பயங்கரவாதிகளின் அடுத்த டார்கெட்? கவுதம் கம்பீருக்கு பகிரங்க கொலை மிரட்டல்!

இந்திய கிரிக்கெட் அணியின் தலைமை பயிற்சியாளர் கவுதம் கம்பீருக்கு மின்னஞ்சலில் பகிரங்க கொலை மிரட்டல் விடுக்கப்பட்டுள்ள சம்பவம் பெரும் பரபரப்பை ஏற்படுத்தி உள்ளது. மேலும் இது தொடர்பாக கவுதம் கம்பீர் தரப்பில் காவல் துறையில் புகார் அளிக்கப்பட்டுள்ளது.

India head coach Gautam Gambhir

Death Threats to Gautam Gambhir: Delhi Police investigation: இந்திய கிரிக்கெட் அணியின் தலைமை பயிற்சியாளரும், முன்னாள் நாடாளுமன்ற உறுப்பினருமான கவுதம் காம்பீருக்கு 'ஐஎஸ்ஐஎஸ் காஷ்மீர்' என்று கூறப்படும் அமைப்பிடமிருந்து கொலை மிரட்டல் வந்துள்ளது.

இதையடுத்து, டெல்லி காவல்துறையை அணுகி நடவடிக்கை எடுக்குமாறு காம்பீர் கோரிக்கை விடுத்துள்ளார். ராஜிந்தர் நகர் காவல் நிலையம் மற்றும் மத்திய டெல்லி துணை காவல் ஆணையரிடம் முதல் தகவல் அறிக்கை (FIR) பதிவு செய்யக் கோரிக்கை விடுத்துள்ளார்.

காவல் துறையில் முறையிடல்

தனது குடும்பத்தின் பாதுகாப்பிற்கும் உரிய நடவடிக்கை எடுக்குமாறு அவர் காவல்துறையிடம் கேட்டுக் கொண்டுள்ளார். இந்த மிரட்டலின் தீவிரத்தை கருத்தில் கொண்டு, டெல்லி காவல்துறை இந்த விவகாரத்தை முழுமையாக விசாரித்து, காம்பீர் மற்றும் அவரது குடும்பத்தினருக்கு பாதுகாப்பு ஏற்பாடுகளைச் செய்யும் என எதிர்பார்க்கப்படுகிறது.

ஏப்ரல் 22 அன்று, காம்பீருக்கு இரண்டு மிரட்டல் மின்னஞ்சல்கள் வந்ததாகத் தெரிவிக்கப்பட்டுள்ளது - ஒன்று பிற்பகலிலும் மற்றொன்று மாலையிலும் - இரண்டிலும் "IKillU" என்ற செய்தி இருந்தது.

மிரட்டல் புதிதல்ல

காம்பீருக்கு இதுபோன்ற மிரட்டல்கள் வருவது இது முதல் முறை அல்ல; 2021 நவம்பரில், அவர் நாடாளுமன்ற உறுப்பினராக இருந்தபோது, ​​அவருக்கு இதேபோன்ற மின்னஞ்சல் வந்தது.

இதற்கிடையில், ஜம்மு காஷ்மீரின் பஹல்காமில் சுற்றுலாப் பயணிகள் மீது நடத்தப்பட்ட பயங்கரவாதத் தாக்குதலைக் கண்டித்து செவ்வாய்க்கிழமை காம்பீர் எக்ஸ் (முன்னர் ட்விட்டர்) தளத்தில் பதிவிட்டார். பஹல்காமில் செவ்வாய்க்கிழமை நடந்த கொடூரத் தாக்குதலில் பயங்கரவாதிகள் சுற்றுலாப் பயணிகள் மீது துப்பாக்கிச் சூடு நடத்தியதில் 26 பொதுமக்கள் உயிரிழந்தனர். இது 2019 புல்வாமா பயங்கரவாதத் தாக்குதலுக்குப் பிறகு மிகவும் கொடூரமான சம்பவங்களில் ஒன்றாகும்.

Gambhir

"இறந்தவர்களின் குடும்பங்களுக்காக பிரார்த்திக்கிறேன். இதற்கு காரணமானவர்கள் தண்டிக்கப்படுவார்கள். இந்தியா தாக்கும்," என்று காம்பீர் தனது எக்ஸ் தளத்தில் எழுதினார்.