- Home
- இந்தியா
- Bike Parcel: ரயிலில் பைக்கை பார்சல் அனுப்புறீங்களா? இந்த ரூல்ஸ் தெரியலைனா ஃபைன் நிச்சயம்!
Bike Parcel: ரயிலில் பைக்கை பார்சல் அனுப்புறீங்களா? இந்த ரூல்ஸ் தெரியலைனா ஃபைன் நிச்சயம்!
Bike Parcel: ரயிலில் பைக்கை பார்சல் அனுப்புவது எப்படி? தேவையான ஆவணங்கள், பேக்கிங் விதிகள், கட்டணம் மற்றும் கூடுதல் கட்டணம் ஏற்படாமல் கவனிக்க வேண்டிய தகவல்களை பார்க்கலாம்.
ரயிலில் இருசக்கர வாகனத்தை அனுப்பும் முறை
உங்கள் பைக்கை ரயிலில் அனுப்ப, சில முக்கிய ஆவணங்கள் தேவை. பைக்கின் அசல் ஆர்.சி (RC), ஃபர்ஸ்ட் பார்ட்டி இன்ஷூரன்ஸ் நகல், உங்கள் ஆதார் கார்டு மற்றும் மொபைல் எண் ஆகியவற்றை தயாராக வைத்திருக்க வேண்டும். ஒருவேளை பைக் உங்கள் பெயரில் இல்லை என்றால், அதன் உரிமையாளரிடம் இருந்து கையெழுத்திட்ட அனுமதி கடிதம் அவசியம்.
ரயிலில் பைக் பார்சல்
பார்சல் அலுவலகத்தில் விண்ணப்பத்தைப் பூர்த்தி செய்த பிறகு, அதிகாரிகள் பைக்கின் எடையை சரிபார்த்து கட்டணத்தை நிர்ணயிப்பார்கள். சைக்கிளை அனுப்பவும் இதேபோல லக்கேஜாக புக் செய்ய வேண்டும். ரயில் பயணத்தில் பாதுகாப்பு மிக முக்கியம். அதனால், பைக்கின் பெட்ரோல் டேங்கை முழுவதுமாக காலி செய்த பிறகே புக்கிங் செய்ய அனுமதிக்கப்படுவீர்கள்.
Lower Berth Rules: கீழ் படுக்கை வேண்டுமா? இந்த பயணிகளுக்கு முன்னுரிமை உண்டு என தெரியுமா?
பைக் பார்சல் விதிகள்
டேங்கில் சிறிது பெட்ரோல் இருந்தாலும், பெரிய அபராதம் விதிக்கப்படும். பைக் மீது கீறல்கள் விழாமல் இருக்க, சைடு மிரர்களை கழற்றிவிட வேண்டும். ரயில் நிலையத்தில் இருக்கும் நிபுணர்களைக் கொண்டு, வைக்கோல் மற்றும் கோணிப் பைகளால் பைக்கை பேக் செய்ய வேண்டும்.
ரயில்வே பார்சல் சேவை
இதற்கு பைக்கின் அளவைப் பொறுத்து சுமார் 300 முதல் 600 ரூபாய் வரை செலவாகும். உதாரணமாக, 800 கி.மீ தூரத்திற்கு பைக்கை அனுப்ப, பேக்கிங் மற்றும் போக்குவரத்து கட்டணங்களுடன் சேர்த்து சுமார் 3,000 ரூபாய் வரை ஆகலாம். பார்சல் புக் செய்தவுடன் அதிகாரிகள் ஒரு ரசீது கொடுப்பார்கள். அதை மிகவும் பத்திரமாக வைத்திருக்க வேண்டும்.
ரயிலில் பைக் அனுப்புவது எப்படி?
பைக் போய்ச் சேரும் இடத்தில் இந்த அசல் ரசீதைக் காட்டினால் மட்டுமே வண்டியை டெலிவரி எடுக்க முடியும். சில நேரங்களில், நீங்கள் பயணிக்கும் ரயிலில் இடம் இல்லையென்றால், உங்கள் பைக் அடுத்த ரயிலில் அனுப்பப்படலாம். பைக் ஸ்டேஷனுக்கு வந்த பிறகு, ஆறு நாட்களுக்குள் டெலிவரி எடுக்க வேண்டும். தாமதமானால், ரயில்வே நிர்வாகம் கூடுதல் பார்க்கிங் அல்லது டெமரேஜ் கட்டணங்களை வசூலிக்கும்.
