையத் தலைவர் தனது வருகை குறித்து கூறிய வார்த்தைகள் அவரது உற்சாகத்தையும் நம்பிக்கையையும் பிரதிபலித்தன. டாவோஸில் நடந்த உலகப் பொருளாதார மன்றத்தில் அவர் "நான் இந்தியாவுக்குச் செல்வேன். இன்னும் சில வேலைகள் செய்யப்பட வேண்டியுள்ளன. ஆனால் நாம் ஒரு வரலாற்றுச் சிறப்புமிக்க வர்த்தக ஒப்பந்தத்தின் விளிம்பில் இருக்கிறோம். சிலர் இதை அனைத்து ஒப்பந்தங்களின் தாய் என்று அழைக்கிறார்கள். இது 2 பில்லியன் மக்களின் சந்தையை உருவாக்கும். இது உலக மொத்த உள்நாட்டு உற்பத்தியில் கிட்டத்தட்ட கால் பங்களிப்பை வழங்கும்.
இந்தியா பொருளாதார சக்தி மையம்
ஐரோப்பா இன்றைய வளர்ச்சி மையத்துடனும் இந்த நூற்றாண்டின் பொருளாதார சக்தி மையத்துடனும் வணிகம் செய்ய விரும்புகிறது என்றும் அவர் கூறினார். ஐரோப்பிய ஒன்றியம் இந்தியாவின் மிகப்பெரிய வர்த்தக பங்காளியாகும். 2023-24 நிதியாண்டில் அவர்களின் இருதரப்பு வர்த்தகம் 135 பில்லியன் அமெரிக்க டாலர்களாக இருக்கும் என்று மதிப்பிடப்பட்டுள்ளது. இந்தியாவும் ஐரோப்பிய ஒன்றியமும் 2007-ல் ஒரு சுதந்திர வர்த்தக ஒப்பந்தம் குறித்த பேச்சுவார்த்தைகளைத் தொடங்கின. இருப்பினும், இந்த பேச்சுவார்த்தைகள் 2013-ல் முடங்கின. ஒப்பந்தத்தின் பணிகள் 2022-ல் மீண்டும் தொடங்கப்பட்டன. ஐரோப்பிய ஒன்றியத்தில் இருந்து கார் இறக்குமதிக்கான வரியை 110% இலிருந்து 40% ஆகக் குறைப்பது குறித்து இந்தியா பரிசீலித்து வருவதாகக் கூறப்படுகிறது.
